حتى .... سمعو واحد يطبطب و راحت الما تفتح الباب حتى لقاتو رضا عقدت حواجبها
رضا : مساء الخير الما
الما : مساء الخير ... خير واش تسحق
قاعدة دور فراسها خايفة يجي سيف و يشوفوا تنوض كبيرة
رضا : خير خير جيت نرجع الشارجور لسفيان نساه كي كان بايت عندي البارح
جبدتو الما من يدو بزربة باش تدخل
الما : صحا دوك نمدهولو
.....
سيف : الما وعلاش راكي واقفة قدام الباب
دنا عندها حتى يشوف فرضا واقف يشوف فيه و يتبسم ؛ طبع ختو للداخل بيدو و قالو
سيف : واش جابك لهنا
رضا : ههه بلعقل سيف بلعقل جيت نرجع الشارجور لخوك برك
سيف : واش راهو يدير عندك الشارجور تاعو
رضا : نساه كي بات فدارنا البارح
غلق الباب فوجهو و رضا تبسم
رضا : هداوين بدينا سيف ○○○○○
......
الما : سيف هو راح برك ... يعني متهدرش معاه خليه و ...
راح للكوزينة مخليها تهدر وحدها و هي لحقتو تجري
......
ريان : اففف حاب نحبس القراية هادي نروح نخدم اي حاجة بصح منقراش كرهت كي نتفكر بلي قريب ندخلوا
ملك : هههه نتا اصلا فنيان ماشي غير فالقراية
سفيان : خرج لوليد خالتو ههه
سفيان لي طلع راسو وقت تخبط الشارجور على الطابلة وين كان قاعد
سفيان : سيف واش كاين ؟
سيف : هاك الشارجور نسيتو عند صاحبك البارح
خزر فيه سفيان و بلع ريقو
سيف : فهمني شحال من مرة قلتلك بعد عليهم
ناض سفيان مقابلو و قالو
سفيان : سيف شوف ... نتا خويا لكبير و نحترمك بزاف بصح معندكش الحق دخل روحك فحياتي و فصحابي .... حنا جامي حاسبناك على حاجة درتها على هادي مدخلش روحك فيا
سيف : ندخل حبيت ولا كرهت و هاد العيباد قلت متزيدش دور معاهم معنتها متزيدش دور معاهم ولا راك حاب نبعتك تعيش بعيد على هنا
سفيان لي زير على يدو معجبوش الحال كي يظل يدخل روحو فيه و زيد يبهدل فيه قدام دار خالتو
سفيان ( بدا يعيط ) : معننندك مدير سيف هادي الدار دار بابا و راح نقعد فيها متقدرش تبعدني على هنا و متقدرش تتحكم فحياتي سكتت بزاف بصح انا ماشي لعبة بين يديك تلعب بيها كيما تحب
حبيبة و سعاد جاو يجريو على صوت العياط و بيانسور اسراء تاني
حبيبة : واش كاين هنا واش صرا
سيف : مليح وليت تعيط عليا
سفيان : وقت سكتت حسبتلك خلاص نتا لي راح تحكم بصح راك غالط خويا العزيز
خبطلو سيف على كتفو و قالو
سيف : لي عندي قلتو منحبش نعاودو نوليو لهاد السوجي
دور راسو راح يخرج حتى حبسو
سفيان : مراحش نوليولو اصلا ... مراحش دخل روحك معامن نهدر و شكون نعاشر
غمض عينيه و دار ليه ، هدرتو اصلا نارفاتو و راهو شاد روحو على الشعرة
سيف : سفيان اعرف كيفاش تهدر معايا
حبيبة : خلاص نتوما الزوج حبسوا متحشموش تضاربوا هكا قدامي ... و نتا سفيان كيفاش تهدر مع خوك هكا ، اطلب السماح منو خف
سفيان : مغلطتش باش نطلب السماح
سيف : مليح صحابك قدرو يفورماطيوك
سفيان : مكان حتى واحد يقدر ياثر عليا .... افهم حاجة سيف نتا مراكش بابانا بابا مات اذا نسيت مكالاه طيح علينا خشين و توريلنا صلاحنا ههه ولا كي راك شاد خدمة باباك خلاص حسبتلك قدرت تدي بلاصتو
سعاد : سفياااان واش هاد الهدرة احشم
سفيان : هههه مليح شوف سيف شوف كامل يوقفو معاك وعلاش مفهمتش مزال مفهمتش ... نقولك حاجة سيف من نهار مات بابانا انا خسرت خويا فهمت عمرك ولا راح تكون خويا واحد متسلط كيما نتا ميقدرش يكون خويا واحد سارقلنا حقنا ميقدرش يكون خويا نتا ....
الدبزة لي جاتو على وجهو سكتتو ؛ طاح على الارض يمسح فالدم لي ساح من نيفو
حبيبة : سيف لالا
طلع راسو ليه
سفيان : هكاك مليح راهو بان وجهك .... ههه كسرت التصويرة تاع الاخ لي زعما يحب خاوتو و يخاف عليهم
طاح عليه يضرب و سفيان طالق روحو و يضحك ؛ حبيبة و سعاد كانو يسيو يجبدو فيه .... جبد روحو ينهج خزر فيه و عينيه حمورا هدرتو كسرتو و حطمتو يعني هو يخمم على صلاحو و هو يقولو هكا ... معلباليش فاما صف راكم يعني اذا سيف عندو الحق ولا سفيان لي عندو الحق و سيف مكانش لازم يدخل روحو هكاك ..... سفيان لي جبد روحو و خرج .... سيف خرج للبالكون و حبيبة لي دارت بيها دنيا و هي تشوف ولادها يضاربو
ملك : طاطا بلاكي
شدتها وقت كانت راح طيح ، عاونتها سعاد و راحو للصالون
حبيبة : ريان تعيش وليدي روح حوس على سفيان و جيبو يزيد يدير فروحو كاش حاجة
دارلها براسو ايه و خرج
حبيبة : اكثر حاجة خفت نشوفها ولادي يتعداو هكا 😭
سعاد : خلاص حبيبة كلش يجوز .... بصح سفيان زاد عليها بزاف بالهدرة
حبيبة : علبالي شوية منو و شوية من خوه و ...
سعاد : سيف مدار والو حبيبة لي قالو فصلاح سفيان
حبيبة : علبالي بصح لوكان ساعفو يعرف خوه خفيف شوفي وين وصلنا
ملك : خلي نجيبلها الما
راحت جابتلها قرعة ما ، سرباتلها فالكاس و مدتلها تشرب
حبيبة : صحا بنتي
ملك : بلا مزية
الما : منعرف اذا ريان لقا سفيان و زيد وجهو كامل راهو مدمدم
اسراء : اخااه الناس دوك تشوفو تقول واش صرا
سعاد : هاد الهدرة وقتها دوكا اسراء !
ملك : انا نروح نرجع الماء
راحت للكوزينة رجعت الماء ؛ و رمات عينها للبالكون وين كان سيف واقف ... ترددت منبعد راحت عندو
يتبع 💚💚💚
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
