တစ်နေ့တွင် တိုက်ဆိုင်သည်ဟုပင်ဆိုရမလားမသိပေ။ နှိုင်းသွားနေကျဖြစ်သည့် မိဘမဲ့ဂေဟာလေးသို့ မြသွေးသည် သတ္တိနှင့်အတူ လာရောက်ကာ ကလေးငယ်များအား လိုအပ်သည့်ပစ္စည်းများ ကူညီထောက်ပံ့ပေးသည်။
ထိုအချိန်တွင် နှိုင်းသည် ကလေးများနှင့်အတူဆော့ကစားနေသည်အား မြသွေးမြင်လိုက်မိသည်။
"အစ်ကို ဟိုမှာ နှိုင်း မလား "
မြသွေးညွှန်ပြသောနေရာသို့ သတ္တိလှမ်းကြည့်လိုက်သည်။ ပူပင်မှုကင်းကင်းဖြင့် ကလေးများနှင့်အပြိုင် လွတ်လွတ်လပ်လပ် ဆော့ကစားနေသော နှိုင်းသည် အမှန်ပင်ချစ်စရာကောင်းနေသည်။ တည်ငြိမ်ရင့်ကျက်သည့် လုပ်ငန်းရှင်တစ်ဦး၏ ပုံစံဖြင့်သာ မြင်နေကျဖြစ်သော သတ္တိသည် နှိုင်း၏ ယခုပုံစံလေးအား သဘောကျစွာငေးကြည့်နေမိသည်။
"နှိုင်းက ဒီလိုကျတော့လည်း ကလေးတစ်ယောက်လိုဘဲနော် "
မြသွေးပြောသမျှအား စကားပြန်မလာသော အစ်ကိုဖြစ်သူအားမော့ကြည့်လိုက်ချိန် နှိုင်းအား မျက်တောင်မခတ်တမ်းငေးကြည့်နေသော အစ်ကိုဖြစ်သူအားတွေ့လိုက်ရ၍ စချင်လာသည်။
"အစ်ကို မျက်လုံးကြီးလည်းကျွတ်ကျနေပါဦးမယ် "
လက်အား ပုတ်ကာ ပြောလာသော မြသွေးကြောင့် ငေးကြည့်နေရာမှ အသိပြန်ဝင်လာခဲ့သည်။
"အမ်...မ ...မကြည့်ပါဘူး "
အယောင်ယောင်အမှားမှားဖြင့် စကားထစ်နေသော အစ်ကိုဖြစ်သူကြောင့် မြသွေးရယ်မိသည်။ နှိုင်းအား ကြည့်နေသောအကြည့်များတွင် မြတ်နိုးမှုများပါနေသည်အား သူမ မြင်လိုက်ပါသည်။ သူမ အစ်ကိုသည် နှိုင်းအား သဘောကျနေသည်။ နှိုင်းလို မိန်းကလေးအား ယောက်မတော်ရမည်ဆိုလျှင် သူမ ဆယ်ခါပြန်တောင် ကျေနပ်သေးသည်။
"ချစ်စရာကောင်းတယ်မလား "
"အရမ်းချစ်စရာကောင်းတယ်"
သတ္တိပါးစပ်အား မထိန်းချုပ်မိလိုက်ဘဲ ပြောထွက်သွားခြင်းပင်။ ပြုံးစိစိဖြင့် ကြည့်နေသော မြသွေးကြောင့် ရှက်သွားကာ ပြောမိပြောရာပြောလိုက်မိသည်။
YOU ARE READING
ပြိုကျလျက်ရှိသော မိုးရိပ်
Short Storyလောကဓံရေ အရာအားလုံးကို ယူသွားပါ ဒါပေမဲ့ ကဗျာ့ကိုတော့ ပိုင်ဆိုင်ခွင့်ပေး (နှိုင်းယှဉ်ဝင့်လွှာ) ကဗျာ့အတွက် ပျော်ရွှင်ခြင်းဆိုတာ ပန်းချီလေ (ကဗျာခြွေ) ကမ္ဘာမှာ ပျောက်ပျက်မသွားတဲ့အရာက ဘာလဲဆိုရင် ကဗျာ့အပေါ်ထားတဲ့ ချစ်ခြင်းဘဲပေါ့ (မြတ်ပန်းချီခြယ်)