ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂

အပိုင်း ၃၉၇ ယွမ်ဝူတောက်ကို သတ်ဖြတ်ခြင်း

အပိုင်း ၃၉၇ ယွမ်ဝူတောက်ကို သတ်ဖြတ်ခြင်း၊ ငါ့မှာအကြံတစ်ခုရှိတယ်၊ မင်းတို့ကိုဝင်ခွင့်မပြုနိုင်ဘူး

သွေးနဂါးလက်သည်းဖြင့်ဆိုလျှင် ယွမ်ဝူတောက်၏ စွမ်းအားသည် ဆက်တိုက်မြင့်မားသွားမည်မှာသေချာ၏။

လက်သည်းတစ်ချက်ကုတ်လိုက်လျှင် ဟင်းလင်းပြင်ကိုပင် ဆွဲဖြဲပစ်နိုင်လေသည်။ကြက်သွေးရောင်နတ်ဆိုးချီအမြောက်အများက လေထုထဲတွင်ထွက်ပေါ်လာပြီး ချူခွမ်းရန်ဆီသို့ တဟုန်ထိုးတိုးဝင်လာ၏။

ချူခွမ်းရန်က လက်ကိုမြောက်လိုက်ပြီး နတ်ဆိုးချီများကို အားစိုက်ထုတ်စရာမလိုပဲ ဖျက်စီးလိုက်၏။

သူတို့နှစ်ယောက်ကြားရှိ စွမ်းအားကွာခြားချက်မှာ အလွန်ကြီးမားသဖြင့် ယွမ်ဝူတောက်သည် သူ၏သွေးနဂါးလက်သည်းဖြင့်ပင် ချူခွမ်းရန်ကို လိုက်မီရန် အများကြီးလိုသေးလေသည်။

'' သေစမ်း...ချူခွမ်းရန်သေစမ်း၊ ကောင်းကင်ဆန္ဒအရသေစမ်း...''

သို့သော်ယွမ်ဝူတောက်က စွမ်းအားကွာခြားချက်ကိုသတိမထားမိသည့်အလား သူ၏လက်သည်းဖြင့်ရှေ့သို့ကုတ်ချလိုက်၏။နီရဲတောက်နေသော မျက်လုံးများက သူ့ကိုရူးသွပ်သွားသည်ဟုထင်ရစေ၏။

ယွမ်ဝူတောက်သည် သွေးနဂါးလက်သည်းကိုကောင်းစွာမထိန်းချုပ်နိုင်ဖြစ်နေသည်ကို ချူခွမ်းရန်ပြောနိုင်၏။ပြောရလျှင် သူကလက်နက်၏ မကောင်းသောစိတ်ဆန္ဒ၏ ထိန်းချုပ်ခြင်းကိုပင် ခံနေရသည်။

အကယ်၍ သူသာ ထိုလက်နက်ကိုအချိန်ကြာ​အောင် အသုံးပြုမည်ဆိုလျှင် သူသည် နတ်ဆိုး၏လွမ်းမိုးမှုကိုခံရပြီး နောက်ဆုံးတွင် သတ်ဖြတ်ရမည်ကိုသာသိသော ရူးသွပ်သွားသည့် သူတစ်ယောက်ဖြစ်သွားပေလိမ့်မည်။

'' စောစောက သူရစ်ပတ်ခံလိုက်ရတာဒါ​ကြောင့်ကိုး၊ အဲ့ဒီပတ်တီးစက နတ်ဆိုးစိတ်ဆန္ဒတွေကို သူ့ဆီမဝင်နိုင်အောင် တားဆီးထားတာပဲ...''

ချူခွမ်းရန်က ရေရွတ်လိုက်သည်။

သွေးနဂါးလက်သည်း၏ စွမ်းအားအပြည့်အဝကိုနားလည်သွားပြီးနောက်တွင် ချူခွမ်းရန်သည် သူတို့၏တိုက်ပွဲကို ဆက်လက်ရန်စိတ်မဝင်စားတော့ချေ။