အပိုင်း ၄၃၆ ပြန်ရွေးရန်အဖိုးအခ၊ စိတ်စွမ်းအားကိုတိုးမြင့်ခြင်း၊ကောင်းကင်နက်ဂိုဏ်းမှထွက်ခွာခြင်း
ထိုသုံးနှစ်တာတံခါးပိတ်ကျင့်ကြံနေစဥ်ကာလအတွင်း ချူခွမ်းရန်သည် ကောင်ကင်ဘုံအပြစ်ဒဏ်ချိတ်တံဆိပ်ကို သူ၏ခန္ဓာကိုယ်မှဖယ်ထုတ်နိုင်ခဲ့သလော မည်သူမှမသိပေ။
ထို့အပြင် ချူခွမ်းရန်က မည်သည့်ဝိညာဥ်စွမ်းအားကိုမှအသုံးမပြုပဲ အလွန်အစွမ်းထက်သော ရုန်းသင်္ကေတစွမ်းအားကို ထုတ်ဖော်နိုင်သနည်း မသိပေ။
သို့သော်လည်း သူတို့က အရင်ကလို ပြိုင်ဘက်ကင်းပြီး၊ ရဲရင့်သော စွမ်းအားကြီးသော ချူခွမ်းရန်ကနောက်တစ်ကြိမ်ပြန်လာပြီဖြစ်ကြောင်း သိကြသည်။
ကောင်းကင်တစ်ခွင်လုံးပြည့်နှက်နေသော ရုန်းသင်္ကေတများကိုမြင်တွေ့လိုက်ကြရာ ကောင်းကင်နက်ဂိုဏ်းရှိတပည့်များစွာက သူတို့၏ပျော်ရွင်မှုကိုမထိန်းချုပ်နိုင်ကြတော့ပဲ မျက်ရည်များကျဆင်းလာလေတော့သည်။
“ သူပြန်လာပြီ...။”
“ ဂိုဏ်းချုပ်ပြန်လာပြီ...”
“ ငါသိနေတယ်...၊ ဂိုဏ်းချုပ်က အလွယ်တကူဖိနှိပ်လို့ရတဲ့သူမျိုးမဟုတ်ဘူးဆိုတာကို၊ သာမန်ချိပ်တံဆိပ်တစ်ခုက သူ့ကိုဖိနှိပ်နိုင်ပါ့မလား...”
“ အမှန်ပဲ...”
...။
အံ့ဩနေကြသည်မှာ ကောင်းကင်နက်ဂိုဏ်း၏တပည့်များသာမဟုတ်ကြပေ။
ရုန်းသင်္ကေတချိန်းကြိုးများထဲတွင်ပိတ်မိနေသော လျိုယီချင်းနှင့် ယင်းလီတို့ကလည်းကောင်းကင်ထက်ကိုမယုံကြည်နိုင်စွာကြည့်လိုက်ကြသည်။
“ သူကကောင်းကင်တာအိုရဲ့ဖိနှိပ်မှုကို ခံထားရတာတောင်မှ အခုလိုစွမ်းအားကိုထုတ်လွှတ်နိုင်သေးတယ်၊ ဒါက လွန်ခဲ့တဲ့သုံးနှစ်က ပြိုင်ဘက်ကင်း ကောင်းကင်သားတော် ဆိုတာလား...”
လျိုယီချင်း ရေရွတ်လိုက်သည်။
လျိုယီချင်းသည် အစက ဤရလာဒ်ကိုလက်မခံနိုင်ပေ။ယခုအခါတွင်ကား သူကချူခွမ်းရန်ကိုကြည့်ရင်း သူမည်မျှ ကြောက်မက်ဖွယ်ကောင်း ပုံကိုတွေ့မြင်နိုင်ပြီဖြစ်သည်။
ESTÁS LEYENDO
ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂
Acciónအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
