ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂

အပိုင်း ၄၀၅ မှော်ဆရာ၏စွမ်းရည်၊ အတူသေမလား ထွက်သွားမလား

အပိုင်း ၄၀၅ မှော်ဆရာ၏စွမ်းရည်၊ အတူသေမလား ထွက်သွားမလား

ကောင်းကင်နက်ဂိုဏ်းကို ပထမဆုံးဖျက်စီးရမယ်။

၄င်းသည် လျှို့ဝှက်ကုန်းမြေကြီးမှ ကျင့်ကြံခြင်းနယ်​မြေများ ပြင်ပကမ္ဘာကြီးကိုထွက်လာလာချင်း ကြေညာချက်ဖြစ်သည်။

ထိုကြေညာချက်ထွက်ပေါ်လာသည်နှင့် အခွင့်အရေးကိုစောင့်နေကြသူများ၊ ကောင်းကင်နက်ဂိုဏ်း၏ ရန်သူများကလည်း ထိုကြေညာချက်ကို သဘောတူလက်ခံကြောင်း ထုတ်ပြန်လိုက်ကြ၏။

ထိုကျင့်ကြံခြင်းနယ်မြေများတွင် အရှင်သခင်မျိုးနွယ်စု၊ လင်းဟူကလန်၊ ကောင်းကင်အင်ပါယာနန်းတော်နှင့် ပင်လယ်ကျွန်းသုံးဆယ့်ခြောက်ကျွန်းတို့ပါဝင်ကြသည်။

ပုံမှန်အားဖြင့် ထိုကျင့်ကြံခြင်းနယ်မြေများက ကောင်းကင်နက်ဂိုဏ်းကိုလာပြီးရန်စရဲကြမည်မဟုတ်ပေ။သို့သော် ယခုတွင်ကား အခြေအနေက အနည်းငယ်ကွဲပြားသွားခဲ့လေပြီ။

လျှို့ဝှက်ကုန်းမြေများက သူတို့၏ဘက်တွင်ရှိနေသဖြင့်  ဤအခွင့်အရေးသည် သူတို့အတွက် ကောင်းကင်နက်ဂိုဏ်းကို အမြစ်ပြတ်သုတ်သင်ရန် အခွင့်အလမ်းကောင်းတစ်ခုဟု မြင်ကြလေသည်။

ထိုထင်ကြေးကို ယုံကြည်ကြသူအများအပြားရှိ၏။

ယခုအချိန်၌ ကောင်းကင်နက်ဂိုဏ်းသည် တစ်ယောက်တည်းနှင့် တစ်ကမ္ဘာလုံးကို ဆန့်ကျင်နေရခြင်းဖြစ်သည်။

သူတို့၏ ရှုံးနိမ့်မှုက သေချာနေလေပြီ။ချုခွမ်းရန်မည်မျှပင် သန်မာစေကာမူ ဤအခြေအနေတွင် သူသည်လည်း ဘာမှပြုလုပ်ပေးနိုင်မည်မဟုတ်ပေ။

ဤသို့ဖြင့် ကောင်းကင်နက်ဂိုဏ်းကိုဆန့်ကျင်တိုက်ခိုက်မည့်သတင်းသည် လူတိုင်း၏အာရုံကိုဆွဲဆောင်လာပြီး ကျင့်ကြံသူတိုင်း၏ အတင်းအဖျင်းပြောစရာ သတင်းတစ်ခုဖြစ်လာခဲ့သည်။ကောင်းကင်ကြယ်တာရာကြီးတစ်ခုလုံးသည်လည်း နှစ်သစ်ကူးသကဲ့သို့ နိုးနိုးကြားကြားတက်တက်ကြွကြွရှိနေကြလေသည်။

သူတို့က ဘာဖြစ်မလဲ စောင့်ကြည့်နေကြသည်။

ကျင့်ကြံသူများက ဤတိုက်ပွဲအတွင်း ကောင်းကင်နက်ဂိုဏ်း၏ ကျဆုံးခန်းတစ်ခုတည်းကိုသာ စောင့်ကြည့်နေကြခြင်းမဟုတ်ပဲ ပြိုင်ဘက်ကင်းကောင်းကင်သားတော်များ၏ ကြွေလွင့်ချိန်ကိုလည်း မျက်မြင်တွေ့လိုကြလေသည်။