ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂

အပိုင်း ၄၁၈ ကုချင်းသံစဥ်နှင့် ဓားချီ

အပိုင်း ၄၁၈  ကုချင်းသံစဥ်နှင့် ဓားချီ၊ ကောင်းကင်ရွှေ ချီစုစည်းခြင်းအစီအရင်၊ ကျောက်သမုဒ္ဒရာမျှော်စင်က တိုက်ပွဲဝင်ရောက်ခြင်း

“ ဒါ ဖြစ်နိုင်တယ်လို့ ငါထင်တယ်”

သူ ရှေ့သို့ခြေတစ်လှမ်းချလိုက်သည်နှင့်၊ သူ၏ ဓားတာအိုစည်းချက်က ချက်ချင်း ထွက်ပေါ်လာ၏။

သူ့တာအိုစည်းချက်က ပြင်းထန်လွန်းရာ ပတ်ဝန်းကျင်လေဟာနယ်ကိုပင် တုန်ခါသွားစေသည်။ ကျင့်ကြံသူမြောက်များစွာက အံ့အားသင့်နေပြီး ‌ရှေ့သို့ မတိုးဝံ့တော့ပေ။

ချူခွမ်းရန်သည် ဤကဲ့သို့ စွမ်းအားဖြင့် ဂုဏ်သတင်းနှင့် သြဇာသက်ရောက်မှုကို ကိုယ်တိုင် တည်ဆောက်ခဲ့၏။

သူ၏ မရှုံးနိမ့်နိုင်သောကိုယ်ဟန်က လူတိုင်း၏ စိတ်ထဲ၌ စွဲထင်နေသည်။ 

“ ဘာဖြစ်တာလဲ။ မင်းတို့အားလုံး ငါ့ကို အနိုင်ယူဖို့ လာတာမဟုတ်ဘူးလား။ မင်းတို့က ဒီလောက်ကြီးမားတဲ့ စစ်တပ်ကို ဖွဲ့စည်းပြီး ငါ့ကို ဖြုတ်ချဖို့ ကမ္ဘာထဲမှာ စစ်ပွဲကြီးတွေဖြစ်စေတယ်။ အခု ငါ မင်းတို့ရှေ့မှာ ရပ်နေပြီ ကောင်လေးတို့၊ မင်းတို့ ဘာလို့ မလှုပ်ရှားကြတာလဲကွ”

ချူခွမ်းရန်၏ မျက်လုံးက မိုးကြိုးကဲ့သို့ လက်နေပြီး ပညာရှင်များကို ကြည့်လိုက်သည်။

“ တိုက်”
နတ်သမီးလှေအတွင်းမှ ကျယ်လောင်သောအသံတစ်ခု ထွက်ပေါ်လာခဲ့သည်။

၎င်းကို ပြောလိုက်သည်က ပညာရှင်အုပ်စိုးသူကျန်းကွမ် ဖြစ်၏။

ပညာရှင်မီးခိုးက ချက်ချင်း အော်လိုက်သည်။

“ သူ့ကို သတ်”

ထို့နောက်၊ သူသည် အနက်ရောင်ချပ်ဝတ်တစ်ခုကို ဝတ်ဆင်ထားပြီး ရှေ့သို့ ပြေးဝင်ကာ လက်သီးချက်များ ထုတ်လိုက်သည်။ သူ၏ အရှင်သခင်ခန္ဓာကို အကန့်အသတ်ထိ တိုးမြှင့်ထား၏။

“ ချူခွမ်းရန်၊ မြွေနတ်ဘုရားကို မင်းလုပ်ခဲ့တာတွေအတွက် မင်းအသက်နဲ့ ပေးဆပ်ရလိမ့်မယ်”

ပင်လယ်ပြင်မှ ပညာရှင်များလည်း တိုက်ခိုက်ကြသည်။

များပြားလှစွာသော စွမ်းအားကြီးပညာရှင်တာအိုစည်းချက်လှိုင်းများက ချက်ချင်း ပေါက်ကွဲထွက်လာ၏။