ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂

အပိုင်း ၄၄၄ ကွေ့ဝူချောင်ကိုသတ်ဖြတ်ခြင်း

အပိုင်း ၄၄၄ ကွေ့ဝူချောင်ကိုသတ်ဖြတ်ခြင်း၊ သွေးဝိညာဥ်ကလေးငယ်၊ မြူစိမ်းနတ်သမီးအသက်ချမ်းသာ‌ပေးရန်တောင်းပန်ခြင်း

အင်ပါယာနန်းတော်အတွင်းတွင်...။

ကွေ့ဝူချောင်နှင့် သွေးဝိညာဥ်ကလေးငယ်တို့က ချူခွမ်းရန်ရုတ်တရက်ပေါ်လာသောကြောင့် ထိတ်လန့်သွားကြသည်။

သူတို့က ချူခွမ်းရန်ကိုဤနေရာတွင်တွေ့ရရန် လုံးဝမမျှော်လင့်ထားကြချေ။

အထူးသဖြင့် ကွေ့ဝူချောင်အတွက်ဆို ပိုမှန်ပေလိမ့်မည်။သူက ချူခွမ်းရန် လွန်ခဲ့သောသုံးနှစ်က သူ့ကိုဖိနှိပ်ခဲ့သည်များကို  ပြန်ပြောင်းအမှတ်ရနေတုန်းရှိသေးသည်။ထိုတစ်ခဏမှာပင် ချူခွမ်းရန်က သူတို့၏ရှေ့တွင် ရုတ်တရက်ပေါ်လာလိမ့်မည်ဟု မည်သို့ထင်ထားမည်နည်း။ထိုအရာက အလွ န်တိုက်ဆိုင်လွန်းနေသည်မဟုတ်ပါလား။

သို့သော်လည်း ချူခွမ်းရန်က ထိုနှစ်ယောက်ကို ဂရုစိုက်ရန်အချိန်မရှိသေးချေ။သူက ဘေးပတ်ဝန်းကျင်ကိုစစ်ဆေးကြည့်လိုက်သည်။ ရတနာများကို တွေ့လိုက်ရသောအခါတောင်မှ သူ၏မျက်နှာက အလွန်တည်ငြိမ်နေ၏။သူ၏ တစ်ဘဝလုံးတွင် ထိုကဲ့သို့သောရတနာများစွာကိုတွေ့ဖူးပြီး ထို့ထက်အဖိုးတန်သောအရာများကိုပါ တွေ့ဖူးသေးလေသည်။၎င်းတို့က သူ့အတွက် အထောက်အကူပြုပစ္စည်းများသာသာ ဖြစ်လေသည်။

ပညာရှင်အုပ်စိုးသူ အဆင့်ရတနာများတောင်မှ ယခုသူ့ကိုရင်ခုန်အောင်မလုပ်နိုင်တော့ပေ။

သူက ထိုအင်ပါယာအဆင့်ဆေးပင်များနှင့် အင်ပါယာကျမ်းစာကိုမြင်သောအခါမှ စိတ်ဝင်စားလာသည်။

“ အိုး...အင်ပါယာအဆင့်ဆေးပင်တွေပါလား၊ ဒါတွေက အဖိုးတန်ဆေးပင်တွေဆိုပေမယ့်၊ အဲ့ဒါတွေက ဘယ်လိုအသုံးဝင်သလဲ ငါလည်းမသေချာဘူး...”

ထိပ်တန်းဆေးပင်များတွင် သူတို့ကိုယ်ပိုင် အသုံးဝင်ရာနေရာများရှိလေသည်။တစ်ချို့က ကျင့်ကြံခြင်းကိုမြင့်တင်ရာတွင် အသုံးပြုသည်။တစ်ချို့ဆေးပင်များက သဘာဝပါရမီကိုပင် ပြောင်းလဲရန်အသုံးပြုနိုင်၏။တစ်ချို့က ဒဏ်ရာများကိုကုသရန်အသုံးပြုလေသည်။