အပိုင်း ၄၆၅ ငါ့ရဲ့လက်ဝါးတစ်ချက်ကို ခံယူစမ်း၊ ရှေးဟောင်းစစ်မြေပြင်ကို ဖျက်စီးခြင်း၊ အဲ့ဒါကိုဘယ်သူတောင့်ခံနိုင်မှာလဲ
ရှေးဟောင်းစစ်မြေပြင်အထက်လေထုထဲတွင်...။
အတောမသတ်နိုင်သည့်ဖိအားကိုထုတ်လွှတ်နေသည့် အော်ရာတစ်ခုက ရုတ်တရက်ထွက်ပေါ်လာခဲ့သည်။
ထိုအော်ရာလှိုင်းက သဘာဝတရား၏ စွမ်းအားကဲ့သို့ ကြောက်မက်ဖွယ်ကောင်း၏။၎င်းက လူတိုင်းကို ကြီးစွာတုန်လှုပ်သွားစေ၏။ထိုအော်ရာကို စိတ်ဝိညာဥ်အာရုံထဲတွင် အာရုံခံမိသူများမှာ အလွန်ထိတ်လန့်သွားကြလေသည်။
“ အဲ့ဒါက ဘယ်သူလဲ...”
“ ဘယ်သူ့မှာ အဲ့လိုစွမ်းအားမျိုးရှိနိုင်မှာလဲ...၊ အဲ့ဒါက တစ်ပိုင်းအင်ပါယာများလား...”
“ တစ်ပိုင်းအင်ပါယာတစ်ယောက်ပေါ်လာတာလား...”
“ မဟုတ်ဘူး...မဖြစ်နိုင်ဘူး...၊ ဒါက တစ်ပိုင်းအင်ပါယာမဟုတ်ဘူး၊ တစ်ပိုင်းအင်ပါယာတစ်ယောက်ရဲ့ အော်ရာက အခုလိုမျိုးမဟုတ်ဘူး၊ ဒီအော်ရာမှာ ပညာရှင်တာအိုစည်းချက်တွေပါဝင်နေတယ်...”
“ လာနောက်နေတာလား၊ ပညာရှင်တစ်ယောက်က ဒီလောက်သန်မာပါ့မလား...”
“ နပေါဦး...”
လူတိုင်းက တစ်စုံတစ်ရာကို သတိထားမိသွားကြသည်။
“ ခုနကပဲ တစ်ယောက်ယောက်က အဓိပတိပညာရှင်ဖြစ်လာတာမလား...”
လူတိုင်းက ထိုသူသည် မည်သူဖြစ်ကြောင်းခန့်မှန်းနေကြချိန်တွင် ရှေးဟောင်းစစ်မြေပြင် အထက်ရှိတိမ်တိုက်များက ရုတ်တရက်ရွေ့လျားလာပြီး အတူတကွစုစည်းသွားကြကာ မျက်နှာတစ်ခုပုံစံဖြစ်ပေါ်လာသည်။
ထိုမျက်နှာ၏ အမူအရာက အလွန်အေးစက်နေသည်။၎င်းဆီမှ သဘာဝတရားကြီး၏ စွမ်းအင်များဖြာထွက်နေ၏။
“ ချူခွမ်းရန်...”
“ သူက ကောင်းကင်ဘုံပြစ်ဒဏ်ချိပ်တံဆိပ်ကို ချိုးဖျက်ပြီး တကယ် အဓိပတိပညာရှင် ဖြစ်လာတာပဲ၊ သမိုင်းမှာ ဘယ်သူမှ အဲ့ဒီလို မလုပ်နိုင်ခဲ့ဘူး...”
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
