အပိုင်း ၃၉၉ ကမ္ဘာအပြင်ဘက်၏ ကောင်းကင်ဘုံကိုးခု၊ ချမ်အင်ပါယာ၏ စမ်းသပ်မှု၊ ဒါပဲလား...
“ အမှန်ပဲ... ကျုပ်တစ်ယောက်တည်း”
ချူခွမ်းရန်က ကျောက်စိမ်းအဆောင်ရှစ်ခုကို ထုတ်ပြပြီး ပြောသည်။
“ မင်းရဲ့ အမွေကို ဆက်ခံရမယ့်သူက ငါတစ်ယောက်တည်းပဲထင်တယ်၊ ချမ်အင်ပါယာခင်ဗျာ”
ချမ်အင်ပါယာက အနည်းငယ် အံ့သြသွားသည်။
သူ၏ ဟောကိန်းထုတ်ချက်အရ၊ ကျောက်စိမ်းအဆောင်ရှစ်ခုလုံးက သူ၏ အင်ပါယာနန်းတော်၌ စုဝေးကြပေမည်။ ဆိုလိုသည်က ထိပ်တန်းကောင်းကင်သားတော်ရှစ်ဦးက သူ၏ အမွေအတွက် လာပြီးယှဥ်ပြိုင်ကြပေမည်။
ဆိုတော့၊ အဘယ်ကြောင့်တစ်ယောက်တည်း ဖြစ်နေရသနည်း။
သူ့ဟောကိန်းက မှားနေသည်လား။
“ အနာဂတ်မှ ကောင်းကင်သားတော်၊ မင်းနာမည်ကို ပြောပါ”
“ ချူခွမ်းရန်”
“ မင်း ကျောက်စိမ်းအဆောင်ရှစ်ခုလုံးကို ဘယ်လိုရလာတာလဲ”
ချမ်အင်ပါယာက အံ့သြတကြီး မေးသည်။
“ အခြားသူတွေက ကျုပ်ဆီ လိုလိုလားလား ပေးကြတယ်လေ”
“ လိုလိုလားလား တဲ့လား”
“ ကိစ္စရှိလား”
“ မရှိဘူး”
ချမ်အင်ပါယာသည် သူ့ခေါင်းကို ခါယမ်းပြီးနောက်ပြော၏။
“ မင်းက ဒီမှာ တစ်ယောက်တည်းဖြစ်ပေမယ့်၊ ငါ့အမွေကို မင်းဆီ ပေးမယ်လို့ မဆိုလိုဘူး။ ဘာပဲဖြစ်ဖြစ် စမ်းသပ်မှုတစ်ခု လိုအပ်နေသေးတယ်”
“ ဟုတ်ပြီလေ။ ဒါပေမယ့် ကျုပ်တို့ မစခင်မှာ ကျုပ်မှာ အခုအချိန်ထိ အချိန်အတော်ကြာအောင် စဥ်းစားမရနိုင်တဲ့ မေးခွန်းတစ်ချို့ ရှိသေးတယ်။ မြင့်မြတ်တဲ့ ချမ်အင်ပါယာခင်ဗျာ၊ သင် ကျုပ်ရဲ့ သံသယတွေကို ဖြေရှင်းပေးဖို့ စိတ်ကူးရှိပါသလား”
“ ဆက်လုပ်”
“ ချမ်အင်ပါယာ၊ မင်း ကွယ်လွန်သွားပြီလား”
ချူခွမ်းရန်သည် သူ့ရှေ့ရှိ ချမ်အင်ပါယာကို ကြည့်ပြီး မေးသည်။ သူ့ရှေ့၌ ရပ်နေသော ချမ်အင်ပါယာက စိတ်အာရုံကိုယ်ပွားတစ်ခု မျှသာဖြစ်ကြောင်း သူပြောနိုင်၏။
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
