အပိုင်း ၄၄၉ အို့၊ မင်းတို့က ကျုပ်ကို ရှာနေတာလား၊ ချူခွမ်းရန်က နှင်းများကြား လမ်းလျှောက်လာခြင်း
ဘုန်း... ဘုန်း... ဘုန်း...
မြင့်မြတ်အလင်းခန္ဓာနှင့် ကောင်းကင်ရွှေအင်ပါရီယန်ခန္ဓာကိုယ်၏ တာအိုစည်းချက်များ ထိပ်တိုက်တွေ့မိကြသည်နှင့် ပြင်းထန်သောစွမ်းအင်လှိုင်းများက နေရာအနှံ့ပျံ့နှံ့သွားသည်။
ပတ်ဝန်းကျင်နှင်းများသည် အဖြူရောင်မြူများအဖြစ် ပြိုကွဲကာ ကောင်းကင်ကို ပြည့်နှက်သွားစေသည်။
တိုက်ပွဲကို လျှို့ဝှက်စွာ စောင့်ကြည့်နေကြသော ကျင့်ကြံသူများအားလုံးက အံ့သြသွားသည်။
“ လန်ယုက ရှောင်လင်းတန်ကို သူ့ဘာသာ ကိုင်တွယ်နိုင်မယ်လို့ မထင်ထားမိခဲ့ဘူး။ သူမက အရမ်းအစွမ်းထက်ပြီးတော့ အတိတ်က အစွမ်းထက်ဆုံးအင်ပါယာငယ်ဖြစ်ဖို့ ထိုက်တန်တယ်”
“ ဒါပေမယ့်၊ ကောင်းကင်ရွှေအင်ပါရီယန်ခန္ဓာဟာ အဆင့်နှစ်မှာ ရပ်တည်နေတဲ့ မဟာတာအိုခန္ဓာကိုယ်တစ်ခု။ မြင့်မြတ်အလင်းခန္ဓာက အဲဒါကို မယှဥ်ပြိုင်နိုင်မှာ စိုးမိတယ်”
“ လူတစ်ယောက်ရဲ့ ခန္ဓာက ညီမျှခြင်းအပိုင်းတစ်ခုသာသာပဲ။ ကျင့်ကြံသူက သူတို့ရဲ့ ခန္ဓာကိုယ်စွမ်းအားကို ကောင်းစွာ အသုံးချနိုင်မှုနဲ့ သူတို့ အသုံးပြုတဲ့ နည်းစနစ်အမျိုးအစားတွေကိုလည်း ထည့်သွင်း စဥ်းစားသင့်တယ်...”
ပရိတ်သတ်များ တဖြည်းဖြည်း များပြားလာသည်။
သူတို့ထဲတွင် ချူခွမ်းရန်က ကံကြမ္မာနတ်မြို့တော်၌ ရှိနေကြောင်း သိရ၍ အပြေးရောက်လာကြသော ကျင့်ကြံသူအချို့လည်း ပါဝင်၏။ ၎င်းတို့အများစုကား လူငယ်မျိုးဆက် ကောင်းကင်သားတော်များပင်။
ဥပမာအားဖြင့်၊ လွန်ခဲ့သောသုံးနှစ်က ချူခွမ်းရန်၏ ဘုန်းကျက်သရေ လွှမ်းမိုးမှုကို ခံခဲ့ရသော အင်ပါရီယန်လျှောက်လှမ်းသူများ ဖြစ်၏။
“ ကော်စန်း၊ မင်းလည်း ဒီရောက်လာတာပဲ”
“ ချူခွမ်းရန်က မြို့ထဲမှာ။ ငါက ဒီအခွင့်အရေးကို ဘယ်လိုလုပ် လွဲနိုင်မှာလဲ။ ဒါပေမယ့် ဘာကြောင့် လန်ယုက ရှောင်လင်းတန်နဲ့ တိုက်ခိုက်နေရတာလဲ။ ချူခွမ်းရန်က ဘယ်မှာလဲ”
أنت تقرأ
ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂
حركة (أكشن)အကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
