ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂

အပိုင်း ၄၀၃ ညီလာခံ၊ ပညာရှင်အုပ်စိုးသူ ကျန်းကွမ်၏ စိစစ်ချက်

အပိုင်း ၄၀၃  ညီလာခံ၊ ပညာရှင်အုပ်စိုးသူ ကျန်းကွမ်၏ စိစစ်ချက်၊ ကောင်းကင်နက်ဂိုဏ်းကို ဝိုင်းခြင်း

ချူခွမ်းရန်သည် တာအိုဆရာသခင်များကို အတိုချုံးညွှန်ကြားပြီးနောက် တံခါးပိတ်ကျင့်စဥ်ဝင်ကာ ယင်ယန်ဝိညာဥ်ဆေးပြားကို သုံးစွဲ၌ သူ၏ စိတ်ဝိညာဥ်စွမ်းအင်ကို တိုးမြှင့်လေသည်။

သူ တံခါးပိတ်ကျင့်ကြံစဥ်တွင်။
အပြင်ကမ္ဘာရှိ။
လျှို့ဝှက်ကုန်းမြေများ၏ ကောင်းကင်ရွှေအင်ပါယာနန်းတော်တွင်။

“ ဟဟ၊ ငါသိပြီ... ငါသိပြီ”

လက်ရှိကောင်းကင်ရွှေအင်ပါယာနန်းတော်အရှင်ဖြစ်သော ပညာရှင်အုပ်စိုးသူ ကျန်းကွမ်သည် မှော်ကွန်းစာအုပ်ကို စိုက်ကြည့်နေသည်။ သူက တစ်စုံတစ်ခုကို နားလည်သွားပုံရပြီး သူ၏ အသစ်တွေ့ရှိသော သိရှိမှုကြောင့် ပျော်ရွှင်စွာ ရယ်မောနေသည်။

ခရမ်းမဲ့ပညာရှင်က လာပြီး စိတ်ရှုပ်ထွေးစွာ မေး၏။

“ နန်းတော်အရှင်၊ မင်း ဘာကြောင့် အရမ်းပျော်ရွှင်နေရတာလဲ”

“ ခရမ်းမဲ့၊ မင်း ချူခွမ်းရန်ကို နောက်ရက်အနည်းငယ်မှာ သတ်ဖြတ်ဖို့ စိတ်ဝင်စားလား”
ပညာရှင်အုပ်စိုးသူ ကျန်းကွမ်က ပြောသည်။

“ ဟုတ်ကဲ့၊ ဒါပေမယ့် ချူခွမ်းရန်က ခေါင်းမဲ့အမျိုးသမီးနဲ့ ဆက်နွယ်တာကြောင့် မင်းက အစီအစဥ်ကို ဖယ်ဖျက်ခဲ့တယ်လေ”

ပညာရှင်ခရမ်းမဲ့က ကူကယ်ရာမဲ့စွာ ပြောသည်။

သူသည် ခေါင်းမဲ့အမျိုးသမီးနှင့် ချူခွမ်းရန်၏ ဆက်ဆံရေးကို အစပိုင်းတွင် မသိခဲ့ပေ။ တစ်ချက်မှားခဲ့လျှင် ပြဿနာကြီးကြီးမားမား ရှိနိုင်၏။

သူ ချူခွမ်းရန်နှင့် ပတ်သတ်ပြီး မည်မျှပင် ဒေါသထွက်နေပါစေ၊ ကောင်းကင်ရွှေအင်ပါယာနန်းတော်၏ ကံကြမ္မာကို လောင်းကြေးမထပ်ရဲချေ။

“ ပယ်ဖျက်ဖို့လား။ မဖြစ်နိုင်ဘူး”

ပညာရှင်အုပ်စိုးသူ ကျန်းကွမ်က ဒေါသတကြီး ရယ်မောလိုက်သည်။

“ ချူခွမ်းရန်ရဲ့ တည်ရှိမှုက ဒီကမ္ဘာရဲ့ ဟန်ချက်ညီမှုကို ခြိမ်းခြောက်နေတယ်။ ကျုပ်တို့ တတ်နိုင်သလောက် သူ့ကို ပထုတ်ရမှာပဲ၊ ဒါပေမယ့် မလုပ်ခင် ပြီးပြည့်စုံတဲ့ အစီအစဥ်တစ်ခု လိုအပ်တယ်”
“ လွန်ခဲ့တဲ့ရက်အနည်းငယ်က ကျုပ်ဟာ ခေါင်းမဲ့အမျိုးသမီးအကြောင်းကို နက်နက်ရှိင်းရှိုင်းရှာဖွေခဲ့တယ်၊ နောက်ဆုံးမှာတော့ ချူခွမ်းရန်ရဲ့ နည်းဗျူဟာကို ရှာတွေ့ခဲ့တယ်”