အပိုင်း ၄၅၀ သဘာဝတရား၏ စွမ်းအားကို ကြောက်ရွံ့စေရန်သင်ကြားခြင်း၊ ရေခဲစများ မြေပြင်တစ်ခုလုံးတွင် ပြန့်ကြဲသွားခြင်း
“ ကြည့်ရတာ အခုမင်းက အသုံးမကျတဲ့ သာမန်လူတစ်ယောက်လို ဖြစ်သွားပြီနဲ့တူတယ်..."
ရှောင်လင်းတန်၏ ရယ်သံက ပတ်ဝန်းကျင်တစ်ခွင်လုံးကို ပျံ့နှံ့သွားသဖြင့် ကောင်းကင်သားတော်များက ချူခွမ်းရန်ကို ကြည့်ကာ တစ်စုံတစ်ရာကို တိတ်ဆိတ်စွာ တွေးတောနေကြလေသည်။
“ ချူခွမ်းရန်က အရင်ကလို အထွတ်အထိပ်အခြေအနေကို ပြန်မရနိုင်တော့ဘူးလား...”
“ ဟူး...”
ချူခွမ်းရန်က သူ၏လက်နှစ်ဖက်ကိုပွတ်ကာ အသက်ပြင်းပြင်း တစ်ချက်ရှုသွင်းလိုက်သည်။ထို့နောက် သူကပြောလိုက်သည်။
“ အိုး...ဒီနေ့က တကယ်အေးတာပဲ...၊ ဒီမရယ်ရတဲ့ ဟာသကြောင့် ဒီနေ့အအေးက ပိုလာတယ်နဲ့တူတယ်...”
“ ချူခွမ်းရန်...အခုမင်း မသန်စွမ်းဖြစ်နေရင်တောင် ငါဂရုမစိုက်ဘူး၊ ဒါပေမဲ့ အတိတ်တုန်းက မင်းငါ့ကို အရှက်ခွဲခဲ့တာတွေ အတွက် မင်းပြန်ပေးဆပ်ရလိမ့်မယ်…”
သူက သူ့ကိုယ်သူပြင်ဆင်လိုက်ပြီး ရှေ့သို့ ခြေတစ်လှမ်းတိုးလိုက်ကာ ပြိုင်ဘက်ကို လက်သီးတစ်ချက် ပစ်သွင်းလိုက်သည်။
သူ၏လက်သီးစွမ်းအားများက ရွှေရောင်ရေစီးကြောင်းများပမာ ရှေ့သို့တိုးဝင်လာ၏။သို့သော် ၎င်းက ချူခွမ်းရန်နှင့် နီးကပ်လာသည်နှင့်အမျှ ရုန်းသင်္ကေတအကာအကွယ်တစ်ခုကြောင့် တားဆီးခံလိုက်ရလေသည်။
ဘေးပတ်ပတ်လည်ရှိ ကောင်းကင်သားတော်များက ထိုအဖြစ်အပျက်ကို စောင့်ကြည့်နေကြလေသည်။
“ သူက တကယ်ကို ရုန်းသင်္ကေတနည်းစနစ်တစ်ခုကို ပိုင်ဆိုင်ထားတာပဲ..."
“ ဒါပေမဲ့ ဘယ်လိုလဲ...”
ရုန်းသင်္ကေတများကို ထိန်းချုပ်ရန် ဝိညာဥ်စွမ်းအားကို အသုံးပြုရ၏။သို့သော် ချူခွမ်းရန်က ထောင်ချီသောရုန်းသင်္ကေတများကို ဝိညာဥ်စွမ်းအားအနည်းငယ်ကိုတောင်မှ အသုံးမပြုပဲ ထိန်းချုပ်နိုင်လေသည်။
YOU ARE READING
ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂
Actionအကျဉ်းချုပ်... ကျင့်ကြံခြင်းကမ္ဘာကို ရောက်ရှိသွားခဲ့တဲ့ ချူခွမ်းရန်မှာ ပထမဆုံး ဆယ်ကြိမ်အထိ ကံကောင်းခြင်းကို ဆက်တိုက်ဆွဲယူနိုင်တဲ့ ဂိမ်းပလပ်အင်တစ်ခု ပါလာတဲ့အခါမှာတော့... ဂုဏ်ယူပါတယ်... ပိုင်ရှင်က ဒဏ္ဍာရီအဆင့် စွန့်ပစ်အင်မော်တယ် အရှိန်အဝါကို ဆွဲယူနိ...
