ကျုပ်ကပြိုင်ဘက်ကင်း(ချူခွမ်းရန်)အတွဲ ၂ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၂

အပိုင်း ၄၂၇ နောက်ဆုံးကပ်‌ဘေးမိုးကြိုး

အပိုင်း ၄၂၇  နောက်ဆုံးကပ်‌ဘေးမိုးကြိုး၊ ကျင့်ကြံခြင်းနယ်ပယ်အဆင့်တက်ခြင်းက လောကသုံးခုကို တုန်လှုပ်စေသည်

    မိုးကြိုးစက်ဝန်းက ချူခွမ်းရန်ကို လုံးဝလွှမ်းခြုံလာသောအခါ ထိုသိပ်ည်းသောလျှပ်စီးစွမ်းအင်များသည် သူ၏ အငြိုးအတေးဝိညာဥ်ချပ်ဝတ်နှင့် ပြင်းထန်စွာ ရိုက်ခတ်မိသည်။

ဤအင်ပါယာချပ်ဝတ်သည် မယုံနိုင်လောက်အောင် စွမ်းအားကြီးသော်လည်း ထိုလျှပ်စီးစွမ်းအင်အမြောက်အများက ဤအင်ပါယာချပ်ဝတ်ကို ဖြတ်ကျော်ပြီး ချူခွမ်းရန်၏ ခန္ဓာကိုယ်အား တသိမ့်သိမ့် လှုပ်ခါသွားစေသည်။

ထိုခဏ၌ သူ့ခန္ဓာကိုယ်နောက်ဆုတ်သွား၏။ ချက်ချင်းပင် ချူခွမ်းရန်သည် သူ၏ စကြာဝဠာမီးပေါင်းဖိုခန္ဓာအား အကန့်အသတ်ထိ ထိန်းချုပ်အသုံးချလိုက်သည်။

သူသည် လျှပ်စီးစွမ်းအင်ပမာဏများစွာကို အသွင်‌ပြောင်းခဲ့သော်လည်း သူ မပြောင်းလဲနိုင်သော အစိတ်အပိုင်းတစ်ခု ရှိနေသေးသည်။ ထို့ကြောင့်၊ ၎င်းက ချူခွမ်းရန်၏ ခန္ဓာကိုယ်ကို ထိခိုက်သွားစေ၏။

အင်မော်တယ်ခန္ဓာကိုယ် နိုးထလော့။

သူ၏ စုပ်ပြဲနေသော ခန္ဓာက လျင်မြန်စွာ သက်သာလာသည်။

သူကုသနေစဥ်အတွင်း၊ သူက၎င်းကို ဆက်လက်စုပ်ယူနေ၏။ ထိုကြီးကျယ်သော နတ်ဘုရားအဆင့်ခန္ဓာကိုယ်နှစ်ခု၏ အကူအညီဖြင့်၊ ချူခွမ်းရန်သည် အဌမမြောက် မိုးကြိုးကပ်ဘေးကို ဖြတ်ကျော်ခဲ့သည်။

“ ငါ့မှာ အခုနောက်ဆုံးတစ်ခုပဲ ကျန်တော့တယ်”

ချူခွမ်းရန်က ပြုံးလိုက်သည်။

သူ၏ ပညာရှင်အဆင့်တက်ရောက်ခြင်းစမ်းသပ်မှုကို သမိုင်းတွင် ရှိဖူးသမျှထဲ အပြင်းထန်ဆုံး ကောင်းကင်ဘုံကပ်ဘေးအဖြစ် ယူဆနိုင်သည်။ သူ့မှာ နောက်ဆုံးကပ်‌ဘေးမိုးကြိုးတစ်ခုသာ ကျန်ရှိတော့သည်။ ထို့နောက်တွင်၊ သူ၏ ကောင်းကင်တက်လှမ်းခြင်းက ပြီးပြည့်စုံသွားပေမည်။

ထိုအချိန်တွင်၊ သူ ယခင်က စုဆောင်းခဲ့ပြီးသော အုတ်မြစ်အဆင့်များဖြင့်ဆိုပါက ချက်ချင်းဆိုသလို ပညာရှင်တစ်ဦး ဖြစ်သွားပေမည်။