مهووس ميساء ( موقفة)

part 8

كيف دخلات الكوزينة طارت على خديجة كتبوس فيها و تجر ليها حناكها و خديجة كضحك و كتحاول تفك منها
خديجة كضحك: ههههههه بعدي مني ياهاد البنت خنقتيني
ميساء كتضحك و كتجبد ليها حناكها : ياختي انا ماماتي زين زين ( عقدات حجبانها بمرح) خديجة نتي امتى ناوية تشرفي راك طولتي فالشباب
خديجة: سيري الله يمسخك هههههه ( تفكرات المدرسة ) اجي راه فاتت المدرسة واش سيادتك ماغاداش
ميساء و هي كتفطر و فمها عامر : لا ماغاداش اممم قاليا غا ( حبسات راسها فأخر لحضة) احم احم سي غالي حتى الغدا و سيري حيت معنديش شكارة و ادوات
خديجة خرجات عينيها: سي غالي قالها ليك هاكا
ميساء عوجات فمها : اه مالي انكدب
ابتسام شافتهم من بعيد مجمعين و توجهات عندهم: صباحوا
ميساء هزات فيها عينيها و ضحكات ببرائة: صباح الخير
ابتسام جراتها من حنيكاتها: عندك زين اختي خديجة ماشاءالله الله بنتك كتحمق
خديجة بتاسمات بإفتخار : راه زوينة خاصها غير دير عقلها
ميساء حناكها توردوا بالحشمة : شكرا احبيبة حتى نتي زوينة تبارك الله ( و عقدات حجبانها و دارت كتدوي مع خديجة ) هاي هاي اخديجة هي انا حمقة
خديجة كتحرك راسها يمين شمال :لا حول خليني نكمل شغالي ياهاد البنت
مشات خديجة تكمل شغالها و بقات ميساء جالسة مع ابتسام بحكم ابتسام سالات شغالها
ابتسام بإبتسامة كتشوف ف ميساء: متاحتش لينا الفرصة نتعرفوا ياك الزين
ميساء بتاسمات حتى بانوا غمزاتها: اه احم مهم انا سميتي ميساء عندي 16 عام كنقرا فسيزيام
ابتسام حلات فمها: ماشاءالله الله كتباني فوق العشرين و نتي غير قطيطة صغيورة
ميساء بتاسمات :اه ههه كلشي كيقولها ليا
ابتسام: الله يحجبك احبيبة انا ابتسام عندي 24 سنة
ميساء باستها فخدها بخفة: مشرفين ا ابتسام حتى نتي زوينة بزاف ( بقات مترددة ولكن فالأخير نطقات) شحال و نتي خدامة هنا
ابتسام عجباتها ميساء و جاتها خفيفة على القلب:6 سنين و انا خدامة مع السي غالي و فينما كينتاقل لشي قصر اخر كنمشيو معاه
ميساء بصدمة : على هاد غالي كل مرة كيبدل فالقصور
ابتسام: اه كل مرة حيت كيمل دغيا
ميساء هدرات بهمس: واش هو ساكن بوحدوا
ابتسام تنهدات و ضورات راسها تشوف واش شي حد حداهم باش ميسمعهم حد: اه ساكن بوحدوا و شي مرات كتجي تكلس معاه ماماه و كتجيب معاها بنتوا
ميساء مصدوومة على الأخر : واش هو عندوا بنت ؟
ابتسام هزات راسها بإيجاب:اه من المرحومة مراتوا لالة سهام بنتوا فنة مشاء الله سميتها تواب و فعمرها 4 سنين ملي يلاه جيت خدمت معاهم كان ساكن معا ماماه و مرتوا سهام كانوا فرحانين ولكن سي غالي كان فشكل شوية شخصيتوا غامضة و متقلبة و كان ديما كيضرب لالة سهام ( قربات لودن ميساء و نطقات بهمس) و كاين لي كيقولو هو لي قتلها و الله و علم
ميساء شهقات بخوف و عينيها عمروا دموع و نطقات بصوت هامس سمعاتوا هي و ابتسام: واش حنا عايشين مع قتال
ابتسام سدات ليها فمها و دورات عينيها لا يكون سمعها شي حد : شووووت ميساء هادشي يبقا بيناتنا ولا انخرجوا على راسنا بجوج ديري راسك فحالا مقتلك والو (غمضات عينيها و حلاتهم محاولة منها تهدنها ) تفاهمنا
ميساء باقا مصدومة حركات راسها بإيجاب : و و واخا متخافيش اختي ابتسام
خديجة لمحاتهم باقين كيدويو و عيطات بصوت عالي باش يسمعوها: البنات شنو كتقولو تما اجيو عونوني
ابتسام شافت فخديجة: واخا اخالتي انا جاية
مشات ابتسام و خلات ميساء افكارها متضاربة ناضت خارجة من الكوزينة و من سوء حضها طلاقاتوا يلاه خارج من المصعد غير لمحاتوا سرعات مشيتها محاولة منها تهرب منو ولكن تمشي رياح بما لا تشتهي السفن حيت غير خطات جوج خطوات سمعات صوتو كيعيط ليها
غالي بصوت غليض: ميساء
ميساء وقفات و غمضات عينيها و حلاتهم و دارت بشوية تشوفو شنوا بغا.
هو كان باقي موصل عندها كان كيتمشى بتباث كان لابس جينز كحل مقطع من ركابي و قبية كحلة و كاسكيط بيضة و سبرديلة بيضية و واحد الوشام طالع مع عنقوا زادو جادبية.
جا قدامها و شاف وجها كيف حمر و كترعد هز يديه و حطها على جبهتها و عقد حجبانوا: واش مريضة
ميساء حركات راسها بنفي و بعدات راسها من يديه و هيا باقا حانية راسها.
نطق بحشرجة و صوت أمِر:هزي راسك من الخرا دوالو
هزات راسها حتا جات عينيها فعينيه و هو لمح فعينيها الخوف و دوا عاوتاني بصوت متسائل: واش كتخافي مني ؟
ميساء نفات براسها و نطقات بصوت خافت: لا
غالي بجغ ليها حنكها بيديه:مزيان مبغيتكش تخافي مني
ميساء خنزرات فيه بطفولة و رجعات لور: متبقاش تقيسني عافاك
غالي قربها من خصرها لعندوا و دوا ليها فودنها بصوت باح: نتي راك وليتي ديالي من اول نهار شفتك دخلي هادشي راسك من اليوم و اي حاجة ديالي عندي الحق ندير فيها لي بغيت كتفهمي
ميساء صوتو بورشها و حطات يديها على صدرو محاولة منها تبعدوا عليها و نطقات بهدوء: علاش هادشي و امتى حنا عمرنا طلاقينا (معرفاش بلي هو دار بحث معمق على حياتها و بقا مكلف لي يراقبوها لأيام ولكن هي معقلاتش عليه نهار كان ايدربها بطوموبيل حيت كانت كتبكي و عينيها مضبين)
غالي تقابل مع وجها و عينيه فعينيها و نطق بصوت مهووس: حيت نتي كتشبهي ليها
ميساء بتساؤل: شكون
غالي: ماشي مهم تعرفي شكون هي ولكن المهم متكونيش فحالها
ميساء بقات كتنتر منوا باش يبعد منها حتا هو طلقها بوحدوا و خلاها على راحتها و باس راسها قبلة طوييلة كتحمل بزاف ديال المعاني و عطاها بالضهر و مشا خارج من القصر مخليها مصدومة نطقات و فمها محلول : هادا علاش كيدير هاكا و انا لمن كنشبه و مخاصنيش نكون فحالها.
ميساء نفضات افكارها و دارت متوجهة الغرفة المخصصة ليها و لماماها فطابق الارضي...

يتبع...