كانت كتغوت بأعلى جهدها و كتهرس اي حاجة جات قدامها لدرجة الغرفة ولات خراب فخراب و ايديها مجروحة و هي محاساش بشنو ضاير بيها غير كتهرس فحال شي مجعورة....و الخدامات مصافين حدا الباب مخلوعين..و نطقات وحدة فيهم: واش عيطتي لمدام نرجس...نطقات الثانية وهي كتحرك راسها بالإيجاب: اه عيطت ليها...نطقات الثالثة: يااربي توصل فالوقت قبل ما لالة عطاء دير فراسها شي حاجة...يلاه بغات تنطق وحدة فيهم و هوما يشوفو نرجس طالعة فالدروج كتجري لاحت صاكها فالأرض و نطقات بقلق:فين هي....الخدامة الأولى: الداخل الالة....تخطاتهم بسرعة و حلات الباب و كيف حلاتو داز كاس من فوق راسها...عطاء كتغوت و فنفس الوقت كتبكي: خرجييييي خرجيييييييي عليا مبغيييييت نشووووف حتى واااااحد....نرجس هزات يديها محاولة منها تهدنها: تهدني ابنتي تهدني و قولي ليا مالكي.....عطاء شافت مور نرجس لقات الخدامات باقين واقفين قدام الباب و هي تغوت عليهم بأعلى جهدها و قصداتهم: شنو كتفرجو نتوما امممم شنووو سيييييرو فحااااالكم مبغيت نشوووووف حتى واااااحد...ملي شافوها فديك الحالة هربو كيجريو فالدروج....و نرجس شادا عطاء لي كانت منهارة و كتبكي و باقا كتغوت: خرجيييي عليااااااا نتي نتي كدبتي علييااااا خرجييييييييي....نرجس صرفقات عطاء حتى وجها ضار و نطقات بحدة: عطاااااء رجعي الوعي ديالك شنو هاد الحالة فيها نتي و عاودي ليا شنو طاري.....عطاء طاحت الأرض مهدودة و نطقات كتنخصص بصوت ضعيف: هو تزوج بيها غالي تزوج بديك البنت....نرجس خرجات عينيها و نطقات مصدومة: نتي شنو كتكولي منين جبتي هاد الهدرة....عطاء هزات فيها عينيها زرقين ولكن لونهم ختفى بسبب الحمورية ديال البكا:عيطت على خالتي سمية نسول فيها و كالت ليا يلاه البارح كانو عندهم و غالي كاليهم هوما تزوجو(عضات على شفايفها و نطقات بفقصة) و كالت ليا بلي باينة فيه كيبغيها بزاف (وقفات كتعتر فجلايلها و تقابلات مع نرجس) و كيغير عليها لدرجة مبغاش طه يكلس فالكرسي لي كانت كالسة عليه هي....نرجس عقدات حجبانها و نطقات بحقد وهي كتمسح دموع عطاء:حبيبة هاد الحالة معندهاش فاش غتنفعك انا كنواعدك بلي غالي ايرجع لي.....قبل متكمل قاطعاتها عطاء وهي هازة يديها فوجها بمعنى حبسي و دموعها كيطيحو فحال الشتا: باراكة متكدبي عليا بااارااكة متعطيني امل بلي غالي غيرجع ليا....نرجس شداتها من يديها و شافت ليها فعينيها نيشان بتحدي و نطقات بنبرة واثقة: الى بقيتي بهاد الضعف عمرك اترجعي غالي لعندك و عمرو ايشوف....عطاء:هئ هئ ولكن شنو ندير....نرجس سرحات بعينيها لبعيد و نطقات بصرامة: جمعي حوايجك....عطاء مسحات دموعها ولكن باقا كطلع ليها تنخصيصة و نطقات بتساؤل:علاش اخالتي...نرجس ضارت لعندها و قربات ليها قادات ليها شعرها بحنان و نطقات: انمشيو عند غالي....عطاء شافت فيها شحال وهي طلق ضحكة مجنونة تردد صداها فالبيت كامل و سرعان متغيرو ملامحها:واش كضحكي عليا ولا شنو بغيتيني نمشي نسكن معاهم باش يزيد قلبي يتحرق و انا كنشوف غالي نهار على نهار فحضن وحدة اخرى ياك....نرجس دورات عينيها على وجها و نطقات بهمس: الحاجة الوحيدة لي ناقصة عندك هي الذكاء(و هزات سبابتها و حطاتها على جناب راسها) و مكتخدميش هادا......عطاء بصوت رقيق انثوي:خالتي...قاطعاتها نرجس: شوووت مبغيت نسمع حتى حاجة دابا ديري داكشي لي كنقول ليك...و خرجات و سدات الباب من موراها مخليا عطاء تائهة فأفكارها و عينيها زرقين مفيكسين فنقطة وحدة دام شرودها لدقائق و جمعات شعرها الأشقر و توجهات الحمام....
كانت واقفة فالكوزينة كتوجد الغدا لابسة بيجامة شورط و تيشرت قصير ديالو فالغوز و دايرة شفنجة لشعرها كانت جاية كيوت بزاااف...كانت ملهية و كتحرك فالكوزينة فحال شي فراشة و محاساش بدوك العينين لي مراقبينها منذ فترة بدون ملل او كلل....جات الضور و هي تلمحو واقف فالباب متكي عليه و نطقات وهي مبتاسمة ابتسامة بريئة:واش بغيتي شي حاجة...غالي قرب لعندها و هو كيطلعها و كينزلها و حرك راسو بالإيجاب....ميساء نضراتو وتروها ولكن حولات تحكم فراسها و نطقات بصوت هادئ: شنو بغيتي....غالي كان وصل لعندها و جرها من خصرها و شاف فيها بعينيه نايمين جدابين و نطق بهمس ساحر: بغيتك نتي...نطق هاد جوج كلمات قبل مينزل على شفايفها كيقبل فيهم بشغف و هو جارها من مؤخرة راسها و ميساء غفلها حتى خرجات عينيها بصدمة ولكن للحضة غمضات عينيها و هي دايبة فلماساتو وهي الآخرى حطات يديها على دراعو حتى قشعر بدنو و بحركة خفيفة منو هزها من خصرها و هي حاوطات خصرو برجيلاتها و يديها شادة بيها رقبتو و بدون ميفصلو القبلة بدا كيتمشى بيها حتى وصلو المصعد و دخلو و وقف مكاليها مع المراية لي كاينة فالمصعد و هو كيلتاهم فشفايفها لي بنسبة ليه أشبه بحبات الكرز للحضة قطع القبلة و ركز بعينيه حمرين معسلين فعينيها لي كانو كيشوفو فيه بنضرات خجولة و نطق بصوت مبحوح بورشها: اخخخخ شنو كديري فيا لمك...و رجع كيلتاهم فشفايفها بتملك.....تحل المصعد على الطبقة لي متواجدة فيها غرفتوا و هو باقي هازها بين يديه و كيبوس فيها مرة فشفايفها مرة فعنقها و خدها حتى كتجمع السوفل و كيرجع لشفايفها...حل باب الغرفة بسرعة و هو غادي متوجه بيها السرير......
يتبع...
البنات شبان ليكم البارت الجاي نطرطقو البوشونة لميساء ولا نتسناو شوية عطيوني أرائكم و بووسات ليكم وحدة وحدة 😍😍 لي ملقيتهاش حاضرة فلي كمونطير غنتفاهم معاها راني حافضاكم وحدة وحدة 😍❤️
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
