كان ناعس على كرشو شاد بضهرو العريض النص فناموسية شعرو طايح على عينيه بطريقة لطيفة و عاقد حجبانو حتى فنعاسو للحضة كيفيقو التيليفون لي كيصوني حل عينيه الرماديين مخنزر هز تيليفون و كيف شاف المتصل زفر بملل و جاوب بصوتو المبحوح الخاتر: مالك ازبي ... طه بحدة: فيناهيا مرتك... غالي غمض عينيه و عاود حلهم بفقسة كيفاش قدر ينساها لا و من فوق هادشي جا لواحد لأباغطونو ديالو دوش و تكا نعس ممسوقش قلبو فات الحجر لديك الجيهة، نطق غالي مجاوب طه بنبرة قاصحة: ونتا مالك اش دخل قلاويك فهادشي ديالي ... طه: دابا مبقا لا اش دخلك لا قلاوي مرتك ختي و مزال غنتحاسبو انا وياك مساليناش هنا و قبل منقطع غنقوليك مبروك عليك حيت قتلتي ولدك بيديك ...و قطع مخليه عاقد حجبانو يديه كيترعدو و هو مفاهم والو طاح ليه تيليفون من يديه جسمو كامل كيترعد حجمو تضاعف و صدرو كيطلع و ينزل كتعاود فونيه غير جملة قتلتي ولدك قتلتي ولدك ... ناض ساعر فحال شي وحش لي بانت لي كيهرسها جسمو كامل تجرح جروح بليغة من زاج و المرايات لي هرس رض الغرفة فتات كاملة مخربة وهو محاس بحتى ألم و حتى ألم ميكون قد النار لي شاعلة دابا فقلبو كتحرقو ... دخل الدريسينك صدرو كيطلع و ينزل لبس تيشورت بيض و سبرديلة بيضة و هو اصلا كان لابس شورط قصير كحل ... تيشورت كان بيض ولا حمر بدم ديال الجروح لي فجسمو ... خرج من الغرفة و من الدار كاملة هابط فالأسانسير نيشان الباركينك خرج من الأسانسير متوجه لطوموبيلتو بورش كحلة و هو كيخطي خطوات كبيييرة و عريييضة ... ورك على الكونطاكت حتى تحلات الطوموبيل و طلع مكسيري بسرعة فائقة جدااااا كيسوك و بالو معاها و مع هدرة طه خايف بزاااف تكون صحيحة عمرو حس بالخوف حتى حس بيه ليوما ميساء ملي دخلات لحياتو وهي كتخليه يجرب حوايج جداد و أحاسيس جديدة عمرو جربها ... دوز اتصال من البلوتوت ديال الطوموبيل مدازش بزاف حتى سمع صوت ناطق بإحترام: الو سيدي ... غالي بعصبية: داااابااا تعرف ليا ميساء فين كاينة ... الكارد: امرك سيدي ... و قطع عليه مكمل طريقو و هو مرة مرة كيضرب دريكسون بعصبية مفرطة....
يتبع...❤️❤️❤️
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
