مهووس ميساء ( موقفة)

part 90

فلاش باك...

كانت كالسة فطوموبيلتها شعرها الأشقر كان واصل حد كتفها دايرة نضاضر على عينيها و مرة مرة كتهز طيلي ديالها كتشوف شحال ساعة بتوثر و كترجع تحطو فوق فخدها حتى للحضة كتسمع دقان فزاج ديال الطوموبيل ضورات راسها باش يبان شخص لابس كلو الكحل و داير القب على راسو و كل مرة كيضور يمين و شمال يشوف واش شي حد كيشوف فيه هي بسرعة ضغطات على الزر باش تحل طوموبيل من بعد متأكدات انه الشخص المنتضر، حل الباب و طلع و كيف طلع نطقات بإرتباك: ياكما شافك شي حد

حيد القب من على راسو باش يبان وجهو الاسمر كان مسرار شوية مبيهش مخيبينو غير دوك ضرابي لي فوجهو لي كيبصمو انهم شمكاااار،نطق:لا تاحد مشافني و زايدون شكون ايشوفني ف هاد الخلا و القفار لي جيباني ليه شافني غير الخفاش و النمل لي فالارض

عطاء قلبات عينيها بملل: فيك الهضرة بزاف و هادشي منافعش اجمال

جمال غمزها: شنو دابا كاين منقضيو خاصاك شي سلعة ولا شنو

عطاء حركات راسها بنفي: لا مبقيتش كنتعاطا لداكشي غير بصحة

جمال طلع حاجبو بإستغراب: ولاش جايباني اشهبة

عطاء حنحنات بحرج: محتاجاك فواحد البلان اجمال نتا بوحدك لي تقت فيك

جمال: لي هو

عطاء: ولد خالتي مزوج و مراتو حاملة و ا انا كنبغيه بزاف ماشي غير كنبغيه شي حاجة كتر والله

جمال مفهم والو: و انا مالي بنت لك قابلة

عطاء تبتات عينيها فعينيه ب تركيز: بغيتك تفارقهم و نعطيك لي بغيتي

جمال شاف فيها شحال قبل ميطلقها بضحكة حتى دمعو عينيه: هههههههههههههه دايرة ليا شي برانك ههههه ولا كيفاش

عطاء بجدية: كنهضر بصح

جمال جمع الضحكة و هضر بطريقة زنقاوية: تشي واس مرضتي فكرك ولا مالك واش كنبان لك انا كنفرق المزاوجين ولا شنو انا راه بزناز ماشي كنشتت الشمل

عطاء: نعطيك لي بغيتي كنحلف ليك حتى حياتك غتبدل  نعطيك خمسين مليون مية مليون المهم تنفذ هادشي و مغطرا ليك حتى حاجة كنواعدك

جمال حط لحيتو الخفيفة بيديه الموشومة وهو كيفكر فهضرتها: و كيفاش اندير لهدشي

بااك...... (نخليكم تفكرو شويا ف شنو كانت الخطة ديالها)

.............................................................

كانت كالسة فبيتها لي ولات مكتخرجش منو و الا خرجات منو كتهبط لجردة تكلس حدا لبيسين و تعاود تطلع كانت مضورة وجها جيهت البالكون كتشوف ف زروقية ديال السما بعويناتها الفاتنين لي واخا حزنها الكبير باقين مفقدوش جمالهم و سحرهم حتى سمعات اشعار فتيليفون ديالها لي كان محطوط حداها ضورات راسها لفين محطوط تيليفون و هزاتو ب ملامح ممحية لي بداو كيتغيرو تدريجيا وهي كتشوف فصورة لي كان فيها غالي بايس عطاء (عقلتو البنات على تصويرة لي كانت عطاء باست غالي و صوراتهم اية) ضغطات على تيليفون بيدياتها الصغار عينيها الخضرين نزلات منهم دمعة حارقة لي قطعات طريقها بيديها مسحاها بعجرفة و هي حاطة يديها على صدرها لي كتحس بيه ضاق عليها كتحس بإحساس غرييييب جدا كتحس براسها مقدراش تنفس و ذاتها بردات و تشلات عليها يديها كيترعدو و شنايفها كذلك على هاد اللقطة دخلات سمية هازا فيديها بلاطو جايبة ليها فيه الفطور لي كيف شافتها فديك الحالة مشات حطاتو فوق الكوافوز بزربة و مشات لعندها كتجري و شادة ليها فيديها اليمنى و نطقات بخوف: بنتي ميساء مالكي

ميساء طاح ليها تيليفون من يديها مخبوط على الارض على ضهرو و صورة باقا ضاهرة على شاشة شي لي خلا سمية نزلات عينيها لي كيف نزلاتهم شهقات بصدمة: اويلي استغفر الله العظيم شهادشي

ميساء تنفسها غادي و كينقس و نطقات بصوت ضعيف كتنطق بزز وهي كتحاول تنفس: م مق مقدراش ن نت نتن نتنفس

سمية بخوف و عينيها دمعو من حالتها حطات يديها على خدها كتمررو بحنان: تنفسي ابنتي تنفسي راك غتخنقي

ميساء حسات بدنية كضور بيها قبل متغمض عويناتها فاقدة الوعي و يديها ترخات طايحة فالارض، سمية كيف شافتها هكاك بدات كتخبط ليها على خدودها بخوف وهي قلبها كيضرب بجهد و نطقات بصوت عالي: ميساااااء ميسااااااء بنتيييي ميسااااااء كتسمعيينييييي

ناضت بزربة كتجري خارجة من البيت وهي دموعها كيطيحو بلا متحس و كتغوت بدون شعور: عتقوووووووووني عتقووووووووووووووني بنتيييييي كضيييييع منيييييي

نضال لي كان يلاه خارج من بيتو كيقاد فكمام شوميز لي كيف ودنيه لتاقطو صوت سمية مشا كيجري لعندها بحكم غرفتو و غرفة ميساء فنفس طابق، وصل لعندها ناطق بخوف و هو عاقد حجبانو:خالتي مالك

سمية ببكاء هستيري: هئ هئ ميساء اولدي هئ هئ هئ

نضال كيف سمع سميت ميساء دفع سمية من على الباب و دخل كيجري كيقلب فالبيت بعينيه حتى شافها فوق ناموسية سخفانة مكتحركش جثة هامدة و وجها صفر بزاااااف، مشا ليها نيشان و بدون تفكير هزها بين يديه يد تحت فخادها و يد ف خصرها و خرج بيها من البيت كيجري لقا سمية باقا واقفة مصدومة كتبكي حتى فيقها بصوتو الغليض: خاااالتي فيييقييي معايا نديوها لسبيطار

سمية عاد فاقت من صدمتها و تبعاتو كتجري ضاغطة على زر باش يتحل الاسانسير دخل و دخلات معاه وهي كتشوف ف ميساء و كتبكي قلبها غيسكت: هئ هئ بشوية عليها اولدي بشوية عليها هئ هئ هئ

نضال: شووووت اخالتي مطاري ليها والو متخافيش راه غير سخفانة

وصل الاسانسير الطبقة السفلية الشي لي خلاه يتحل و يخرجو منو كيجريو و ف طريقهم كانو ماجدة و ابتسام خارجين من الكوزينة لي كيف شافو حالت ميساء هكاك قفزو من بلاصتهم كيجريو لجيهتهم و نطقات ابتسام بخوف رهيب: ميسااااء ميسااااااااء ماااااالها

سمية: هى هى سخفات ابنتي سخفات

ماجدة عينيها عمرو بدموع: اويلي مالها

سمية حتى باش تجاوبهم مقدراتش غير كتجري تابعة نضال لي كان خرج البرا و غوت بأعلى صوت بنبرة امرة: جيييييبو ليييييا الخرااااا داااباااااا

مشا الكارد كيجري يجيب ليه طوموبيل لي كيف جابها ليه حلات ليه سمية باب طوموبيل لوراني حتى حط ميساء و طلعات هي حداها حاطا ليها راسها على فخدها و هو طلع فبلاصة السائق مكسيري بأعلى سرعة و البنات واقفين فجردة معارفين ميديرو غير كيبكيو....

يتبع..... أرائكم كبيداتي ❤️❤️❤️