اية بصدمة:شنو كتخربق هادي مفهمتش امتى و كيفاش و علاش تزوج بيها...ابتسام ساهية و مفاهمة والو:تانا مفاهمة والو ولكن لي عارفة بلي ايكون بغاها و بزز على البنت زواج... ماجدة:اه سمعتيها قالت بلي مكانتش باغا...اية ضحكات جنب و وقفات عطياهم بالضهر:الله يجيبكم على خير هاد النوع انا لي كنعرفو تلوات عليه كي الحنش وقالت ليك تزوج بيا بزز...ابتسام نطقات تحت سنانها:غتسدي فمك ولا انا لي انوض نتلوا عليك يلاه سدي داك الدلقوش...اية قلبات عينيها بملل: هاهيا ساكتة ولكن اترجعوا على هضرتي دابا تشوفو...قاطعات هضرتهم نرجس لي داخلة وهي هازا نيفها السما و كتخبط بطالونها لي كيتردد فكل خطوة خطاتها...نطقات وهي كضور عينيها عليهم بعجرفة:تبارك الله عليكم مجمعات و مخلين ليا الخدمة...ناضو البنات كيطيروا تصافو قدامها و حناو راسهم و يديهم قدامهم...نطقات اية بإحترام:مرحبا بيك الالة امتى جيتي...نرجس: خصني نتشاور معاك باش نجي لدار ولدي ولا شنو...اية بتلعثم:حاشا الالة مرحبا بيك...نرجس هازا صبعها كضوروا عليهم: شي وحدة فيكم طلع تستف حوايج لالاكم عطاء...و عطاتهم بالضهر خارجة من الكوزينة...كيف لمحوها خرجات تنفسو صعداء و نطقات ابتسام كارهة:اندوزو شهر ديال العذاب ثاني مع هاد البعكاكات...ماجدة صاطت بملل: شكون اطلع لبيت ديك العوجة...اية نطقات بهمس:شوووت ايسمعونا مقادين على صداع...انطلع انا حيت على كل حال معنديش مشكلة معاهم...ابتسام خنزرات فيها: معنديش مشكلة معاهم اوا الله يعطيني شوية من وجهك ندخل بيه لحمام الرجالة
نمشيو البلاصة اخرى بعيدة كل البعد على القصر...مكان من برا كيبان مهجور و عليه بعض الحشرات لي لاسقة فالحيوطة كدل على اقدمية المكان...طارو العصافير لي كانو فالشجر على إثر صوت الرصاص القوي لي تردد فالمكان...الداخل كان مكتب اثاثو اسود ولكن انيق و كيدل على انه باهض الثمن ولي شاف المكان من الداخل ميقدرش يتيق بلي هذا ديبو مهجور...كان عاطي بالضهر وشاد سلاح بطريقة احترافية و كيتيري فكاراكيز محطوطين قدامو وكان كملهم كاملين بقات ليه غير وحدة يلاه بغا يتيري فيها حتى سمع صوت رجولي تردد فالمكان كامل "المونستر". سمع صوتو و ما دار حتى ردة فعل بقا محافض على هدوءو و طلق بالرصاص و جابها فديك دمية نيشان...ضار عند الشخص لي تردد صوتو فمسامعو قبل قليل...كان شخص فالأربعينات من عمرو ولكن مكتبانش فيه بسباب جسمو الرياضي الضخم و الوشام لي طالع مع عنقو...كانت لون بشرتوا بيضاء و عينيه زرقين و شعرو شهب...ولكن من الشوفة كتحس بيه بلي شخصية خطيرة و مصافياس.
نطق بصوت غليض: غالي زنيبر مونستر العالم المضلم
غالي شاف فيه بملامح ممحية و تمشا تيجاهو...شخص مد ليه يديه باش يسلم عليه ولكن غالي تخطاه بخطوات موزونة و جلس فالكرسي المخصص ليه...شخص جمع يديه و كزز على سنانو بفقسة مرضاش حيت عاملو فحال شي حشرة غير موجودة و هادي هي شخصية غالي لي كتستفز الناس ولكن حتى حد ميقدر يوقف فوجهو.
كلس غالي و تكا على الكرسي بضهرو براحة وعينيه على الشخص لي باقي واقف و عاطيه بالضهر و باقا القمعة واحلة ليه حيت شكون يقدر يتخطى جلال الوازاني بلا ميعطيه حتى قيمة...ولكن فالأخير صرط القمعة و كلس مقابل مع غالي لي موجه ليه نضرات تاقبة يخليوك تبول فسروالك...وبعد صمت طويل نطق بصوتو المبحوح المميز: كنسمعك...جلال صرط ريقو كيحاول يرتب افكارو و مدازش بزاف حتى نطق:البوص بغاك فواحد المهمة...غالي زاد عقد حجبانو كثر ما هوما معقودين: لي هي...جلال:تهريب 100 كيلو ديال البودرا و هاد المهمة ضربة صحيحة و بزاف و البوص مقدر يتيق فحتى واحد من غيرك حيت عارفك قد المسؤولية و هاد المهمة غادي تنفع الخلية بزاف حيت هنا غادي نبينو قوتنا المافيات لآخرين بالرغم من انك مشهور فيهم كلهم بذكائك و قوتك...غالي ميل راسو بطريقة مجنونة و نطق بإستفزاز: قول البوص ديالك المونستر موافقش على هاد المهمات الغبية ديالكم لي من الأساس مناجحاش ...دفع الكرسي اللور باش ينوض و هز الكونطاكت لي كان فوق البيرو و ناض كيتمختر فالمشية حتى وقفو كلام جلال لي كان كينهج بالأعصاب و من شدة برود غالي: غتندم على هادشي لي كدير غير صبر...غالي ضار عندو بالعرض البطئ و طلعو و نزلو بعينيه حمرين و توجه لعندو هازو من شوميز ديالو بيد وحدة:شكون ايندمني امممم شكون لزامل تاع بوك نتا مثلا...جلال كانو عينيه ايخرجو حيت خانقو و نفس تقطعات فيه و نطق وهو كيكحب:كح كح كح متنساش بلي دابا كح كح مبقيتيش بوحدك اولا ...غالي زاد زير عليه و نطق تحت سنانو: باش نقول القحبة دمك واحد الحاجة انا مكنخاف من حتى زامل ولي سميتو راجل يقرب لداكشي ديالي لما ندفن زامل بوه حي و عارفني مريض مع كري نديرها و ندير كثر... نطق جلال وهو مخنوق و كيحس بالموت:كح كح كح طلق كح كح طلق م ني كحكح... طلقو حتى طاح الأرض كيكحب و كيحاول يرد النفس لي تقطعات فيه...ضربو غالي برجليه لكرشو بقوة حتى بخ الدم من فمو و نطق بفحيح:حمد الله هاد المرة اتخرج على رجليك من هنا ولكن المرا جاية منضمنش ليك سوو تاقا شري
...خرج غالي من ديبو كيطرطق عنقو برجولة و ركب فطوموبيلتو و ديمارا حتى تحكو روايض.
كانت واقفة ميساء فالباب ديال القصر كتساين شيفور يجيب تواب لي هذا هو الوقت لي كتخرج فيه من الروض...مدازش بزاف حتى لمحات الطوموبيل ديال الشيفور داخلة من البوابة الكبيرة...حل الشيفور لتواب الباب و هو حاني راسو و مشافش جيهت ميساء نهائيا...نزلات تواب و جرات بفرحة تجاه ميساء لي كانت مبتاسمة فوجها و كيف وصلات عندها هزاتها و باستها فخذها بحنان...ميساء بحب: حبيبة توحشتك بزاف...تواب بتاسمات وهي الأخرى معنقاها: حتى انا امامي توحستك بزاف...ميساء متوجهة بيها الأسانسير و كتهدر فنفس الوقت: كيداز عندك ليوما النهار فالروض...تواب عقدات حجبانها ببرائة طفولية و نطقات بطفولة و هدرة ديال الدراري الصغار معكلة: داز زوين ولكن واحد الولد خدا ليا الملونات ديالي ولكن انا ضربتوا حتى بدا كيبكي...كان تحل الأسانسير و طلعات فيه ميساء وهي هازة تواب متوجهين الطبقة لي فيها الغرفة ديال تواب...عقدات ميساء حجبانها و نطقات بهمس: ويلي هاد البنت طالعة لباها...تواب بطفولة: مامي قلتي سي حاجة...ميساء مسحات على وجها بحنان:حبيبة اخر مرة نسمعك ضربتي شي حد هادي طبيعة خايبة و البنات زوينات بحالك مكيديروش هاكا المرا جاية قوليها الأستادة صافي متافقين...تواب هزات راسها بالإيجاب: متافقين امامي...ميساء باست راسها: هكاك نبغيك انا بنتي المربية...تحل الأسانسير و دخلات الغرفة ديال تواب حيدات ليها الكاغطابل و حويجاتها و غسلات ليها و لبساتها بيجامة سخيخنة بحكم البرد شوية....
يتبع...
ڤوط البنات ❤️❤️ تصبحو على خير الزينات ❤️❤️❤️
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
