ميساء بتاسمات ابتسامة اخيرة قبل متغمض عويناتها الخضرين راجعة لسباتهاالعميق بحكم دوا لي كتشرب كينعسها بزاف، غالي كيف شافها غمضات عويناتها نزل باسها فجبهتها بوسة طويلة و حنينة فصل القبلة و وقف كيقاد فتيشورت ديالو و رما عليها نضرة اخيرة قبل ميخرج من البيت لي كيف سد الباب لقا سمية واقفة قدام الباب كتسنى فيها.
طلعها و نزلها و نطق بصوتو المبحوح: سمية دخلي جيبي ودنيك
سمية طلعات فيه حاجبها و نطقات وهي حاطة يديها على نصها: كليتي ليها عقلها عاود
غالي طرطق عنقو بتعب و نوع من الإسترخاء و نطق بهدوء: غيريها اسمية مباغيش نتعصب
سمية: دابا نتا أمتى غتبعد على بنتي و تخليها تعيش مزيان
غالي نزل المستواها مقابل مع وجها و نطق بهمس مهووس: بنتك الا مكانتش معايا راه مغاديش تعيش يا معايا يا مع تاواحد فهمتي دابا دخلو هاد اللعيبة لراسكم راه عاودتها بزاف و مكيعجبنيش نعاود الهضرة
غمزها و مشا مخليها واقفة مصدومة متبعى ليه العين هو لي كيتمشى بثقة بمشيتو المهيبة و فكل خطوة كيتحركو معاه كتافو العراض طلع فالأسانسير حتى وصل لطبق السفلي و خرج من القصر طالع فطموبيلتو و كسيرا بسرعة مخلي الغبرة موراه ...
...............................
كانت ناعسة فسابع نومة حتى كتحس بشي حاجة كتهرها فعنقها الشي لي خلاها تميلو وتحل عويناتها الرماديين بإنزعاج و يلاه بغات تنوض حتى كتحس بيديه محطوطة على كريشتها متقلة عليها، كيف حس بيها تحركات طبع قبلة على عنقها بورشاتها و طلع راسو كيشوف فيها عينيه معسلين و نطق بصوت مميز: صباح الخير
شغف حنيكاتها توردو و نطقات بخجل: اويلي بعد مني شنو هادشي كدير
سعد الدين قرسها فكريشتها حتى غوتات و نطق بحدة: كيفاش بعد مني واش بغيتي نسلخ مك
شغف كتحك فمكان القرسة بألم وهي عاقدة ححبانها: اييييي قصحتيني احححح
سعد الدين حس بمولاي سلطان هز العلام: سكتينا البرهوشة من اي و اح غنوليو فشي حوايج مقاداش عليهم
شغف خرجات عينيها بخجل و نطقات بسرعة: طلق عافاك بغيت نمشي الطواليط
سعد الدين كيف طلقها ناضت بسرعة و كيف رجليها تحطات فالأرض غوتات بألم: ايييي رجليييي
سعد الدين ناض بسرعة لعندها شاد ليها فيديها بخوف: مالكي
شغف مزيرة ليه على يديه: رجلي رجلي كضرني
سعد الدين بدون سابق انذار هزها بين يديه فحال الريشة متوجه بيها الحمام لي كيف شافتو دخلها تما نطقات و الخجل مسيطر عليها: عافاك غير خرج انا قادرة ندير هادشي بوحدي
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
