مهووس ميساء ( موقفة)

Part 107

حلات عويناتها الكبار الزُمُرُدية كترمش بيهم عدة مرات كتحاول تستوعب فين هي، عقدات حجبانها المرسومين من عند الله ملي تأكدات انها عمرها شافت هاد البيت فحياتها ، ناضت كالسة ضامة رجليها لعندها فوضعية الجنين و طاحو دموعها بسرعة و جسمها كلو كيترعد بخوف، رجعات بيها ذاكرتها لنهارلي تخطفات فيه و ماحد الأحداث كيدوزو قدام عينيها و شهقاتها كيعلاو، حتى تحل الباب بجهد من طرفو هو ولي سمع صوت شهقاتها من صالون و جا كيجري لعندها خايف ، كيف شافت الباب تحل خشات راسها بين فخاضها وهي كتهضر بصوت ضعيف باكي: بعد م مني هئ هئ بغيت نمشي فحالي مبغيتش نبقى هنا هئ هئ

غالي قرب لعندها بسرعة كلس حداها و هزها لعندو حاطها فوق رجليه وهي هاكاك عريانة ساترين عورتها فقط دوبياش، ضمها لعندو و هو كيهضر بالقرب من ودنيها بهمس محاولة منو انه يهدنها: شوووووت انا معاك دابا متخافيش

ميساء كيف سمعات صوتو و تغلغلات ريحتو الرجولية فنيفها رتاحت نسبيا و زادت تخشات فيه ناطقة بصوت غالبة عليه نبرة الخوف: انا خايفة بزاف من داك النهار يتعاود هئ هئ

غالي نطق بحدة و عينيه الرماديين الحادين كيشوفو فنقطة وحدة بتوعُد: عمر داك نهار غيتعاود و لي حط عليك صبع ايدو تقطع من جدر

ميساء هزات فيه عويناتها الخضرين المدمعين و نطقات بصوتها الأنثوي لي كيزعز كيانو و كيخرجو على طوعو: واعدني عمرك تخبي عليا شي حاجة

غالي باسها فنيفها الصغيور بوسة خفيفة و نطق بجدية: كنواعدك الكمرة ديالي

يلاه بغات تنطق هو يقاطعهم صوت الصونيط فالباب، ميساء عقدات حجبانها بتساؤل: شكون غيكون فالباب

غالي حطها فوق الناموسية و ناض خارج من البيت و كيهضرفنفس الوقت: وصيتهم على شي حوايج ليك غيكونو جابوهم

وصل الباب و حلو خدا واحد صاشي من عند الكارد لي كان حاني راسو بإحترام كالعادة و سد الباب راجع لعندها هي لي كانت متكية فوق الناموسية و لايحة عليها ليزار و حنيكاتها حميمرين بخجل ، حيت فلول مكانتش حاسة براسها شنو لابسة ولكن من بعد فاش مشا هو عاد عاقت انها ملابسة والو و فقط دوبياس لي ساترين المناطق المحضورة

كيف دخل هزات فيه راسها و نطقات بهدوء: بغيت نمشي لسبيطار عند طه

غالي عقد حجبانو بقلق و إحساس غريييييب تملكو مبغاهاش تنطق سمية ديال راجل اخر من غيرو و مبغاش اهتمامها يكون لراجل اخر ولو يكون خوها، و نطق بصوتو المبحوح لي كيزرع الخوف فقلوب السامِعين: مشفتيش راسك فحال الا عيقتي راه صبرت فوق جهدي اميساء

ميساء: مفهمتش

غالي حط ديك صاشي فوق الناموسية و قرب لعندها كالس قدامها و يديه فوق فخدها لي مغطي بليزار: مكنقدرش نسمع من فمك سميت راجل اخر من غيري ( زير على فكو بعصبية) واخا خوك ولكن نتي ديالي و ما من حق حتى قواد يشاركني فيك اهتمامك خاصو يكون غير ليا انا و ماشي شي راجل اخر كيفما كان