داز اسبوع على بطلتنا وهي فالسبيطار تشافات شوية و الكدمات لي فوجها بداو كيختفاو و هدا هو النهار لي غتخرج فيه، كانت كالسة لابسة كيطمة باج مع صنيديلة كحلة جامعة شعرها كعكة مهملة و قدامها ابتسام كتجمع فالحوايج المسخين الملبوسين فواحد الصويك.
ميساء بصوتها الرقيق:ماما مغتجيش تشوفني
ابتسام حركات راسها بالنفي وهي حشمانة من راسها حيت كتكدب على ميساء: لا هي راه مسافرة وقيلا هادشي لي كالت ليا.
ميساء عاقدة حجبانها بتساؤل:كيفاش مسافرة فين مشات هي معندها فين تمشي حتى العائلة معندناش.
ابتسام: هادشي لي سمعت كلتو ليك اصاحبتي المهم يلاه نوضي نمشيو راه ساليت.
ميساء قلبها ممهنيهاش: انا قلبي ممهنينيش على ماما ا ابتسام
ابتسام شادة ليها فيديها: متخافيش اصاحبتي غيكون غير الخير و دابا نوضي نمشيو راه سي المختار ولالة سمية كيتسناونا برا.
ميساء شادة فإبتسام و كيتمشاو بشوية على حساب ميساء باقين كيضروها شي ضربات ففخاضها و كرشها: الله يجازيهم بيخير وقفو معايا خيرهم عمرني نساه.
يلاه بغات ابتسام تهدر وهوما يلمحو الطبيب جاي لجيهتهم وهو مبتاسم ابتسام بشوشة وقف عليهم و نطق بمزاح: البكاية صافي سخيتي بينا.
ميساء بتاسمات ليه ابتسامة بريئة هو كان طبيب باقي شاب زوين و طويل و جداب فالحقيقة.
الطبيب حس بنوع من الإحراج ملي غير ضحكات ليه و مجوباتش نطق وهو كيحك فقرفادتو: المهم الله يشافيك.
ميساء: امين .
و مشا وخلاهم واقفين حتى رجعو كيتمشاو و نطقات ابتسام مطلعة حاجبها: هادا مالو.
ميساء: منعرف ليه تاهو .
بقاو غاديين كيتمشاو بشوية وهوما كيتحتو و ابتسام كتحاول تخرج ميساء من ديك الحالة ديال الحزن لي باقا مسيطرة عليها، خرجو برا و لقاو لوطو ديال المختار واقفة كتسناهم و المختار و سمية واقفين حداها كيشوفو فالباب بلهفة حتى لمحوهم خارجين و توجهات سمية اتجاه ميساء معنقاها بحرارة.
سمية بحنان وشوق: على سلامتك ابنتي الزوينة.
ميساء معنقاها هي الأخرى: الله يسلمك اخالتي.
فصلات سمية العناق جاراها من يديها تجاه لوطو طلعاتها لور و تسنات ابتسام حتى طلعات حداها عاد سدات الباب متوجهة المقعد الأمامي، طلع المختار فمقعد السائق مكسيري بسرعة متوسطة.
.......................................
كانت واقفة قدام المراية ديال الحمام كتشوف فكرشها وهي حاطة عليها يديها بحكم بدات كتبان شوية تنهدات بديق و نزلات كسوتها لي كانت البدلة ديال الخادمات لبسات فوق منها الطابلية ديال الخدمة و طلقات شعرها الزعر كتمشط فيه فالأخير جمعات خصلات من القدام و هزات عكر وردي دايراه لشنايفها و كلمسة اخيرة رشات عطرها الفواح لي تشمو منين و منين قااااااصح.
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
