مهووس ميساء ( موقفة)

part 22

بلاصة الطوموبيل قدام البحر و نزل من موراه نزلات ميساء وهي شادة فتواب، و تواب كتضحك و تنقز حيت كيعجبها البحر.
بداو كيتمشاو فالصمت و ريح خفيف كيطير شعر ميساء حتى كسرات داك الصمت.
ميساء بصوت رقيق: كيعجبك البحر
غالي شاف فيها و رجع ضور وجهوا: ماشي بزاف
تواب بحماس وهي كتلعب برجيلاتها فالرملة: انا كيعجبني بزاف ( هزات عينيها فميساء) طاتي ميساء حيدي ليا صباطي بغيت نقيس الماء
نزلات ميساء على ركابيها و حيدات ليها صباطها و هزاتوا فيديها، كيف حيداتوا ليها مشات كتجري تجاه البحر و هي كتلعب برجيلاتها فالماء.
ميساء نطقات بتردد: فكرتي فداكشي لي قلت ليك
غالي تنهد و سكت المدة حتى يأسات واش غيجاوب عاد نطق بصوت مبحوح: اه
ميساء: شنو قررتي
غالي: اتسكن معانا من اليوم ولكن (ضار عندها و شاف فيها بجدية و نزل لمستواها حتى تقابوا وجوهم) واش نتي مستعدة تقابليها و تحميها مني ملي نكون معصب
ميساء هزات راسها بالإيجاب بدون تفكير: اه مستعدة حيت انا انولي فحال ماماها و انربيها
غالي ضحك ضحكة ساخرة و هو كيطلعها و ينزلها: راك نتي براسك باقي خصني نربي فيك
ميساء عقدات حجبانها بزعل مصطنع: يااك اسيدي واخا
غالي ضحك و جرها من يديها معنقها و حط دقنوا فوق راسها و نطق بهمس: انا دابا ولاو عندي زوج بنات
ميساء ضحكات بخجل و زادت تخشات فيه، حتى لمحات تواب كتلعب برجليها وهي كضحك.
حنحنات بخجل و نطقات بصوت خافت: انمشي نشوف تواب
تمشات حتى وصلات عندها و بداو كيجريو و يلعبوا و هوما كيرشوا بعضياتهم بالماء و غالي مراقبهم ببتسامة بالكاد كتبان حيت لي شافهم من بعيد كيبانوا فحال شي ام و بنتها.
ميساء كتضحك بطفولة: صافي صافي براكة فزكتيني
تواب حتى هي كتضحك ببرائة و نطقات وهي فرحانة: ههههههه نتي لي بديتي
ميساء هزات يديها: طاحت عليا واحد الفكرة زويينة
تواب بتساؤل: شنو هي
ميساء: انا غادي نجري و نتي تبعيني صافي و الى شديتيني غادي ناخد ليك لي بغيتي صافي
تواب نقزات بحماس: واخا يلاه بداي
بدات كتجري ميساء و تواب تابعاها و كاع الناس لي فالبحر ضاروا كيشوفو ف ميساء و مرحها و براءتها و فوق هادشي جمالها الساحر.
بقات كتجري تواب من موارا ميساء و غالي متبع ليهم العين للحضة تواب تعكلات و طاحت  علا ركيباتها الشي لي خلاها تغوت حتى ضارت ميساء و مشات عندها كتجري.
ميساء بخوف: حبيبة واش نتي بيخير
تواب كتبكي و شادة فرجليها: طاتي ميساء رجلي كضرني بزاف
يلاه بغات ميساء تدوي حتى كان جا غالي كيجري و دفع ميساء من على تواب و نطق موجه كلاموا لميساء بحدة و هو مخنزر: واش نتي مريضة فكرك كتلعبي مع البنت هاد اللعب
ميساء بملامح مصدومة وهي كتحاول تبرر ليه: انا مدرت ليها حتى حاجة
غالي قاطعها بيديه و هز تواب عندوا: بنتي وريني فين كيضرك
تواب و دموعها كيطيحوا: بابي كضرني رجلي
غالي هز رجلها الصغيورة لي كان عليها احمرار بسيط: هنا كيضرك
تواب تكات براسها على كتفوا و هزات راسها بالإيجاب، لي فديك اللحضة كانت ميساء كتشوف فيه بصدمة من الطريقة لي هضر معاها بيها فحالا هي لي طيحات البنت و مصدومة كثر من معاملتوا لي كتبدل دغيا بعد المرات كيكون حنين و معاملتوا زوينة و شي مرات كيولي قاسي و هادي هي شخصيتوا المختلة لي متقدريش تفهميها.
ميساء قربات لعند تواب بلاه بغات تقيس ليها رجليها حتى دفع ليها غالي يديها و نطق بحدة و فحيح: اخر مرة تحطي يديك على بنتي ولا تأديها فهمتي
ميساء عقدات حجبانها و هضرات بصوت مخنوق حيت حابسة البكية و مراضياش: متعاملش معايا بهاد الطريقة فحالا انا لي طيحتها و متقولش هاد الهضرة قدام البنت
غالي هز فيها حجبانوا و ميل راسوا بطريقة مجنونة: انتفاهموا من بعد
و حط تواب فالأرض و ميساء نزلات على ركابيها كتلبسها صباطها كيف سالات جر غالي تواب من يديها و تمشى سابق ميساء، ولكن تواب تنترات من يد غالي و مشات بشوية عليها بحكم رجليها كضرها و شدات فميساء الشي لي خلا ميساء تبتاسم و تهزها لعندها.
ميساء باستها و نطقات بأسف: سمحيليا احبيبة الى كنتي طحتي بسبابي
تواب حركات راسها بنفي و ضحكات بطفولة: لالا انا عجباتني بزاف اللعبة و غير رجلي مغتبقاش ضرني نعاودوا لعبوها صافي
ميساء حركات راسها بنفي و شافت فغالي بعتاب لي هو الأخر كان مراقب تعلق بنتوا ب ميساء: لا اتواب منقدروش نبقاو نلعبوا شي لعبة بلا الموافقة ديال باباك
تواب شافت فغالي و نطقات ببراءة: بابا عافاك خليني نبقا نلعب مع طاتي ميساء انا كنبغيها بزاف
غالي تجاهل كلام بنتوا و هو كيحس بالذنب من التصرف لي دار مع ميساء و نطق بحدة: يلاه نمشيو الشتا غتبدا الطيح
تواب ميلات فمها بأسى: بابا انا مبغيتش نرجع انا بغيت نبقى معاكم
غالي خدى تواب من عند ميساء و بدى كيتمشى و ميساء كتمشى حداه و هو كيهضر مع تواب: بنتي من اليوم اتبداي تسكني معايا انا و ميساء
تواب لمعوا عينيها بالفرحة و نطقات بفرح طفولي: ياااااي انا فرحانة بزاااااف ( وشافت فميساء) انبقاو نعسوا فبيت واحد ياك اطاتي ميساء
ميساء ضحكات لطفولتها: اه احبيبة
و تمشاو حتى وصلوا الطوموبيل و غالي طلع فمكان السائق و ميساء حداه و تواب كالسة فوق رجليها، و ميساء قالبة وجها اتجاه السرجم و مرة مرة كتهدر مع تواب و متجاهلة غالي.
وصلوا قدام القصر و نزلات ميساء و نزلات تواب شادة ليها فيديها.
تواب شافت فغالي و نطقات بطفولة: بابا واش كاعما غتنزل
غالي حرك راسو بالنفي: لا ابنتي عندي شي خدمة
تواب بترجي: عافاك ابابا بقا معانا
غالي نطق بحدة: توااب
تواب حنات راسها و تمشات مع ميساء تجاه باب القصر، كيف دخلوا تحنات ميساء عند تواب: حبيبة وريتي فين هو بيتك باش نبدلك
يلاه بغات تنطق تواب و هوما يخرجوا البنات لابسين و مقادين و جارين لي ڨاليز ديالهم.
نطقات ابتسام بتساؤل و هي كتشوف فتواب و ميساء: تواب !! شكون جابها
ميساء حكات عنقها بتوثر و نطقات بتلعثم: احم احم جابها السي غالي
يلاه بغات تنطق تواب و هي تقاطعها ميساء: حبيبة ديالي سيري لبيتك انا غنجي لعندك باش نبدلك صافي
حركات تواب راسها بالإيجاب و تمشات تجاه بيتها لي عرفاه فين كين بالطبع حيت كدوز الصيف هنا.
ماجدة: ونتي كيفاش تعرفتي عليها
ميساء ضورات عينيها بتوثر و نطقات كتقلب على شي كدبة: ملي جابها مشات تلعب فالجردة و بقيت كنلعب معاها و تعرفت عليها
ابتسام هزات راسها بفهم: حبيبة ميساء حنا دابا عندنا عطلة لمدة 15 يوم و خاصنا نمشيو (شافت ف اية و ماجدة) البنات ايمشيو عند واليديهم و انا انمشي عند واحد خالتي فتازة
ميساء قلبات فمها بزعل: اتخليوني بوحدي البنات
ماجدة كضحك محاولة منها تهدنها: رآه دغيا غدوز احبيبة و ديما انبقاو على تواصل
عنقاتهم ميساء بتلاثة فدقة و نطقات بحنية:انتوحشكم بزاااف والله اتخوا عليا الدار بلا بيكم
اية: وا صافي اصاحبتي اتبكيني و اتجلخ ليا الماسكارا
بداو كيضحكوا و كيودعوا بعضياتهم من بعد خرجوا.
كيف خرجوا تنهدات ميساء و توجهات لبيت تواب حيت قبل ميخرجوا البنات سولاتهم و نعتوا ليها.
وصلات قدام باب غرفتها لي كان بيض و عليه ورود وردية و سميتها بلون الذهبي.
دخلات و لقاتها جالسة فوق الناموسية و هازا واحد النونوس صغيور بلون الوردي.
ميساء بتاسمات من شكلها البرئ: حبيبة ديالي
تواب هزات فيها عينيها و ضحكات حتى تسدوا عينيها: طاتي ميساء اجي شوفي أليس
ميساء هزات حجبانها بتساؤل مزيف: شكون هي أليس
تواب هزات النونوس ديالها باش توريه ليها زعما: نونوستي
ميساء بإعجاب وهي كتشوف فيها:واااو زوينة بزاااف احبيبة فحالك
تواب: اجي نلعبوا بجوج
ميساء هضرات بهمس وهي قالبة عينيها: باش عوتاني يجي هاداك المسعور يحملني المسؤولية
تواب بتساؤل: قلتي شي حاجة اطاتي
ميساؤ حركات راسها بالنفي: لا احبيبة ديالي مقلت والو قلت اجي نبدلك حوايجك باش نمشيو ناكلوا و نطيب ليك واحد الحاجة زوييينة يلاه اجي
بدلات ليها حويجها و لبساتها بيجامة فالغوز شورط و كروب طوب ديالها كيبين الكريشة.
شدات ليها فيديها: اجي معايا احبيبة هبطي معايا لبيتي باش حتى انا نبدل حوايجي و نمشيو الكوزينة 
هبطات ميساء لبيتها برفقة تواب و لبسات بيجامة مشابهة لديال تواب و شدات ليها فيديها و خرجوا الكوزينة.

يتبع.....