فبلاصة اخرى كان صايك بسرعة فائقة و مرة مرة كيضرب على دريكسون بعصبية حتى كتقفز ابتسام لي الخلعة مسيطرة عليها غير كتحاول متبينش و المرة المئة كتسمع صوتو لي بح بالغوات وهو كيعاتب فيها:لاش لطبون مك خارجة كتقحبني فهاد الوقت لاااااش ... ابتسام كتخرج فعينيها: ماشي سوقك و زايدون لاش هازني نزلني نمشي نقود فحالاتي ... فرانا فران صيك عينيه الخضرين ولاو مزينينهم خطوطا حمرين ضار لعندها وجهو لا يبشر بالخير و شدها من شعرها طويل الكحل خابط ليها راسها مع المقدمة ديال الطوموبيل حتى حسات بالدنيا مشات وجات و الدم خارج ليها من جبهتها كينقط... و نطق بعصبية كيورك على الحروف: متبقايش تردي لهضرة ملي ندوي معاك سدي كرك و سكتي و اخر مرة تخسري الهدرة قدامي ولا غنخسر ليك لافيشور ديال وجهك ... ابتسام دنيا ضايرة بيها ولكن مبغاتش تحشم: راك خسرتيها فين باغي تزيد كتر ... طه غمض عينيه و عاود حلهم و شاف بلي ضرب منافعش معاها حتى حاجة منافعة مع هاد المخلوقة لي غريبة الاطوار ... كسيرا بسرعة مرا اخرى بعد عدة دقائق وصل قدام القصر و نطق بحدة: هبطي تقودي و مساليناش هنا مزال انتفاهمو ... ابتسام يلاه بغات تهبط وهي شادة المونطو فيديها و هو يغوت حتى طبل ديال ودنها تتقب: لبسيييي القلااااوي ... قفزات وهي تلبسو ديك ساعة كتخنزر فيه كيف لبساتو حلات الباب و خبطاتو بعنف و توجهات الباب ديال القصر وهي رجليها مهازينهاش من الضربة لي دار ليها ... جبدات كلينيكس من جيب ديال المونطو كتمسح جبهتها... دخلات القصر وكيف شافوها ليكارد حدرو راسهم بإحترام وهي داخلة كارهة و فنص الطريق حيدات طالون من رجليها لايحاه فالارض و هي شاداها البكية من شنو غيكون طاري لميساء دابا ... بقات كتمشى هكاك حفيانة حتى معرفاتش كيفاش وصلات لبيتها حيدات مونطوها خابطاه مع الأرض و صاك كذلك و كلسات فناموسية عينيها عامرين دموع و نطقات بهمس: كلشي بسبابك ا ابتسام كلشيييي (طاحو دموعها بغزارة و هي شادة على راسها) شنو غندير دابا شنووووو ... بقات كتفكر لمدة مطاحت فبالها غير سمية ناضت كتجري جبدات تيليفون من صاك و رجعات كلسات فوق الناموسية دوزات الخط و حطاتو على ودنيها كتسنى الرد حتى سمعات صوت سمية الجوهري: الو ... ابتسام: الو لالة سمية ... سمية: كيدايرة ابنتي لاباس عليك... ابتسام: الحمدالله سمحيليا ياكما فيقتك فهاد الوقت... سمية: لا بنتي نيت كنت فايقة نصلي الفجر ... ابتسام عضات شفايفها بتردد و فالخر نطقات: لالة سمية عافاك بغيتك تعاونيني فواحد المشكل ... سمية عقدات ححبانها: ياك لاباس ... ابتسام عودات ليها كلشي من طاق طاق حتى السلام و عليكم: هئ هئ و دابا الالة ملي جا داها من تما ما بقيت عرفت عليها شي حاجة انا خايفة عليها بزاف... سمية بخوف: الله ابنتي الله شنو غيكون دار فيها المهم قطعي دابا الى عرفت شي حاجة راه غنعيط ليك ... ابتسام: واخا شكرا بزاف... و قطعات لايحة تيليفون فوق الناموسية كتنخصص وهي كتحس بذنب اتجاه ميساء.
سمية كيف قطعات مع ابتسام مشات نيشان تفيق المختار لي كان ناعس ... سمية بذعر: المختار المختار وا المختار فيييق ... فاق المختار عاقد حجبانو فايق خاسر بنعاس: مالكي... سمية: ميساء المختار ميساء ... المختار: مالها... سمية: خرجات فليل و حصلها غالي و دابا معارفينش فين كاينة ... المختار تسلل الخوف لقلبو و نطق بجدية: زيدي تنعسي انا غنمشي نفيق طه ... سمية: طه مكينش مجاش الدار ... ناض المختار واقف هز تيليفون من فوق الكوافوز و عيط الطه لي فلول مجاوبش حتى عيط ليه المرة تانية عاد جاوب ناطق بصوتو المبحوح: نعام الواليد ... المختار: غالي معاك... طه: بايت كتحلم بيه ولا كيفاش ... المختار: سولتك ... طه: لا مامعاياش ... المختار: راني عارف كلشي غير كوليا فيناهو ... طه حك خلف رقبتو: مع مرتو معرفتش فين كاين ... المختار: دابا تعرف ليا فين كاين ... يلاه بغا يجاوبو وهو يقطع ليه و ضار عند سمية لي كان قلبها ممهنيهاش كتحس احساس فشكل: شنو قاليك ... المختار: معارف والو ولكن دابا غيعرف ليا فين كاين ... بعد عدة دقائق عاود عيط طه لمختار لي جاوبو بلهفة: فين ... طه: معرفتش ولكن كنضن فالڤيلا لي حدا البحر... المختار: صافي غنمشيو نشوفو الى ملقينا والو غنعاود نعيط ليك ... طه: الواليد قلب عليا متعيط ليا منعيط ليك طالع ليا القلاوي لراس غيرها المختار ... المختار قطع عليه بدون ميجاوبو و نطق كيشوف فسمية: كاليا واقيلة كاينين فالڤيلا لي حدا البحر... سمية: اوا يالاه نمشيو ... المختار: سيري لبسي جلابتك و هبطي تسنايني فطوموبيل غنبدل دغيا ونجي... سمية حركات راسها بالإيجاب و مشات كتجري الدريسينك هزات جلابة عشوائيا و خرجات لبساتها و توجهات اللتحت تسناه فطوموبيل ... كانت كالسة فالمقعد الامامي كتفرك يديها بخوف لاتكون طارية لميساء شي حاجة حتى لمحات المختار جاي كيزرب طلع فطوموبيل فمكان السائق و كسيرا بأعلى سرعة ... سمية عينيها عامرين بدموع: معرفتش علاش كنحس احساس خايب ... المختار باس يديها بحنان: تفائلي خير اسمية ... سمية: إنشاءالله... بعد نصف ساعة وقف قدام نفس الڤيلا لي جاب ليها غالي ميساء لقاو لبيبان كاملين محلولين لا ديال برا لا الباب ديال لداخل و هنا تأكدو بلي كاينين هنا ... هبطو كيجريو داخلين من الباب ديال الڤيلا لي كان فيها صمت و سقيل رهيب قلبو دار كاملا ملقاو والو وهنا قررو يطلعو الفوق ... دخلو الغرفة الوحيدة لي كانت تما و كل واحد كان كيقلب فجيها حتى توجهات سمية الحمام لي كيف حلاتو رجليها خواو بيها من المنضر لي شافت و نطقات و لسانها تقيل عليها: ال المختار... المختار جا كيجري و كيف شاف داكشي قلبو ضرو من المنضر حناكها زورق ب تسرفيق و فمها بيض مفيهش قطرة ديال الدم كتبان شاحبة عنقها فيه الوشام و شعرها و حوايجها كلهم فازكين و بركة ديال الدم ضايرة بيها و الدم لي قايس وجها و يديها يابس خلاصة القول كتبان فحالة يرتى لها متقدرش تكمل فيها شوفة نهائيا ... المختار مشا كيجري هازها وهي جثة هامدة مكتحركش و سمية بقات واقفة مصدومة حتى فيقها صراخ ديالو: سمية يلاه سربي دغيا نديو لبنت لسبيطار ... سمية حركات راسها بالإيجاب و تبعات المختار كتجري ... المختار كان وصل الطوموبيل و بقا واقف كيتسنى سمية تجي باش تحل ليه الباب حتى لمحها جايا كتجري حلات ليه الباب لوراني حط ميساء و هي ضارت من جهة الاخرى راكبة حداها حاطا راس ميساء فوق فخاضها وهي كتدوز يديها على شعرها طويل بحنان... طلع المختار فمكان السائق و كسيرا بسرعة فتجاه المستشفى ... سمية دموعها طاحو و نطقات وهي كتدوز يديها على شعرها: الله ابنيتي الله شهاد الحالة وصلك ليها ... للحضة طاحت فبالها ابتسام: المختار عطيني صاكي نعيط لإبتسام باش متبقاش مخلوعة ... عطاها الصاك لي شداتو بيديها كيترعدو و جبدات تيليفون مدوزة الخط لإبتسام لي جوباتها ديك الساعة: الو لالة واش لقيتوها ... سمية: اه ابنتي هاحنا غاديين بيها السبيطار ... ابتسام عينيها المنفوخين بالبكا رجعو عمرو دموع:ك كيفاش سبيطار ... سمية: حتى تجي و غتشوفي بعينيك الحالة لوصلها ليها المهم اجي لمستشفى **** ... ابتسام قلبها كيضرب فالمية و شهقات حارين كيطلعو ليها: واخا هئ هئ ... كيف قطعات معاها ناضت جابدة جلابة من الماريو لابساها فوق الكسوة و خشات فرجليها صندالة و شعرها جمعاتو عشوائيا بفيليل كحل ... و خرجات من البيت كتجري فإتجاه بيت خديجة لي ضروري خصها تعرف حالة بنتها ... دخلات بعجاجتها البيت شي لي خلا خديجة تقفز و تماطي يديها الكوافوز تشعل الضوء: ياك لاباس ... ابتسام غير كتبكي الحروف تخربقو ليها حتى قفزاتها خديجة لي وقفات قدامها و نطقات بحدة: مالكي نطقي شنو طاري ... ابتسام: م ميساء ... خديجة بلعات ريقها بخوف: مالها ميساء ... ابتسام: هئ هئ فسبيطار ... خديجة كانت غطيح كون مشدتهاش ابتسام: خالتي هئ هئ خالتي مالكي ... خديجة عينيها عمرو دموع: مالها بنتي ا ابتسام ... ابتسام: خالتي يالاه نمشيو دابا و نعاود لك فطريق ... خديجة حركات راسها بالإيجاب و مشات هزات جلابة لبساتها هي و زيف و خرجات كتجري هي و ابتسام كان ديك الوقت يلاه بدات كتطلع الشمس تقريبا شي سبعة ديال الصباح... ابتسام يالاه وصلات الباب بغات تخرج هي وخديجة وهو يوقفها الكارد حابس عليها طريق حاني راسو وهي تنطق بعصبية: حيد من قدامي خليني نخرج ... الكارد بإحترام: سمحيليا الالة ابتسام سي طه منع علينا نخليوك تخرجي ... ابتسام بإنفعال: سير تقود نتا و سي طه ديالك حيد من قدامي ... الكارد: الله يخليك الالة راه كندير غير خدمتي ... ابتسام شافت فخديجة لي كتشوف فإبتسام بشك... ابتسام غمضات عينيها و عودات حلاتهم وهي كتحاول تهدأ راسها و نطقات مادة يديها الكارد: عطيني تيليفونك ...جبدو بدون مجادلة و عطاه ليها هي شعلاتو لقات الكود وهي تعطيه ليه دار الكود و رجعات خداتو من عندو كتبات نمرة طه لي حفضاها و حطات تيليفون على ودنها كتسنى يدوز الخط ... حتى سمعات صوتو المبحوح تقييل باين فيقاتو من النعاس: شنو ... ابتسام: قوليهم يخليوني نخرج و دااابااااا ... طه عقد ححبانو ملي سمع صوتها و قاد لكلسة ناطق بحدة: ولاش بسلامة باغا تخرجي تكملي ليلة ديالك فشي بواط اخرى ... ابتسام شاعلة فيها العافية بالأعصاب: ميساء فسبيطار قوليهم يخليوني نخرج اطه متعكسش غير هاد المرة الله يرحم الوالدين... طه عقد حجبانو وحس بإحساس خايب فحالا قلبو نغزو: مالها... ابتسام: ضربها صاحبك العزيز ... طه: دوزيلي الكارد ... ابتسام عطات تيليفون الكارد وهي قالبة عينيها بملل بعد مدة سالا الكارد الإتصال و نطق بإحترام: لالة ابتسام تسناي هانا جاي نجيب طوموبيل باش نوصلكم ... حركات ابتسام راسها بالإيجاب وهو مشا كيجري لكاراج ... ابتسام دورات عينيها على خديجة لي غير مرفوعة مكيناش معاهم كاع فحالا داخلة فحالة صدمة.
فرانا فران صيك قدام الكلينيك و نزل بزربة كيغوت على الأطباء لي كيف شافوه جاو كيجريو جايبين معاهم ناقلة طبية ... المختار مشا حل الباب اسمية هبطات و هز ميساء حاطها فوق ناقلة و غاديين داخلين بيها كيجريو و المختار و سمية كيجريو معاهم ... الطبيب: شنو طاري ليها ... المختار: تعرضات الضرب و لقينا بزاف ديال الدم حداها خارج من تحتها ... الطبيب عقد حجبانو: واش الأنسة حاملة ... المختار شاف فسمية لي عضات شنايفها بتشكيك و فالأخير نطق المختار بحيرة: معرفتش... وصلو المستعجلات دخلوها كيجريو ويلاه بغاو يدخلو وهي تحبسهم الممرضة بإحترام: عافاكم تسناو هنا ممنوع دخلو ... حركو راسهم بالإيجاب و مشات سمية كلسات شادة فراسها لي كيضور عليها فيها دوخا و المختار بقا واقف عقلو خدام كيفكر فالهضرة ديال الطبيب ... مدازش بزاف حتى دخلات ابتسام و خديجة كيجريو نيشان مشاو الإستقبال: سلام اختي ...البنت لي خدامة فالاستقبال: شنو حب الخاطر ا انسة ... ابتسام: عافاك اختي واحد البنت عاد جابوها دابا كانو معاها جوج ديال الناس راجل و مرا ... البنت: راه فالمستعجلات سيري نيشان و ضوري على يدك ليمن ... ابتسام: واخا اختي شكرا يالاه اخالتي خديجة ... مشاو فين نعتات ليهم البنت و ابتسام لمحات سمية لي كانت دايرة راسها بين يديها مشات نيشان لعندها اما المختار مشافهاش كان ساهي ... وقفات ابتسام حدا سمية و خديجة حداها: لالة سمية ... سمية مع الهزة لي غتهز راسها غتجي نيييشان فخديجة لي هي الأخرى كيف شافتها شهقات بصدمة و شدات فيد ابتسام حيت رجليها خواو بيها اما سمية عينيها كانو عامرين دموع و نطقات بصدمة: نتي ن نتي ... المختار سمع صوت سمية هو يضور و عينيه نيشان جاو على خديجة و كانت صدمتو لا تقل عن صدمة سمية.....
يتبع....❤️❤️ أرائكم زينات ديالي❤️❤️
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
