ميساء فصلات العناق ديالها مع ماجدة و نطقات بجدية كتمسح دموعها: منقدرش نبقا معاه منقدرش
ماجدة شداتها من دراعها كتشوف ليها فعينيها ناطقة بإصرار: تفارقي معاه و سيري عيشي حياتك نتي مزال صغيرة اميساء مزال صغيرة بزاف
ابتسام ضحكات بإستهزاء وهي مربعة يديها: نتي عند بالك غيخليها فحالها راه كيفضل يقتلها ولا يخليها تعيش حياتها بلا بيه
يلاه بغات ميساء تجاوبها وهي تسمع صوت طفولي صغيور من موراها: مامي
ميساء ضارت لعندها مبتاسمة كتحاول تخفي دموعها و نطقات بحنان: الحبيبة ديال مامي
تمشات لعندها كالسة حداها هازاها حطاها فوق فخاصها، عنقاتها بحرارة وهي كتبوس فوق راسها و كتشم فشعرها بشوق: توحشتك توحشتك بزااااف ابنتي
تواب ميلات شفايفها بزعل: نتي علاش مبقيتيش كتجي لعندي واش بصح مبقيتيش كتبغيني
ميساء عقدات ححبانها بقلق من هدرة تواب: لا احبيبة هادشي مكينش انا كنت مريضة داكشي علاش و كانت معايا حتى طاتي ابتسام (هزات راسها فإبتسام) ياك ا ابتسام
ابتسام قربات لعندهم نازلة على ركابيها جاية مقابلة مع تواب شادة ليها فيدياتها صغار: اه احبيبة ديالي ماماك كتبغيك بزاف غير كانت مريضة و صافي
تواب هزات عويناتها الزرقين فميساء:حتى بابا توحشتو بزاف
ميساء: تبغي تمشي لعندو دابا
تواب حركات راسها بالإيجاب متحمسة: اااااه
ناضت ميساء هازاها: اوووبا يلاه نمشيو احبيبة ( شافت فإبتسام و ماجدة غامزاهم) البنات نكملو الهضرة من بعد
حركو ليها راسهم بالإيجاب اما هي خرجات من البيت متوجهة لبيتها لي كيف حلات الباب لاحت عويناتها على الفراش لي كان خاوي عقدات حجبانها بإستغراب دخلات حطات تواب فوق السرير و توجهات الحمام كدق: غالي واش نتا هنا
حلات الباب كتقلب بعينيها و نفس الشي حتى هو لقاتو خاوي نطقات مع راسها باستغراب: فين مشا هادا
تمشات قاصدة تواب لي كانت كتلعب برجيلاتها حتى نطقات مقلقة: بغيت نمشي لدارنا مبغيتش هنا
ميساء مسحات ليها على شعرها بحنان محاولة تهدنها: واخا احبيبة انشاء الله (شدات ليها فيديها) و دابا اجي نمشيو نشوفو جداتي سمية
تواب بحماس: واش بصح كاينة جداتي سمية هنا
ميساء حركات راسها بالإيجاب: كاينة جداتي سمية و جدي المختار و عمو طه
خرجو من البيت كيتمشاو فداك الممر حتى وصلات لقدام واحد الباب دقات جوج دقات حتى سمعات صوت سمية كَيٌأدن بدخول: دخل
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
