فيقاتو من سهوتو غير الخدامة لي دقات فالباب زوج طرقات حتى سمعات صوتو الرجولي كيأدن ليها بالدخول، دخلات هازا بلاطو ديال القهوة فيديها حطاتو فوق المكتب و كيف بغات تمشي سمعات صوتو
المختار: فين هيا سمية
الخدامة وقفات مقابلة معاه وهي حانية راسها بإحترام: كالسة مع لالة ميساء و لالة ابتسام فصالون اسيدي
المختار حيد نضاضرو حطهم فوق البيرو: سيري عيطي عليها الله يرضي عليك
الخدامة حركات راسها بطاعة و عطاتو بالضهر خارجة من المكتب متوجهة الصالون العصري فين كالسين سمية و ابتسام و ميساء كالسة حداها تواب مخشية فيها بعدما حزراتها ميساء و رجعات معاها كيف لول بحكم توحشاتها بزااااف، كانو كالسين و طبلة عامرة بالمكسرات و اتاي و القهوة و الكيك و البراوني و بغرير خلاصة القول طابلة كانت عامرة
كانو كالسين على ضحك و تقشاب كيحاولو يخرجو ميساء من داك الجو ديال الكئابة لي داخلة فيه و هي براسها كتحاول تخرج راسها منو بحكم ملاااااات هي عمرها رتاحت فالحزن و الإكتئاب من ديما كانت انسانة نشيطة و عزيزة عليها الحياة
سمية شافت ف ميساء ناطقة بجدية: بنتي امتى غادي دوزي الجهوي
ميساء تلاشات ابتسامتها و نطقات بتأسف: مغاديش ندوز اخالتي
سمية عقدات حجبانها بعدم رضى: واش حماقيتي ابنتي واش من مورا هاد العام كامل بغيتي تجي حتال لخر و تحبسي ولا شنو
ابتسام موافقة سمية الرأي: خالتي سمية عندها الحق ا ميساء
ميساء ميلات شفايفها بحزن: ماشي وقت الجهوي هادا انا مقدراش نركز و افكاري مشوشين
يلاه بغاو يجاوبوها و هي دخل الخدامة موجهة كلامها لسمية: لالة سمية السي المختار طلب مني نعيط ليك
سمية: خير ابنتي شنو طاري
الخدامة: معرفتش الالة مكاليا حتى حاجة
سمية ناضت كتقاد قفطانها الخفيف ديال الدار و نطقات موجهة كلامها الخدامة: لحقي ليا قهوتي لتما ابنتي الله يرضي عليك
مشات سمية و ميساء شافت فالخدامة ناطقة بلطف و ابتسامة بريئة مزينة وجها الجميل: ختي اناس الله يعطيك ستر طلعي تواب لبيتها بدلي ليها حوايجها انا غادي ندي القهوة لخالتي سمية
ابتسام ناضت من بلاصتها: قوليها ليا ديك ساعة انا نديها
ميساء: مبغيتش نعدبك ازين
ابتسام حركات راسها بالنفي: مكاين لا عداب لا والو
يلاه قربات ابتسام لتواب باش تديها وهي تلسق على ميساء ناطقة ببراءة: مبغيتش نطلع بغيت نبقا مع ماما
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
