مهووس ميساء ( موقفة)

part 56

ضار فحال الوحش عينيه حمرين و حجمو متضاعف هي كيف شافتو كيفاش كيشوف فيها طلقات من دراعو ديك الساعة و جمعات يديها لعندها كتبكي بهستيرية... غالي تقدم لعند البنت لي فالإستقبال لي كانت مصدومة و عينيها خارجين فمول المحال لي قالت صافي مات فيقها من سهوتها صوتو الغليض المبحوح: جمعي ليا هاد الخاتم و عطيني خاتم اخر ديال رجال نقرة ... البنت قفزات من صوتو و طلعات فيه عينيها كترعد و حركات راسها بالإيجاب و مشات كطير جابت ليك داكشي لي بغا و نطقات بتلعثم: ع عندك 50000dh اسيدي (بحكم الخاتم الماس) ... عطاها لاكارط و جابت ليه طيبيو كتب الكود و هز داكشي و جر ميساء من يديها وهي مزال كتبكي بهستيرية اما الموضفين ديال المحل مزال مستغربين و كيف خرج عيطو الإسعاف ... حل ليها الباب طلعات الطوموبيل كترعد و هو طلع فمكان السائق وهو كيحس بشهقاتها ضارينو فراسو و نطق بحدة: حسك منسمعوش ... ميساء وجها حمر و عينيها الخضرين حتى هوما ولاو حمرين فحال الجمر نطقات بصوت ممفهومش بالبكاء و الشهقات: ن نتا ق ق قتلتيه هئ هئ هئ ح حشومة عليك هئ هئ ميمكنش تكون وحش حتال هاد الدرجة... غالي جرها من خلفية راسها مقرب فمو حدا ودنيها انفاسو كيحرقوها و نطق بفحيح: غتسكتينا و لا بديني و ما اعبد حتى نوصلك عليه... ميساء عضات شفايفها كتحاول تجمع البكية كيتسمعو غير شهقاتها ... اما هو طلقها و كسيرة بسرعة مخلي العجاجة موراه و طريق كلها وهو معصب و كيسوط و كيضرب فالدريكسون حتى كتقفز ميساء ... مدازش بزاف حتى وصلو القصر حلو ليه ليكارد الباب و دخل كيف وقفات طوموبيل هبطات ميساء كتجري حاطة يديها على فمها و شعرها تحلات ليه الكعكة كيضرب موراها ... كيف دخلات طلاقات سمية خارجة و بهداك الحر ديال البكة لي هي فيه تلاحت عليها معنقاها بجهد و كتبكي بهستيرية ... سمية معرفات باش تبلات و حطات يديها على راسها و نطقات بقلق:بنتي مالكي علاش كتبكي ... ميساء كتهضر فحضن سمية و قلبها كيضرب بعنف:هئ هئ انا خايفة هو ملي غيرجع هئ  غيضربني ... سمية عقدات حجبانها بتساؤل: شكون ابنتي مفهمتش... ميساء نفس كتقطع فيها: هئ هئ غ  غالي هئ هئ ... سمية بعداتها عليها حاطة يديها على درعان ميساء و نطقات عاقدة حجبانها بتساؤل: مفهمتش انا علاش غيضربك و علاش خايفة لهاد الدرجة ... ميساء مجوباتهاش بقات غير كتبكي، سمية تحسرات لحالها و نطقات بحنان: طلعي ابنتي لبيتك انا جايا موراك نقول غير البنات يوجدو ليك شي حاجة تشربيها ترتاحي شوية ... ميساء حركات راسها بالإيجاب و توجهات لبيتها حانية راسها و شهقاتها كيطلعو بعنف ... سمية بقات متبعاها بعينيها حتى ختافات و حركات راسها بلا حول وهي كتحس بقلبها ضارها عليها (سمية كانت جايا باش تهضر مع غالي و قالو ليها البنات خارج و دخلات تسناتو شوية ملي مجاش كانت خارجة حتى كطلاقا ميساء) دخلات الكوزينة و نطقاتت موجهة كلامها لماجدة: ماجدة عافا بنتي عطيني شي كاس ديال العصير... ماجدة حركات راسها بطاعة و مشات خدات عصير البرتقال من التلاجة و كباتو فكاس و حطاتو فبلاطو و عطاتو ليها: تفضلي الالة ... سمية: الله يرضي عليك ابنتي... و خرجات هازة معاها البلاطو كيف خرجات نطقات ماجدة بتساؤل موجهة كلامها ل إبتسام: لمن داك البلاطو ... ابتسام لا من مجيب غير ساهية ... ماجدة حركاتها:وا العامالة ... ابتسام قفزات: اااا قلتي شيحاجة ... ماجدة ربعات يديها: تي فين كنتي سارحة ... ابتسام طرطقات عنقها: غير كنت ساهية شوية راك عارفة العياء.