🛑🛑🛑🛑🛑🛑🛑🛑🛑🛑🛑🛑🛑🛑
ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉....
البطل....شخصية باردة..مختلة..مهووس بالبطلة..متعجرف..قوي......وك...
فاقت فالصباح كتكسل يلاه جات تحرك جاها شي حريق فراسها خلاها تشد فيه بألم و السبب هو البكا لي بكاتوا البارح حتى نعسات، بقات شادة فراسها حتى حسات براسها شوية مزيان و ناضت الحمام دوشات و خرجات لبسات كسيوة طويلة فالكحل و صنيديلة فنفس اللون و جمعات شعرها ديل حصان و خرجات متوجهة لغرفة تواب حلات الباب لقات البيت خاوي وهي تعقد حجبانها بتساؤل و هبطات فالمصعد و توجهات الكوزينة كيف دخلات لقاتها كالسة كتفطر بصمت و لابسة حوايجها و مقادة و كيف شافت ميساء مشات كتجري لعندها باستها و عنقاتها. ميساء بتساؤل: شكون لبسك تواب: بابا ميساء هزات حجبانها: سيد فايق بكري تواب شدات فشعرها: ولكن اماما ميساء هاد الكرينات لي دار ليا بابا ماشي فحال الكرينات لي كديري ليا نتي كيجيو زوينين ميساء بغجات ليها حناكها و نطقات بصوت فحال ديال الأطفال: يخليلي زين (و هزاتها و كلساتها فالكرسي باش تكمل فطورها لي كان كورنفليكس) يلاه اجي اماما كملي فطورك و مشات جبدات زلافة و خوات كورنفليكس و كبات فوق منو الحليب و هزات زلافتها و كلسات حدا تواب كياكلو فصمت حتى دخل عليهم غالي. ميساء كيف شافتوا ناضت من بلاصتها غادا تجاه بيتها باش تجيب شكارتها حتى كيوقفها كلامو لي كان موجهو لتواب: بنتي خرجي عند الشيفور راه كيتسناك برا تواب حركات راسها بالإيجاب و ناضت هزات شكارتها لي كانت صغيورة و فيها الأميرات و توجهات عند غالي لي كان هزها و باسها و كيف حطها مشات كتجري عند ميساء عنقاتها و باستها و مشات تجاه الباب باش يوصلها الشيفور. ميساء عقدات حجبانها: علاش مغتوصلهاش نتا غالي كيطرطق عنقوا: عندي شي خدمة مبغيتش نتعطل ميساء هزات راسها بالإيجاب: امم يعني حتى انا اتوصلني السائقة غالي نطق ببرود: على نتي فين غادا بالسلامة ميساء: المدرسة غالي: مبقيتيش اتمشي ليها ميساء خرجات فيه عينيها: مفهمتش غالي قرب لعندها: مكيعجبنيش نعاود هضرتي ميساء عينيها غرغروا: واش عارف راسك شنو كتقول انا باغا نقرا غالي خنزر فيها: هدرة وحدة قلتها ميساء قربات لعندو حتى مبقا كيفصلهم والو: واش نتا حاس كيفاش كتلعب بمستقبلي كيفما بغيتي فالول جينا سكنا هنا و انا مكنتش باغا من بعد تحكمتي ليا فلبسي و معامن نهضر و تزوجتي بيا بزز مني ولكن قرايتي باش غتأديك غالي: نتي اتقراي عن بعد و هاد العام اتمشي دوزي لغيجيونال و العام الجاي نفس الحاجة و تعارضيني فشي حاجة انلصق ملتك مع الحيط ميساء عينيها عمروا دموع و رافضة طيحهم قدامو و قربات حتى لعند وجهوا و نطقات بكره: كنكرهك كنكرهك بزاااف و نهار اتجيني الفرصة انعطيك بضهري و انمشي بلا منفكر فهمتي غالي ضحك بإستفزاز و نطق ببرود: أحاسيسك معندهم حتى اهمية بالنسبة ليا و نهار اتجيك ديك الفرصة باش تمشي خاصني نكون مت اما دابا اتبقاي هناا و مكاينش المفر فهمتي ميساء طاحت دمعة من عينيها و نطقات بنبرة حزينة: حكرتيني ياك حيت معنديش بابا لي يدافع عليا ولا خويا لي يخاف عليا قلتي هادي ساهلة و غير حيط قصير ياك غالي حرك راسو بملل و دفعها و نطق بلا مبالاة: ممساليش لهاد الدراما ديالك و خرج و خلاها اطرطق بالأعصاب و غير خرج من الباب طاحت على ركابيها دموعها كيطيحوا فحال الشتاء. ميساء كتبكي بهستيرية و هي مخنوقة بالبكا: هئ هئ انا كنكرهك كنكرهك عمرني مغنسمح ليك عممممممررررررررننننننيييييي انسمممممح ليييييييييك بقات كتبكي حتا حسات بطاقتها نفدات و ناضت كتعكز طالعة لبيتها... كان كالس فالمكتب و هو كيسوط و معصب و كيحاول يلهي راسو بالخدمة باش ميفكرش. صورة المكتب.
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
تحل الباب و دخل طه مدرم و كيف دخل هز فيه غالي حجبانوا و عاود نزل راسو فالوراق و نطق بصوت شجي:خرج طه عقد حجبانوا: علاش غالي: خرج دق و عاود دخل ولا نحيدو حبو داك الباب كاع لي الحمير فحالك ايدخلو مدرمين طه مبغاش يجاوبو عرفو معصب و خاصو فين يشد تنهد و خرج و عاود دق حتى سمع صوتو باش يدخل و دخل توجه لعندو و نطق وهو عاقد حجبانوا: ساط كيقوليك الفرع لي كاين فتازة تعقدوا فيه شي عقود مزورة غالي هز فيه راسو حجبانوا معقودين: عاود عاود شكون هاد الزامل لي سخن عليه كرو طه: معرفتش مهم انمشي دابا باش نحل المشكيل و باشما كان انعلمك و خرج من المكتب عاقد حجبانو حيت بالرغم من شخصيتو المستهترة ولكن فوقت العمل كيكون جدي الى أبعد الحدود، خرج من الشركة و توجه الباركينك و ركب فطوموبيل رامبركيني اخر موديل و كسيرا عافط حتى تحكوا الروايض. بعد ساعات وصل لتازة و للحضة طرطق عنقو ملي حس بالعيا من السوقان شوية خرج عينيه و حبس الفران دغية ملي ضهرات قدامو واحد البنت ولكن فأخر لحضة وقف وهي بالخلعة طاحت على ركابيها كتنهج. نزل طه بزربة متوجه لعندها: واش نتي لاباس هزات ابتسام راسها فيه و هي عينيها عامرين دموع بالخلعة و نطقات بتلعثم: واش مكتشوفش كنتي اتقتلني طه عقد حجبانو و نطق بحدة: راك نتي لي مكلخة دايزة فالضو الخضر شنو كتسناي مثلا ابتسام ناضت بعجرفة و هي كتسوس حوايجها: كنتي اتقتلني و زايدها بتخراج لعينين واش الأخ مريض طه طلعها و نزلها: بقيتي ليا غير نتي ابتسام قلبات عينيها و نطقات بصوت عالي: متكبر طه سمعها و نطق بنفس نبرتها: عورة سمع الكلاكسون ديال الطوموبيلات لاخرين حيت حبس عليهم طريق و نطق بعصبية: وا بلاتي القلاوي مالكم و طلع لطوموبيلتو و كسيرا بسرعة حتى بقات الغبرة من وراه و ابتسام تناسات الأمر متوجهة لدار خالتها دارت بناقص من داكشي لي كانت خارجة تشري...
