مهووس ميساء ( موقفة)

Part 108

عينيه الرماديتين كيشوفو فعينيها الساحرتين بكل بحب و هيام نضرة عاشقة كتخرج غير معاها بدون مجهود يديه كيلتامسو فخيضاتها بكل جرأة معندوش الخجل فقاموسو، نزل عينيه لشعرها الفازك المنسدل فوق كتيفاتها بحرية ، كيبان كيلمع و صحي خالي من اي تقصف لونو الأشقر كيبان شبيه بخيوط الذهب، هز يديه لي كانت محطوطة فوق فخضها و دوزها على شعرها كيتحسس نعومتو، سحب خصلة من شعرها و قربها لنيفو كيشم فيها وهو مغمض عينيه كيستنشق ريحت شعرها طفولية ، عبقها الأخاذ خلا ملامحو يترخفو تدريجيا بإرتياح فحال شي مدمن خدا جرعتو اليومية من الكوكايين ، فيقو من سهوتو غير صوتها الانثوي الشتوي: غالي

غالي حل عينيه لي كيتخللوهم خيوط دموية حمراء عاطية مزيج خرافي مع لون عينيه النادر و نطق بتبات و ختورية: روحو

ميساء: يلاه نمشيو لسبيطار راه غنتعطلو

غالي قرب طابلة لي فيها الماكلة برجليه و نطق بجدية: حتى غتاكلي عاد غنمشيو

ميساء بدون معارضة حركات راسها بالإيجاب و بدا كيوكلها بيديه فحال شي بنيتة صغيرة وهي فكل مرة كتقوليه صافي شبعت و كتخيب سيفتها دليل على انها شبعات ولكن هو كيبزز عليها بقا معاها هكاك حتى سالات ماكلتها كاملة

و نطقات مميلة شفايفها بزعل: هممممم كرشي ضراتني بالماكلة

غالي كيدوز يديه على كريشتها: هادي هي الماكلة اما داك نقيب ديال الفراخ خليه عندك

ميساء كتشوف فديك صاشي لي فوق ناموسية: شنو كاين فديك صاشي

غالي يالاه تفكرها: شي حوايج ليك

ميساء: هانا نمشي نلبس باش نمشيو

طلقها و مشات كتمشى على صبيعات رجليها كيف العادة حتى وصلات لديك صاشي هزاتها كان لونها كحل و كبيييرة و وسط منها ثلاثة ديال صاشيات اخرين، جبداتهم كانو كلهم من ماركات عالمية وحدة ديال ڤيكتوريا سيكرت كانو فيها دوبياس فلون البيض و صاشي ثانية كانت ديال شانيل و كانت فيها كسيوة طويييلة و عريضة فلون الاسود سامبل ولكن انييقة و راقية ، و صاشي ثالت كانت فيه صنيديلة إغميس فلون الأسود كذلك، معطاتش اهتمام ولو صغير الماركات جاوها عاديين لأنها فالفترة ديالها كاملة وهي معاه كتلبس غير الفريع ديال الفاروعي اخر ما كاين و أغلى ما كاين

حطات داكشي فوق ناموسية و ضارت عندو كتشوف فيه و نطقات بهدوء: مغتخرجش

غالي كان كالس كلسة روجولية و كيف سمع شنو قالت عقد حجبانو بقسوة: علاش انخرج

ميساء دوزات يديها على عنقها بإحراج: بغيت نلبس

غالي هز فيها حجبانو و نطق بحدة و نبرتو فيها رشة من الإستهزاء: مسمعتش ( و كمل هضرتو بنفس الحدة) لبسي قدامي و خليني معاك مزيان اميساء هاد تبرهيش و الخرا معنديش معاه