حل الباب و دخل وكيف شافها حالا عويناتها بتاسم حتى بانو ضراسو ديال العقل و توجه لعندها بايس راسها بحنان و نطق بفرح: على سلامتك ابنتي... ميساء ببتسامة باهتة و بريئة: الله يسلمك اعمي ... دخلات الممرضة باش تقاد ليها السيروم لي كيف شافتها فايقة نطقات بإحترام: على سلامتك امدام...ميساء حركات راسها بمعنى الله يسلمك، شافت ليها السيروم و قادات شي تخربيق فالأخير نطقات كتشوف فيهم: تقدرو تخرجو عافاك خاصني نداوي الجرحة ديال المريضة ... خرجو كاملين بدون معارضة و الممرضة نطقات بلباقة: عافاك تقدري تطلعي شوية الكسوة... ميساء كانت لابسة الكسوة ديال السبيطار طلعاتها شوية و نطقات عاقدة حجبانها بألم فجسدها عامة و كرشها خاصة و نطقات بتساؤل وهي كتهدر بصوت خافت جدا من الألم: عافاك هاد الجرحة منين جاتني ... الممرضة باستغراب: نتي الالة راك جهضتي واش معرفاش... ميساء فحالا خويتي عليها سطل ديال الما بارد داتها كاملة بردات و تنملات عليها مبقاتش كتحس بلحمها و نطقات بصدمة الى الأخر: و و واش ك كنت حاملة ... الممرضة عضات شنايفها من زلة لسان لي خرجات عليها حيت كان كيحساب ليها بلي كانت عارفة راسها حاملة ... ميساء ستوعبات الأمر و فور مستوعبات جرات شعرها ناتفاه و غوتات غوتة ترددات فسبيطار كامل: اعععععععععععععع علااااااااااااش كيطراااااا لييييييا هااااااكاااااا اسيييدييييييي ربييييييي علاااااااااااش ... الممرضة كتحاول تهدنها: لالة تهدني عافاك لالة... فهاد الأثناء دخلو كل من سمية و المختار و ابتسام مفزوعين معارفين شنو طاري ولي ابتسام كيف شافت ميساء هكاك عرفات بلي خبروها بخبر اجهاضها ... نزلو دموعها سخان على خدها من حالت صاحبتها و ختها الصغيرة، مشات معنقاها بحرارة ضاماها عندها... و ميساء كتبكي و تغوت بطريقة كتقطع فالقلب جاها انهيار عصبي: انااااا بااااااش ادييييتو باااااش يدير لييييا هااااكااااا باش ا ابتسام هئ هئ انا غير بغيتو هئ هئ علااااااش قتل لييييا ولدي علااااااااااااااش ... سمية كتبكي بحرقة وهي دموعها كيطيحو بغزارة على حالة بنتها كتحس بكبدتها كتشوى حاسة بيها و حاسة بفقدان الابن ... للحضة ميساء دفعات ابتسام من عليها بقوة و زادت فالحالة لي هي فيها و الغوات لدرجة ولات كتقمش راسها و تندب و تنتف شعرها: اناااااا عمرنيييييي غنسمممممح لييييييه عمرنييييييييييي ... خرجات الممرضة كتجري تعيط الطبيب لي هو الاخر جا كيجري فيديه برا لي غفلها و ضربها ليها فعنقها لي كانت اخر نضرة ليها فعينين طبيب و نطقات بصوت سخفان تعبان قبل متفقد وعيها: عمرني غنسمح ليه ... و غمضات عينيها فاقدة وعيها الطبيب قادها فبلاصتها و غطاها و هز عينيه فسمية و المختار و ابتسام: خرجو عافاكم المريضة خاصها ترتاح و كونو اكيدين بلي من مورا متبرا خاصها تبع حصص مع طبيب نفسي ...
يتبع....
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
