مهووس ميساء ( موقفة)

part 16

دخلوا المول و ميساء عينيها كيضورو حيت كيعجبها بزاف و هي كتأمل سمعات صوت تواب نطقات بصوت صغيور: بابي هزني عيت
هزها غالي و قرب لعندوا ميساء من خصرها بتملك و هو طالق عينيه لا يلقا شي مسخوط كيشوف فيها، كيف جرها من خصرها هزات فيه عينيها و هي حنيكاتها توردو بالحشمة و نزلات عينيها و بدات كتفرك يديها بتوثر ولكن هادشي مدامش بزاف حيت طلعات عينيها و جات على واحد المحل فااخر و كلاص بالون الوردي كولو و كيبيع لكساوي و داكشي ديال البنات، غالي لاحض شرودها تجاه المحل و جرها تجاهوا، و ميساء عينيها كيلمعوا بفرحة ملحوضة.
دخلوا المحل و ميساء كتشوف فكل بلاصة بحماس و كتشوف فدوك الحوايج لي باينين غاليين ولكن واعرين و انيقين.
كيف دخلوا ستقبلاتهم واحد البنت خدامة تما و هي عينيها اياكلوا غالي و كتشوف فيه بجرءة ملحوضة، غالي لاحض هادشي و قلب عينيه بملل ، و رجع شاف فميساء لقاها مكيناش هنا ساهية فدوك الحوايج.
غالي بصوت مبحوح: ختاري لي بغيتي انا انتسناك
ميساء شافت فيه بتوثر و نطقات بنفي: لالا انا مبغيت والو غير خلينا..
قاطعها: مكنبغيش نعاود هضرتي
البنت لي خدامة تما: فاش نقدر نعاونك امدام
ميساء حولات تغاضا على هديك مدام و هضرات بصوت هادئ: الى شفت شي حاجة اتعجبني انقولها ليك شكرا
البنت حركات راسها بإحترام: انا رهن الإشارة ( و ضورات وجها تجاه غالي و هي كطلعوا و تنزلو) تفضل معايا اسيدي جلس بينما سالات الأخت ديالك
غالي خنزر فيها حتى تقادات فالوقفة و هضر بحدة: مراتي ماشي ختي
البنت حنحنات بتوثر: احم احم كنعتاذر مهم تفضل
جلس فواحد الفوطوي تما و دار رجل فوق رجل بثقة و تواب متكية على صدروا و كضور عويناتها.
عند ميساء لي كانت كتشوف هنا و لهيه و كتقلب فالحوايج حتى طاحت عينيها على واحد الكسوة حمراء طويلة و كتجي منحوتة و عندها الكول فحال الشوميز
ميساء ببتسامة واسعة: ختي عافاك (شيرات بصبعها الكسوة) بغيت هاديك
البنت حركات راسها بطاعة و مشات لمدة دقيقتين و رجعات وهي فيديها نفس الكسوة فالقياس لي غيجي لميساء.
البنت نطقات بإحترام: تفضلي امدام
توجهات معاها ميساء تجاه غرفة تبديل الملابس و مدازش بزاف حتى خرجات ميساء و هي لابسة ديك الكسوة لي جاتها لاسقة على جسمها و زوينة بزاف و مثيرة.
كيف خرجات البنت خرجات عينيها بإعجاب و نطقات وهي مبتاسمة: ماشاءالله جاتك فنة
ميساء ببتسامة خجولة: هه شكرا
البنت نطقات بهدوء: تفضلي معايا امدام يشوفك راجلك
ميساء ضورات عينيها بسرعة و نطقات بتسرع: لا هاداك ماشي ( حبسات راسها فأخر لحضة حيت الى قالت ليها ماشي راجلي معندها متقوليها كيجيني حنحنات بحرج) احم احم واخا
كيف خرجات ميساء من غرفة تبديل الملابس لمحات غالي من بعيد جالس و قداموا تواب و مرة مرة كتدوي معاه و هو داير ليها الخاطر، كيف قربات لعندوا جات ريحتها فنيفو لي يقدر يميزها بين ألاف النساء، دور وجهوا حتا تقابلوا عينيهم و طلعها و نزلها بحب و هو كيشوف ديك الكسوة و شحال جاتها زوينة، ملي تواب حسات ب باباها تحرك حتى هي تحركات و هزات راسها فميساء و نطقات بإعجاب و هي كضحك: طاتي ميساء جيتي زوينة بزاف
ميساء بتاسمات ليها بحب و توجهات لعندها و خداتها من حضن غالي و بدات كتبوس فيها: راه نتي لي فنة احبيبة
غالي سااهي فيها و فضحكتها و فتفاصيلها الصغيرة
وقف قبالتها و نطق بهدوء: جاتك زوينة بزاف
ميساء بتاسمات بخجل و نطقات بصوت رقيق انثوي: شكرا
غالي طلعها و نزلها و عقد حجبانوا و نطق بحدة: ولكن متحلميش تلبسيها فالزنقة تفوتي بيها العتبة دالباب نقطع لبنتي رجلين
ميساء جمعات ضحكتها و خنزرات فيه: ميمكنش دوز ساعة وحدة بلا متقول شي حاجة فحال هاكا
غالي زاد عقد حجبانوا: انا غير كنقوليك دابا
يلاه كانت اتدوي ميساء وهي تقاطعها ديك البنت: مدام تبغي نعاونك فشي حاجة اخرى
ميساء طلعات عينيها فغالي و هو ينطق بصوت شجي: شوفي شنو بغيتي مزال و متعطليش
ميساء مشات كطير وهي كتختار ختارت كاع داكشي لي بغات و خرجات من المحل و هي واخدة نصو و بطبيعة الحال هداك المحل كانت كل حاجة فيه باهضة الثمن و ماشي اي واحد ايلبس منوا.
خرجات و هيا فرحانة و هازا تواب و غالي هاز ليساشي ديال داكشي لي خدات ضربوا ضورة فالمول من بعد خرجوا باش يتوجهوا لشي مطعم ياكلوا فيه.
وقف بسيارتوا قدام مطعم فاخر جداا، نزل و نزلات ميساء و نزلات معاها تواب و هي شادة ليها فيديها، كيف نزلات ميساء دورات عينيها على المطعم و هي متوثرة حيت اول مرة اتجي لشي بلاصة فحال هاكا، فيقاتها من سهوتها غير يد غالي الضخمة لي شدات فيديها الصغيورة محاولة منو يخفف توثرها.
كيف دخلوا لي سيرڤور علمو مول المطعم بلي غالي كاين هنا و قاليهم يرحبوا بيه احسن ترحيب بينما نزل هو ( البنات متعمقتش كاع فخدمة غالي ولكن هو عندوا مجموعة شركات لصنع الذهب خارج المغرب و داخل المغرب و هو مشهور بزاف و عندوا مكانة فالمجتمع بحكم هو من اغنى الأغنياء و جدوا الله يرحموا حتا هو كانت عندوا مكانة كبيرة و عندوا خدمة اخرى انتعرفوا عليها مع فالأحداث و الرواية باقين فيها احداث نااار واخا غامضة بالنسبة ليكم و كاعما اتوقعوها)
مول المطعم كيف سمع غالي كاين هنا هبط كيرحب بيه بإحترام: مرحبا بيك اسي غالي (غالي حرك ليه راسو و منطق بحتى حاجة)
الشي لي سبب الإحراج لمول المطعم و خدا من عندهم الطلبية لي بغاو و نصارف بهدوء و بطبيعة الحال غالي ختار ليه و لميساء و ثواب بحكم مبغاش يحرج ميساء.
غالي هدر بصوت هادئ موجهوا لميساء لي كانت كتضحك مع تواب: مرتاحة ؟ ولا نمشيو لشي بلاصة اخرى
ميساء نفات براسها و نطقات وهي مبتاسمة: لالا بالعكس هاد البلاصة زوينة
حرك راسو بالإيجاب و هو مربع يديه و كيشوف فبنتوا و كيفاش منساجمة مع ميساء و تواب من النوع ديال الأطفال لي مكترتاحش لكاع الناس و تدوي معاهم.
تحطات الطلبية و بدا هو كياكل بلباقة و رقي بحكم من صغروا و هو مولف هاكا اما ميساء كانت كتاكل بهدوء و هي ضهرها مسرح واخا كابرة فحي شعبي ولكن راقية فشي حوايج، و كانت تواب جالسة فالجوار ديال ميساء و مرة مرة كتوكلها ميساء و كتمسح ليها فمها.
تحط الديسير و تواب محيداتش عينيها من على الديسير دميساء الشي لي لاحضاتوا ميساء و هدرات بحنان.
ميساء و أبتسامة على وجها و هي كتشوف فتواب: حبيبة بغيتي ديسير ديالي
تواب عينيها بانوا فيهم لقلوبة و حركات راسها بالإيجاب و قبل متنطق نطق غالي بحدة و هو عينيه على تيليفون: لا تواب كولي ديسير ديالك ياك نتي لي ختاريتيه
تواب ميلات فمها و هدرات بطفولة: بابا ولكن انا بغيت ديال طاطا ميساء
غالي خنزر فتواب حتى حدرات راسها : تواااب
ميساء عقدات حجبانها و دوات بإنفعالية: مالك على البنت خليني نعطيها ديسير ديالي علاش كبرتي الموضوع راه مزال صغيرة
غالي عقد حجبانوا و نطق بصوت غليض: نتي اخر مرة تدخلي فتربيتي لبنتي فهمتي
ميساء ضحكات بإستهزاء و هضرات بهدوء: واخا
التصرف ديال غالي ايجيكوم قاسي شوية على بنت صغيرة ولكن راه تواب هي لي ختارت ديسير ديالها و مع ذلك طمعات فديال ميساء و الى من صغرها تعلمات انا الناس يسمحوا فحاجتهم على قبلها فراه اتكبر بهاد العقلية و مفششة بزاف كنتمنة تكونو فهمتوني... نرجعوا
ميساء دفعات ديسير ديالها و هي كتشوف لبعيد من القمعة لي دار ليها و مرضاتش بيها اما تواب كانت كتاكل فديسير ديالها و هي كتبنن و غالي كان كيخربق فتيليفون على ود شي حاجة ديال الخدمة، ميساء كانت كضور عينيها حتى جات على واحد خونا كالس مقابل ليها و لكن غالي عاطيه بالضهر، كان مراقبها و ملي دخل و هو عينيه عليها و غير شافها شافت فيه ضربها ليها بواحد الغمزة حتى ميساء رتابكات و شافت فغالي لا يكون شافو و حدرات عينيها و هي كتفرك يديها بتوثر و هي فعز توثرها سمعات صوت تواب كيعيط ليها.
تواب ببرائة: طاتي ميساء بغيت نمشي لطواليط
ميساء شافت فغالي لي حرك ليها عينيه بمعنى سيري وقفات هي و تواب و شدات ليها فيديها كيتمشاو بشوية بحكم تواب راه طفلة صغيورة و خطاويها صغار.
هداك خونا كيف لمح ميساء وقفات تبع ليها العين و ناض وقف تبعها، فجئة ضار غالي و لقا داك خونا تابعها عقد حجبانوا و طرطق عنقوا بعصبية.
بقات ميساء كتمشى و سولات واحد البنت تما و نعتات ليها الحمام دخلات و سدات عليها الباب و دخلات تواب تقدي حاجتها من بعد قادات ليها حوايجها و غسلات ليها و خرجوا.
مع لخرجة كتلقا داك خونا واقف عند الباب ديال الحمام كيف شافتوا حولات تفاداه و سرعات خطواتها حتى سمعاتوا نطق بطريقة مستفزة: منتعرفوش على الزين
ميساء عاد مزادت زربات مشيتها ولكن هو تبعها بخطوات سريعة و جرها من دراعها لعندوا و نطق بإستفزاز: قلت ليك بغيت نتعرف عل ( باقي مكملهاش) كان غالي جرو من حوايجو و عطاه كروشي حتا طاح و الشي لي خلا ميساء تشهق و تخبي تواب مورا ضهرها لي خافت من منضر باباها و هو ولا فحال الوحش.
كيف ضربوا ضار عند ميساء و عطاها لكونطاكت ديال الطوموبيل:تسناوني فطوموبيل انا جاي
ميساء عينيها عمروا دموع و هدرات بصوت ضعيف: عافاك خلينا نمشيو
غالي بصوت عالي زعزع المطعم كامل: قلت لقحبة مك تسنايني فطوموبيل
ميساء خدات الكونطاكت و هزات تواب و خرجات كطير و هي خايفة بزاف،كيف خرجات ضار هو عند هاداك خونا لي منشور و دايخ من الضقة لي عطاه
قرب لعندوا و هزوا من حوايجوا و عاود عطاه كروشي قصح من لول و نطق بصوت عالي معصب: هادي حيت شفتي فيها اولد القحبة
هاداك خونا طاح و هو دايخ على الأخر و خايف من غالي لي كان فحال الوحش وجهو حمر و عينيه حمرين و عروق يديه باينين و حجموا تضاعف بالأعصاب و زادوا دقة اخرة: و هادي حيت دويتي معاها
و بقا كيعطيه كيعطيه حتى داك خونا ولا شرويطة بين يديه و فالأخير طلع عينيه فواحد الطابلة كانت قدامو و خدا منها فورشيط و هزها حتى السما و غرسها ليه فيديه بدون ميحن فيه: و هادي حيت قستيها
غوت هاداك خونا حتى غواتوا وصل حتى لمسامع ميساء لي كيف سمعاتوا سدات لتواب ودنيها و هي كتبكي بحرقة و خايفة بزاف.
الناس كيف شافوا هاداك المنضر بداو كيخرجوا خايفين كيترعدوا من غير هادوك لي خرجوا فاش يلاه بدا كيعصي فيه اما لي بقاو غير شي بركاكة بغاو يتفرجوا.
غالي ناض من على داك خونا لي غيب و حالتوا مبقاتش كتبشر عااع و هو كيغلي و معصب و مول المطعم كيشوف فالمطعم ديالو كيف ولا مخرب حيت غالي رونوا كامل، قبل ميخرج غالي شاف فمول الشي بنضرات مرعبة و هضر بصوت غليط: حسب الخسائر و صيفطهم لشركة
مول المطعم بانت الفرحة بعينيه حيت على الأقل مغيخسر والو من جيبوا و عيط على الإسعاف و بطبيعة الحال داك خونا مغيصور من غالي والو حيت غير غيسمعوا غالي زنيبر مغيديروا معاه والو حيت معروف شكون و عائلتوا شكون.
خرج غالي و توجه السيارة و كيف طلع بدات ميساء كتبكي بكاء هستيري و كتنطق بكلمة وحدة انا مدرت والو ،غالي تنهد و خدا من عندها تواب و حطها اللور و هي مفاهمة والو مسكينة و بدون سابق إنذار جر لعندوا ميساء معنقها تعنيقة حارة و هي كتبكي فحضنوا بهستيرية.
غالي و هو كيمسح على راسها و نطق بصوت مبحوح: علاش كتبكي دابا
ميساء و هي كتشهق و كتخرج لبكيا بزز: اهئ اهئ حيت انا مدرت والو و و خفت تضربني
غالي خرج عينيه من هضرتها و زاد ضمها لعندوا و هو معاجبوش الوضع و لي معاجبوش كثر خوفها منوا حيت الى بقات كتخاف منوا عمرها تقدر تبغيه و تتقبلوا...

يتبع....

البنات بغيت نسولكم واش نبقا نحط ليكم لي بارت هاكا طوال ولا نقسمهم ليكم لبارتات قصار أرائكم كيهموني كبيدات 💜💜🥹