مهووس ميساء ( موقفة)

part 30

كلسات الأرض مهدودة كتبكي و هي كتحس براسها محصورة و عيانة بزااف و تائهة و فكل مرة كتزرع شي مشاعر تجاهو كيجي و كيطفيهم فحال النار ملي كيتكب عليها الماء، بعد مدة من البكا ناضت كتعكز و مشات تكات فوق الناموسية و هي مكمشة فراسها و نعسات و مرة مرة كيطلعوا ليها شي شهقات خفاف دليل على بكائها لي دام لساعات.
نمشيو البلاصة اخرى و بضبط بقصر نرجس ام غالي لي كانت كالسة دايرة رجل على رجل و شادة كاس ديال القهوة و قدامها بنت غاية فالجمال ولكن باينة فيها دايرة تجميل و كانت مرة مرة كتحرك رجليها بتوثر.
نرجس: هاد الأعصاب ديالك معندهم باش ينفعوك اعطاء
عطاء زيرات على يديها و نطقات بعصبية: كيفاش بغيتيني منتعصبش اخالتي ونتي كتقولي ليا ديك البرهوشة ساكنة معاه فالدار و من الفوق خلات تواب متعلقة بيها لفعة
نرجس حطات الكاس فوق الطابلة و نطقات بجدية: هاديك البرهوشة حالها ساهل متخافيش
عطاء نطقات بحرقة: فالول جات سهام و قلبي كان كيبكي الدم و حتى من مورا ما ماتت عمروا قدر يبغيني ولا داها فيا (قربات لعندها حتى تقابلو وجوهم) خالتي تقبلي بلي غالي صعيب بزاف و الى بغا شي حاجة لا نتي لا انا انخليوه يبعد عليها
نرجس زادت قربات لوجها و نطقات بهمس: انا ماشي هي نتي و الى بغيت شي حاجة كنفذها (عطاتها بضهر و هي كتهدر) مهم طلعي لبيتك ترتاحي اتكوني عيتي بالسفر

كانو فواحد الملهى كالسين فبلاصة vip و غالي كيرشف من كاسو و هو كيخربق فتيليفونو عكس طه لي كان كضور عينيه من هنا و من لهيه و البنات اياكلوهوم بعينيهم.
طه طاحت عينيه على واحد البنت كانت كالسة حدا البار مان لابسة مقزبة و زوينة بزاف و مرة مرة كتهز عينيها تشوف فيه و تبتاسم، طه مبتاسم و هو كيدوي مع غالي: تا ضرب ليا الساط على ديك ختنا لي تما
غالي تنهد بملل: باقي مبغاوش يطلعوا ليك فكرك هاد القحاب
طه طلع فيه عينيه و نطق بطريقة لعوبة: سمحلينا اعشيري باقي ملقيناش شي وحدة تخلينا ندخلو سوق راسنا فحالك
غالي طرطق عنقو و وقف: نوض تقود نتا راك جهلتي
طه: متقولش ليا اتحرمها عليا حتى هاد المرة
غالي خنزر فيه حتى وقف وهو كيبرد معاه طه بطبعوا عكس غالي تماما هو شخصية مرحة و ضحوكي و حتا هو زوين بزاف و البنات كلهم كيتهاتفو عليه و هو فارس الاحلام ديال المراهقات حيت الكونت ديالو طالع فالإنستغرام، و  واخا شخصيتوا هو و غالي متباعدة ولكن هادشي ممنعش باش يكونو اصدقاء أوفياء لبعضياتهم.
خرجو من الملهى و كل واحد طلع فطوموبيلتو و كسيراو بجهد حتى الروايض تحكو، داخل كيتمشى بثقة و هو ساحي تماما لي شافو ميقولش راه بايت كيسكر مكيشدش فيه شراب نهائيا.
بدون ميحس رجليه خداوه لبيتها دخل و سد الباب و قرب لعندها لقاها مكمشة فراسها و مرة مرة كيطلعوا ليها شهقات خفاف، كلس على ركابيه قريب منها و هو كيبعد شعرها من على وجها و كيشبع نضروا بشوفتها، بقا على داك الحال فالأخير باس راسها بوسة طوييلة و خرج من البيت متوجه لبيتوا.
دخل البيت و نيشان توجه لحمام باش يدوش، دوش و خرج لاوي فوطة على نصو و توجه الدريسينك لبس غير شورط و من الفوق بقا عريان و مشا تلاح فوق الناموسية و كيف حط راسو نعس ديك الساعة....

يتبع...
البنات تفاعلوا ❤️