مهووس ميساء ( موقفة)

part 98

كانت كالسة فكافي حدا البحر حاطة يديها على خدها وهي كتأمل البحر و أمواجو وهي كتشوفو قريب ليها فاصلاها معاه غير زاجة شفافة و عقلها خدام كيفكر فحياتها و شنو كيتسناها من هنا القدام تايهة و افكارها مشوشين للحضة مشا بالها ل ليلة البارح و قبلتو ليها لي كيف تفكراتها عضات شنافتها السفلية بلا متحس و بتاسمات ابتسامة بالكاد كتبان مخرجها من أفكارها و سهوتها غير تيليفونها لي كيصوني جبداتو من صاك و شافت شكون كيصوني كانت ابتسام فتحات الخط و نطقات بصوتها الأنثوي: الو بسومتي

ابتسام: فينك اساطة

ماجدة كتلعب بشعرها و كتهضر فنفس الوقت: انا كالسة فواحد الكافي حدا البحر الجو غزال اجي لعندي كلسي معايا ونسيني

ابتسام: راه عيطت ليك باش ترجعي الدار راه ميساء خرجات من البيت و اخيرا و كلسات معانا شوية

ماجدة حلات عويناتها العسليين ناطقة بفرح: بصحححح واش كالسة معاكم هي دابا

ابتسام: وا اه اصاحيبة

ماجدة: اوا صافي قطعي قطعي انا غادي نجي دابا الدار نيت توحشتها بزاف

ابتسام: يلاه تلاحي

قطعات ابتسام و ماجدة رجعات تيليفون الصاك و رشفات اخر رشفة من عصيرها قبل متنوض، كانت لابسة كسيوة صيفية سميطات فالوردي و سبرديلة بيضة مع صاك بيض و طالقة شعرها الحمر القصير لي كيبان قوي و صحي ، كانت كتمشى بأنوثة وهي كتشوف غير قدامها عكس اعين شباب لي كانت متوجهة ليها هي بالخصوص، وقفات فلاكيس باش تخلص و نطقات بلباقة مع ابتسامة لطيفة: سلام عليكم

البنت لي فلاكيس بادلاتها الابتسامه: و عليكم سلام

ماجدة: ختي عافاك شحال عندي

البنت نطقات بأدب: تسنايني الالة نشوف سيرڤور لي جاب ليك لاكوموند

حركات ماجدة راسها بالإيجاب وهي كتسنى البنت و كضور عويناتها على القهوة و ناسها لي كانو قمة فالرقي و القهوة بحد ذاتها كانت كلاااااس و كيجي ليها غير شكون و شكون واخا هي ماشي من نفس الطبقة الإجتماعية ديال الناس لي تما ولكن تشهات تكلس فيها و كلسات فيها مكتبغي تحرم راسها من والو.

رجعات البنت هازا فيديها الفاتورة: سمحيلي امادموزيل تعطلت عليك

ماجدة: لالا خودي راحتك

البنت: عندك 215 درهم الالة

ماجدة حركات راسها بالإيجاب و هي دماغها كيفكر و كيحلل ف اش جابها لهاد القهوة لي على كاس ديال العصير ديال الليمون غتخلص عليه 200درهم، حلات الصاك و بدات كتقلب فبزطامها و ماحدها كتقلب ما حد دقات قلبها كيتسارعو للحضة بدات كتزير فالوتيرة ديال التقلاب و والو بزطامها مكاينش نزلات عينيها الارض كتقلب لا يكون طاح ليها ولكن والو و رجعات كتقلب فالصاك حتى ستسلمات لأمر لواقع و هزات راسها فالبنت كتحس بالخجل عموما و الإحراج خصوصا و نطقات بصوت خافت خايفة لا يسمعها شي حد: ختي الله يرحم ليك الواليدين انخلي عندك تيليفوني لاكارط ناسيونال اي حاجة بغيتي نخليها عندك انخليها عندك معنديش مشكل انمشي دغيا دغيا الدار نجيب الفلوس و نرجع بزطامي معرفتش فين هو