حلات بطلتنا عويناتها الخضرين بتثاقل شافت حداها لقات البلاصة خاوية مفيها حتى شي حد و كيف تفكرات ليلت لبارح حنيكاتها توردو بخجل و بتاسمات ابتسامة بريئة نفضات افكارها بعد مدة و ناضت كتمشى على طراف صباعها عريانة كليا هزات بينوارها من الارض و لبساتو متوجهة الحمام كيف دخلات لاحت البينوار فالارض و وقفات قدام المراية كتشوف فطبايع لي مخلا حتى بلاصة مطبعش عليها بصمة ملكيتو بتاسمات بدون متحس و دخلات تحت الرشاشة دوشات بسرعة و خرجات ملوية عليها فوطة توجهات لدريسينك لبسات دوبياس غوز و بيجامة بياسة وحدة و خرجات من البيت متوجهة الاسفل... كانت كالسة ابتسام و مكلسة حداها تواب كتحزر فيها وهي مباغاش تاكل: كولي غير هادي احبيبة عافاك ... تواب بصوت طفولي عاقدة حجبانها: مبغيتش مفياش جوع... ابتسام شافت فماجدة بقلة حيلة: سيري فيقي ميساء راه مبغاتش تاكل... ماجدة: و الى كان سي غالي... ابتسام: مكينش غير سيري... يلاه ماجدة مسحات يديها و بغات تمشي وهي تدخل ميساء مبتاسمة: كوكو دريات ... ماجدة: جابك الله ... ميساء: علاش مالكم... ابتسام: زيدي عند بنتك مبغاتش تاكل... ميساء لمحات تواب مربعة يديها بزعل و رجعات شافت فابتسام بمعنى شنو: مالها... ابتسام: معرفتش ... مشات ميساء كلسات حداها و نطقات بحنية: مال حبيبة ماماها اممم ... تواب عينيها عمرو بدموع و نطقات بصوت مخنوق: نتي مبقيتيش كتبغيني ... ميساء هزاتها حطاها فوق فخاضها و نطقات عاقدة حجبانها بتساؤل: نتي منين كتجيبي هاد الهدرة اممم ... تواب كتعبر بيديها بطفولة: مبقيتيش كتلعبي معايا و تصيبي معايا الكيك ديال الشوكولا وليتي ديما كتخليني مع طاتي ابتسام ... ابتسام شافت فيها بحصرة و غمزات ميساء باش تسايس معاها... ميساء قابلاتها معاها و نطقات وهي كتمسح ليها على خدودها: حبيبة هاد الهدرة مكيناش انا شحال عندي من بنتي (عنقتها ضماها ليها بحب) انا كنبغيك بزاااااف... تواب ببراءة: قداش ... ميساء: قد البحر و السماء... تواب ضحكات بطفولة و بدلاتها العناق و ابتسام و ماجدة واقفين كيشوفو فهاد الكمية من الكياتة مبتاسمين بلاما يشعرو.
كان سايك بيد و يد شاد بيها كارو مخرجها من سرجم مرة مرة كيكمي منو و كيبخ الدخان بطريقة روجولية، و كيف عادتو سايك بسرعة فائقة كيتسابق مع الريح ... فرانا فران السيك تسمع فالبلاصة كاملة و فنفس الوقت تسمع فران اخر لا يقل على ديالو... نزل ببنيتو الجسمانية الضخمة عاقد ححبانو بنضرتو الرجولية المهيبة لي كتخلي شوفة متقدرش تكملها فيه لابس تيشورت بيض و تجينز و سبرديلة معندوش مع الكلاس هو ... نزل هو الاخر من سيارتو السوداء مرجع شعرو لي نازل علي عينيه لور و تقدم لعندو معنقو تعنيقة رجولية و نطق بصوتو الثقيل: توحشناك الفردة غبرك زواج ... غالي خبط على ضهرو بقسوة: غبرني زبور مك ... طه ضحك حتى بانو سنيناتو البيضين المستفين و نطق بمزاح: صافي ازبي صباح هادا... غالي بدون ميجاوبو لاح الكونطاكت الكارد و طه حتى هو و كملو طريقهم كيتمشاو بثقة و مشية خطيرة... نطق غالي بصوتو المبحوح:شكون هاد خونا ... طه مدخل ايدو فجيب سروال و كيتكلم بصرامة عاقد ححبانو: بدر مشكور 30 سنة شاركتو غادا مزيان ورتها على الاب ديالو قبل ميموت و طورها حتى شدات بلاصتها فسوق و ولات كتناقس شركات كبار ... دخلو الشركة و لي داز كيوقف حاني راسو كيلقي ليهم سلام بلباقة ... غالي كان مركز مع كل كلمة كيقولها طه: عطيني الملف ... طه عض لسانو بعصبية من نسيانو الملف: معنديش... غالي خنزر فيه بحدة: كيفاش معندكش... طه: نسيتو ... غالي: يا الكيدار واش انا فينما نكلفك بشي قلوة مديرهاش مزيان واش كتاكل البزق ... طه: واصافي القلاوي راه نسينا ... يلاه بغا يجاوبو و هوما يشوفو بلي وصلو لقاعة الإجتماعات، حلو الباب و دخلو الشي لي خلا الصمت يطغى على القاعة و الموضفين يوقفو بإحترام و ترحيب من غير شخص واحد لي كان مشابك يديه فوق طابلة و كيرمق غالي بنضرة صعيب تفسرها ... غالي ضور عينيه على جميع الموضفين حتى كتجي عينيه على سعد الدين لي كالس بدون ميعير حتى شي اهتمام، ميل راسو بطريقة مخيفة و تمشى خاشي يديه فجيبو متوجه لبلاصتو لي فراس ديال الطابلة ... كلس مسرح رجليه و كلس حداه فطرف لاخر طه و دار ليهم غالي بيديه بمعنى كلسو (الموضفين) ... سعد الدين ركز فيه الشوفة و نطق بنبرة مستفزة: على مكيبان ليا اموسيو غالي مكتلتازمش بالوقت ديالك... غالي هز فيه عينيه و مضهرات على ملامحو حتى شي ردة فعل بقات اعصابو باردة و نطق مصغر عينيه: سيادتك شكون... سعد الدين زير على يديه من تحت الطابلة و فكو برز يلاه بغا يجاوبو وهو يسبقو المساعد ديالو ناقد الموقف: نقدم ليك السي بدر مشكور صاحب شركة *** ... غالي حك لحيتو و نطق بصوتو المبحوح: السي بدر المرة جايا ملي يكون الاجتماع فالشركة ديالك جي بكري ولكن اليوم فالشركة ديالي و بما اني فشركة ديالي كل واحد يدخل سوق جواه على كل حال نبداو الإجتماع ... سعد الدين صدرو كيطلع و ينزل بالأعصاب شاد راسو بزز باش ميجاوبوش و يخسر الخطة يديه بياضت بقوة ما مزير عليها ... ناضت سيكريتيرا ديال غالي عاطياه الملف ديال الشركة ديال سعد الدين لي هي فالأصل ديالو نيت ولكن بدل كلشي الهوية و سمية و كلشي ... غالي حل الملف وهو كيقلب صفحات و كيقراهم بتأني و استفزاز و بشوية عليه ملي سالا سدو و حطو قدامو مشابك يديه و نطق بجدية: السي بدر تقدر تقوليا شنو المميزات لي كاينة فشركتك و مكيناش فشركات اخرين لي تخلينا نقبلو هاد الشراكة ... سعد الدين بقا كيشوف فيه شحال: ناجحة مشهورة و غتقدر تنقدك من الإفلاس لي غادا فيه الشركة ديالك اولا ... غالي شاف ف طه و طه شاف فيه و رجع غالي مركز مع عينين سعد الدين السوداوتين و نطق بالجملة لي خلات كل من فالقاعة يحل فمو بدهشة: الشراكة مرفوضة تقدرو تخرجو سالا الاجتماع ... و ناض خارج من القاعة كيطرطق عنقو بعصبية و طه تبعو كيعيط ليه، وقف و نطق معصب: مالنا ازبي ... طه بإنفعال: واش مرضتي فكرك ولا مالك شهاد القلاوي كدير راه هاد الشراكة مهمة... غالي خنزر فيه: ديها فكرك ونتا فينما كانت شي شركة ديلمها معندها لا اصل لا فصل كتجيبها ليا قود خليني نمشي نقود فحالي ... و تخطاه كيتمشى بثقة رافع راسو مخلي طه غياكل جنابو.
خوات القاعة و بداو الموضفين كيخرجو تدريجيا من مور مكيجمعو وراقهم و الهضرة كترات واحد كيقولها الواحد من طريقة الرفض ديال مديرهم ... كان كيحرك رجليه بسرعة وجهو حمر و فكو بارز مصبر راسو بزز ضور عينيه الحمرين لقا باقين شي بنات مجمعات و هو ينطق بصراخ هستيري: خرجوووووو تقودووووو ... خرجو الموضفات كيجريو خايفين و كيف خرجو ناض جاعر ضارب الكرسي مع الحيط و هو صدرو كيطلع و ينزل ... نطق المساعد محاول انه يهدنو: سي سعد الدين تهدن ... سعد الدين شير عليه بكاس كون مخواش عليه كون جاه فراس و نطق بحدة: خرج قود تا نتا ... خرج المساعد مخلوع بقا سعد الدين بوحدو كيفرك عنقو بهستيرية و نطق بفحيح: غتندم على هادشي كامل.....
يتبع ❤️❤️❤️
VOUS LISEZ
مهووس ميساء ( موقفة)
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
