جنون نوح💓مكتملة💓

💓الجزء 1💓

جزء 1:
.... غادي تمشيو وتسافرو معيا للشمال او بالاحرى لإقليم شيفشاوان نواحي كثامة وما ادرراكا ما كثمة وبظبط غمارة و فيلاج باب برد فواحد المنطقة غير شوفة فيها تفتح ليك نفس جاو قراوي مئة بالمئة وبظبط في فصل الربيع الاراضي عامرة بربيع و وارد خوبيز هد الوارد معروف تما فاالمنطقة بعض المنازل على قد الحال تقريبا كلهم عندهم سقف ديال زينك ديال(القزدير ) حدا واحدة من دوك ديور بنت صغيرة فعمرها تيك 5سنين بنت زعرة وشعرها طويل تقريبا فطولتها شعرها اشقر و مضفور وملوي عليه خرقة بيضاء دايرة بحال الجباد حتى لتحت كايديروها ناس المنطقة لولدهم برحاش شعرهم يطوال طفلة صغيرة سبحان من صورها عينيها زرقين وكبار دايرين بحال شي بحاار سبحان من خلقها وجها ابيض ومدوار بحال القمر حنيكاتها حومر ومع فصل الربيع وشتاء تشققو ليها شوية بالبرد وحتى شفايفها بحال توت وتشققو بالبرد لابسة زيف في الازراق على راسها وعلى تيك ضفيرة لي واخا زيف كاتبان تحتو .. ولبسة كيطما ف زراق لي على ماكيبان ماشي ديال البنات ديال دراري ولبسة بوط كحل جالسة تحت شجرة زيتون وكتلعب بتراب صاقية ديال الماء هوادة حدها وهيا كاتهز الماء فطاس ديال دانون د سبع و تكب على ترب وتفزكو وتلعب بيه دارت طويجن صغيور بيديها صغيورين لي ولاو حلتهم مشققين بالبرد و واخا سمرقلي ديال البرد مزالة كتلعب وفرحنة وماحساش بالبرد وماحساش ب بزاف ديال الحوايج ومنهم عينين ديب كا يشوف فيها من بعيد كا يقول مع راسو ملي غدي تكبر غدي تكون وردة وزينت البنات غادي تكون زوينة وعاد ما غدي تزيد تزيان ملي تكمل المافاتن ديالها غادي تكون تحت جناحي و ففراشي...
كتلعب وماحساتش غير على صوت كا يناديها...
الجدة ..الماس المااااااس والماااس
...الماس بصوت حنين ورقيوق وكيبروش
الماس: اه شنو اعزيزة انا هنايا
الجدة... الله ابنتي فاين نتي شحال وانا نقلب عليك(شافت حوايجها مسخين وحالتهم حالة بتراب والغيس) اجي د تغدا اجي االماس اليوما المرا دحبيبك تخرج منك سمن على تيك الحوايج غير زيد
الماس.... واش اعزيزة ما شوفتينيشي انا غير هنا تحت شجرة د زيتون كنلعب ما مشيت فاين والله واصلا حبيبو كان واقف غير رافيناتي كايشوف عليا

الجدة.. شدتها من يديها وخداتها لواحد تيو دالماء هاابط من ماء جبال لي حدااهم جبال تيزيرااان معروف بالعلو ديالو فكثامة .... هزت ليها يديها بين يدين الجدة لي يديها تكمشات بتمارة ديال العام او الاعوام وسنين لي دوزاتهم في هد القرية صغيرة دايرة قنضورة في الاحمر وفيها وريدات بيوض ولابسة منديل لي معروفين بيه ناس شمال منديل احمر وفيها خطوط بيضاء وتحت المنديل لبسة حزاام كبير وعريض في الاسواد وفيه خطوط بيضاء كايتشد على وصط المراء القراوية لي عاندو ضور كبير من انه يحمي ليهم الخصر ديالهم من الهرس او يعواج حيتاش كا يحطبو سطيح(سطيح هو الحطب ) باش يحميو بيه في الفرنة(الفرنة هيا الفران دالخبز غير هو مصنوع بالتراب وكبير يهز الماس وانا وخمسة مني 🙂)
ودايرة تقشر طوال فرجليها تقريبا حتى لركبة ولونهم مشعشع فالاخضر ودايرة صباط ديال البلاستيك ف الاكحل وهد صباط معروف عند القراوين من الوجه ديالها يبان ليك بلي مراءة بشوشة وضريفة وكيف كا يقولو كايمشي زين ويبقى حروفو عينيها خضرين فحال لون الغابة وعندها وشام فجبهتها ووشام ديال ناس شمال ديال هادي شحال وعندها حتى في لحيتها و فضهر يديها بزوج نفس الوشام واخا مراءة كبيرة مزالة شادة في راسها ومحزمة ومرزنة ... شدت يدين الماس غسلتهم وغسلات ليها وجهاها لي توسخ بتراب والغيس ومسحات ليها حوايجها وحيدات ليها البوط لي لبسه وهزاتها في يديها بحال الكمشة وباستها من راسها وزادت وقفت حدا بابا دار لي مصبوغة باالازراق مغلوق شوية فباب دار كاينين سطايل ديال الغرس و المحابق مزينين الباب وحتى تيك النابتة لي كا تطلق جدورها وكاتبقى طالعة وهيا كاتلوى في الحيوط وسراجم دارهم ما مبنياش بتراب مبنية بلاجور وسيمة ومصبغوة بالازراق والابيض من الفوق بالابيض ومن التحت محزمة بالازرق ومسقفة بالزينك/