جنون نوح💓مكتملة💓

💓الجزء 15💓

جزء 15:

شدات في الماس وخرجاتها برا دار الحاج وحتى الحاجة فاطمة معهم لقاو الحاج جالس داخل طنوبيلتو وشيفور هو لي غا يوصلهم الرباط
الماس : مقدراتش تحيد من حضن جداتها شدات عليها بيديها وسنانها كا تبكي وتشهق
الحاجة : هئ الله يرضي هئ هئ عليك ابنتي هئ
الماس: هئ هئ لا هئ امشي هئ معيا هئ اعزيزا
الحاجة : هئ هئ غير تهدن الامور هئ ونرغب الحاج يديني عندك
الماس : شافت فيها بعاينيها الكبار وقالت... هئ يرحم يماك اعزيزة ما تنسانيشي هئ هئ
الحاجة : وانا نقدار ننسى الكبدة ديالي
خداتها الحاجة بزز جيهت طنوبيل وجلساتها للور اما الحاج كلس حدا شيفور إحتراما ليها
الحاجة غير شدات عليها باب طنوبيل وتحرك شيفور
وهيا تبدا ب البكي ودموع وشهيق امين لي كان كا يساينهم برا صور دار شاف الماس كا تبكي وتشهق و راكبة فطنوبيل لي دازت وخرجات حداه مشى من وراهم كا يجري وما لحقهمش ومشى دخل ولقى جداتو طايحة في الارض كا تبكي و فاطمة كا تصبرها
امين : مخنزر... فين مشات الماس
الحاجة : واااااهئ وبنتي فرطت فيها هئ هئ درت كولشي لمصلحتها انا ما معياش لا امن ولا مأمن هئ هئ ياربي حفظها ليا ياربي
امين : دموع تحجرو ليه فعاينيه وقال... فين هيا اعزيزة فاين واش رسلتيها للخيرية هئ هضر
الحاجة : ما نيش حمقة نصيفط بنتي للخيرية هئ هئ
بقات تبكي وتغاوت وعودات اش دارت ولعند من صايفطاتها
امين: واش درتي اعزيزة اش عملتي تقتي فراجل غريب ورسلتيلو بنتك واش يحزاب ليك هاديك الكورة كل مرة ولفين كا تركلوها
الحاجة : انا عرفة مصلحتها وتينا ما كتعرفش سيد
حولات الحاجة تشرح الامين لي جن جنونو من تصرف لي دارت جداتو كع ما تشورات معه ولا دارت ليه إعتبار
الحاجة داقو بيها الحيوط ما بغاتش يوقع لحفيدتها نفس لي وقع لبنتها صيفطاتها عند رااجل غريب عليها ودارتها فيد الله ويا ربحة يا دبحة...

....... عند نوح...
نوح: هز سوارت والكونطاك و البيبي ديال طيارة وخرج ما هز لا باليزة لا والو
شد طريق للمطار مسافة ديال طريق وصل وشد طيارة ديالو.... إتجه المغرب...

....... عند الماس....
طريق كلها وهيا حالة عاينيها ما جها لا نعاس لا والو كا تفكر في ليام فين وصلاتها وهد المستقبل المجهول لي غادي يكون تحت جناح ولد النصراني كيفاش غا تقدر تعيش بعيدة على كثامة كيفاش غا تقدار تعيش بعيدة على عزيزها وعلى اميمة وقبر ميمتها شامة خرجو من كثامة في 2 دليل وما وصلو لتيطوان حتى 8 دصباح
شدو طيارة خاصة من تيطوان لرباط لي ساعة كانو في مطار بني ملال نفس ساعة لي وصلو هما كان نوح وصل للمطار ديال بني ملال... و واقف بوقفة رجولية حدا طنوبيلتو المرسيدس لي جابها ليه شيفور من دار ميمتو ومشى
تقريبا نص ساعة ملي وصل وهو كا واقف بار المطار كا يستنى فيهم وقتاش يجيو حتى طلع ليه الدم و ولا غير كا يغزز في شفايفو
شوية وهو يرمي عاينيه للمخرج ديال المطار
شاف الحاج جاي بقى مركز عاينيه غير فيه بالغدايد بغى غير فوقاش يوصل عاندو ويبرد فيه غداي دالكدبة لي كدب عليه وهو كا يشوف شاف واحد الكثلة من الجمال جاي من ورا الحاج ومخشية في بعضياتها وكا تزرب في مشيتها برحاش تلحق الحاج راسها حانيه للأرض ركز عاينيه فيها ما فاتينها بااارزة طايتها هيا هاديك كبرات بزاف
نوح : ما حيدش عاينيه من عليها بلعكس عوط وقفتو وفرشح رجليه شوية وخشى يديه فجيابو حتى لواحد دقيقة طلعت عاينيها وجاو عاينيها في عاينيه كبرات بزااف سبحان من خلقها ولات فاااكهة نااضجة وقاابلة للقطف عاينيه ملي شافو عاينيها ما قدرش يبعد عاينيه من عاينيها جمال وسحر طابيعي نفس البراءة نفس الشوفات نفس المشية غير هد المرة
حاس بيها كبرات على عمرها حس بيها عندها هموم الدنيا فوق راسها غير من وقفتها ومن عاينيها وتاعبير وجهها تحس بلي هزا جبل فوق كتافها والخوف والهربة باينة من عاينيها الزورق الكبار
الماس: غير جات عاينيها في عاينيه عرفاتو غير من شوفة للولة ما تبدلش حادو كتافو عراضو و تكضر وتجبر كا تحس بهيبتو غير بشوفة في عاينيه ما قدراتش تكمل شوفة فيه دغيا حنات عاينيه الارض و رجعات من ورا ضهر الحاج حتى ما بقاتش كا تبان ليه
نوح: غير شافها كيفاش دارت وهو يدير ضحكة إستهزاء وشاف في الحاج وعقد 11 في جبهتو
نوح: عام ديال طريق
الحاج:( بفرحة) سبع ديالنا .... بغى يعنق نو
إستهزاء وشاف في الحاج وعقد 11 في جبهتو
نوح: عام ديال طريق
الحاج:( بفرحة) سبع ديالنا .... بغى يعنق نوح وهو يقفو نوح بيديه وقال
نوح: ـالضحك الباسل تيفسخ البيع الحاج
الحاج: شاف فيه بتوتر وقال... ياك ماكين باس اولدي
نوح: شاف فيه وقرب ليه حتى لوجهو ودوى بين سنانو وقال...قد ماتكبر العين الحاجب فوقها والكدوب مكاين لاش
الحاج: هنا تفكر الكدبة لي كدب عليه ومشات من بالو بلي هو بنفسو هضر مع الحاجة يعني اكيد عودات ليه كولشي
الحاج: بتوتر عرف راسو قفرها بالبيان مع نوح
الحاج: اااشوف غير بقات فيا البنت وبغيت نعاونها
نوح : غا تعونها ب الكدوب اشريف
الحاج : انا نويت الخير وربي شاهد
نوح: غير بالنقطة تيحمل الواد وحسن ليك وليا تبدل ساعة اخرا
الحاج : ولكن
نوح : غير خنزر فيه وتخطى الحاج ومشافش في الماس لي سمعات كلامهم وعد مازادت تخلعات منو وشدات عاينيها ب الخلعة وتواتر وما حسات على راسها غير يديها بين يد راجل حرشة وكلها خشونة ويديه سخونة
نوح... حدو شد ليها في يديها صغيرة وجرها من وراه إتجه سيارتو...