جنون نوح💓مكتملة💓

💓الجزء 36💓

جزء 36:

🍒عند الماس واميمة🍒
الماس : دايرة يديها على قلبها ... اوووف
اميمة : مخرجة عااينيها...😳😳داكشي كاامل درتوه ويحزاب ليه غاا كيحلم 🙄
الماس : شاافت فيها... ك كان مريط(مريض) على داكشي ما عقلشي
اميمة : بسفاالة... اححح نكون انا والله حتى نعض باباه باش يتوكض معيا......
الماس :👀👀

براا دار الحاجة....🍒🍒🍒
كان بلال وعمران ومعهم الحااج العااقيل لي عرض ليه نووح ايجي. زوج كاطكاطات فيهم زوج عجولة صلات على رسول الله وطنوبيلة عمران عاامرة ب الفاليزات لونهم ابيض ديال العريسات ومزوقين بلال وعمران توجهو لطنوبيلتو كاايهزو جهز الماس الفاليزاات وشلى كراطن مزوقين وصيكان عاامرين هزو كولشي ودخلهم الدااخل ديال الدار هما كايدخلو والحاجة وامينة ورحيمو كايشدو من عليهم ويدخلو لدااخل ديال بيت الحاجة بقاو غير حالين فمهم إمتا جاب نووح هاادشي
غير دااخلو حوايجهم وهيا توقف طنوبيلة واحدة اخرا فيها دااكشي ديال صبغة ديال الحناء من طيفور وشمع الكبار والورد والفراش وطاابلة كبيرة ديال البوفي كولشي عوتااني خرجو الدراري لي جاو يصوبو داكشي و عمران وبلال لي حصلو وهزو كولشي لدااخل الدار ولي كاايدخلوها كايعوطوها دوك الرجال لي صايفطهم نووح ..
الحاجة : خرجات براا الباب هيا ورحيمو و امينة وشاافو العجول ...
رحيمو : شاافت هكا وهكدا وهيا تشوف نااس الدوار كاايطلو من ديورهم شي على سطح شي ف الارض بااغين يشوفو
رحيمو : شداات البندير والحاجة طعريجة و وقفو حدا الفحولة لي غير وقفو هما وهيا توقف الكطكاط ديال الغيااطة والمعلمية(الطقطوقة الجبلية )
رحيمو : غير شاافتهم وهيا تزغرت.... يووووويوووووووويووووووويووووووويوووووويووووويوووووووواا
الحاجة : كااتسمع لنااس الدواار....هايدك ارحيمو هاايدك....
رحيمو: بقات تزغرت وهيا تهز البندير وطلقات حلقها كااتغااني لي دراري بلال وعمران خرجو و حتى اميمة سمحات ف الماس فبيت جداتها كااطل عليهم غا من شااقة ديال سرجم
رحيموو : هزاات البندير كااضرب فيه وتغااني.... اااااااااموووتو وااااااموتو ياااالي دواااو فيا
الحاجة : كاترد من وراها وضرب فطعريجة....ااااارميتوووني ف العواااافي وربي فجاااااهااا عليا
رحيمو : ااااامووتو ااااامووتو ااااامووتو يااالي دواو فيا
الحاجة : أناااا عندي ربي وعزززيزااا حنينية فياااااا
رحيموووو : امووووتو ااااااموووتو ياااالي دوااااو فياااا
الحاجة : كااضرب ف الطعريجة وتغااني وصوتها وصل عند نااس الدوار لي عرفااتهم كااتمعني عليهم.... اااارميتوووني ف العوااافي وربي فجاااهااا علياااا
رحيمووو : ختماتها بتزغريتاا لي روعااات الدواار وكولشي عرااف بلي عرس المااس اليوووم اما وااحد رحمة فااهديك داارهم قريبة لداار الحاجة واقفة على سطح وكااطل وقالبها غاايطرطق....
غير سلات الحاجة ورحيمو من الغنى الغاايطة طلقو ليك حلقهم ب الطقطوقة الجباالية لي داارها ليهم الحاااج كااضو وهو لي جاابهم اما نوح ما عندوش مع صداااع....
دااروو الطقطوقة الجبلية على أنغااام زين جبل ....
عمران لي وااقف برا الدار هو وبلال لي كاايهز نصو بااغي ينوض يشطح غااكيحشم....
عمران : كاايشوف ف اميمة لي لابسة بيجامة ديال البرد هيا وسروالها طويلة وشااال على رااسها وكاتفرج بيديها وتشووف الغاايطاا وااقفين هيا وامينة ورحيمو وكاايشوفو ف الحاجة لي كااتشطح والفرحة غااطير من عااينيها وكاتقول ف نفسها سير ياااولدي يااانوح فااقصتي ليا العديان وحمارتي ليا وجهي ....
عمران : بقى كا يكحز شوية بشوية غادي برجليه جيهت اميمة ودااير بالو مع بلال لا يقشعو ويجي وراه...