جنون نوح💓مكتملة💓

💓الجزء 155💓

جزء 155:

امينة: بيني وبينك عبرتي عليه
الماس: شاافت ف امينة... هنننهئ ب بغيت نشوفو
امينة: طبطبات ليها على ضهارها.... على قبل صحتو صبري ابنتي صبري ندعيو الله يتحسن بزربة باش غدا نشوفوه
الماس: هزات راسها بواخا وهيا وجهها حمررر بالبكا وعاينيها منفوخين وحمرين من الداخل ومن براا ولاو عاينيها مشوين بالحمورة والتعب والارهااق و جوووع النعمة من البارح ف العصر ماطاحت فكرشها ودابا الليل طااح وهوماا مزالين هكاك وبكثرة الهم والغم والحزن على محبوب قلبها مابقاتش حااسة بجووع ولا بشيحاجة اخرى من غير باغة تطمئن عليه وتشوفو ويرتااح قلبها من جهتو.. وما غادي ترتاح حتى تشوفو قدمها بخير وعلى خير ...
....
امينة: شدات فيد الماس وزادو خارجين غير خرجو من طواليط لقاو عمران وبلال غادين ف الكلوار طالعين للطباق الثالث لفين حاولو نووح للغرفة ديال العناية المركزة...
امينة: بإستغراب... فين غادين
عمران: شد فيد ميمتو لي شدة فيد الماس... طلعو نوح الفوق
الماس: بخوف...هنن ل لفاااين
عمران: نقلوه للغرفة عاادية للعناية المركزة
.... زادو طلعوو الفوق غاايلحقوو على نووح غير طلعوو لقوهم دخلووه للغرفة ديالو جلسو تما كلهم على الفوطوي وهوما كايحمدو الله على رحمتو وعلى نوح لي ربي حفظو...
عمران: بقااا جالس وكايشوف ف ميمتو والماس حالتهم حالة مزالين بحوايج النعااس وخصوصا الماس البيجامة مزيرة عليها شوية واخا طويلة فصلتها باينة اما رجليها ولاو حمرين من التحت كثر من ماهوما حمرين نهار كلو وهيا كاتتمشى بالحاافي تفكر رااسو منين كان كايهزها بين يديه وهو يبقا يضور فعاينيه كايقول فنفسو يسيق ليا نوح الخباار يقطع ليا يديا منين خلقووو... بقاااو هكاك جالسين حتى شاافو الحاج العاقيل وامين جايبين فيديهم شي بلاستيكات بيضين
عمران: ناض وقرب عند الحاج... عمي العاقيل فين كنتي
الحاج العاقيل : شاف ف عمران... مشيت جبت ليكم ماتاكلو
عمران: مسح على وجهو بتعب... نسيت المكلى ومايجي منها نيست روااح لي معايا ومخاليهم بجووع والله الحاج يااااليوم عقلي كان غايخرج
الحاج: ضرب ليه على كتفوو... يكون خير اهم حاجة تعتقو روح بنعمة سيدي ربي(شاف جهت الماس ) مرات خوك خصها تعتق روحها وروح اش فكرشها
عمران: يحفظك الحاج...
توجه الحاج جهت امينة والماس وفتح دوك البلاستيكات كان عاندو فيهم البتيبان وشي تويشيات....وامين كان هز القهوة لكولشي الى الماس جايب ليها حليب سخون...
امينة: شاافت ف الحاج كايمد ليها داكشي... والله الحاج ماعندو منين يدوز
عمران: سمع ميمتو اش قال وقرب عندها... الواليدة كولي شيحاجة ماتبقايش بجوعك الله يهديك ماتنسايش راسك رااه عندك القلب مابغينا توقع ليك شيحاجة
امين: جبد واحد الباكية ديال الدواء من جيبو... ها الدواء ديالك اخالتي امينة عرفتك غااتكوني ماشربتيهش(حك رقبتو بإحراج) صونيت على ختي اميمة هيا لي صورت لي الدواء دياك وصرداتولي باش جبتو ليك اما انا مابقيتشي عااقل كيفاش عامل وشني سميتو
امينة: شدت الدواء من عند امين وشكراتو... الله يرضي عليك اولدي شكرا....
مسكين امين واخا ماشي ميمتو الى وهز ليها الهم وتفكرها بلي كاتشرب الدواء دالقلب وجاابو ليها قالبو حنين وضريف وماكينش منو زووج...
امينة: شدات داكشي من على الحااج وهزات منو بتيبانة و الحليب وضارت عند الماس... هااكي ابنتي كولي شيحاجة
الماس: حطات راسها على كتف امينة... هننن ماخصنيشي
عمران: شاف ف الماس... وااش بغيتيه اختي ملي ينوض ويسولني عليك واش تهليتي ليا فمراتي اش نقوول ليه اختي الماس واش بغيتيه يزيد يهرس داك راس فيا
الماس: طلعات عوينتها فيه... و ولكن ما ماخصنيشي
عمران: مسح على للحيتو... نتيا ماباغاش ولكن داكشي لي فكرشك بااغي
الماس: شاافت فيه بقلة حيلة وضاارت هزات من على اسية بتيبان وحليب مافيها لي تجبد صدااع ل عمران مع نووح صاافي ملات من المشكل لي ديما كايطيح فيهم عمران وكاتكون هياا سبابو مسكين...
كلاو شيحاجة وعتقو اروااحهم كلاو لي قسم الله واخا مافيهم لي يااكول غير نقبو وصاافي...
.....
وهوما هكاك حتى دواا الحاج...
الحاج العاقيل : ولدي عمران انا عندي شي صحااب هنا ف تيطوان غانمشي نبات معاهم الى ماكان عندكم فين تنعسو تقدرو تتيسرو معايا
عمران: شااف ف امينة لي هزات راسها ب لا غير بريط ونعتات ليه ل الماس بعاينيها زعمة بلى مانقول ليك الى مشينا ومشات معنا الماس وسااق نووح الخبار اش غايوقع... حك رقبتو بإحراج وشااف ف الحاج... ههه لهلى يخاطيك الحاج خيرك ساابق ولكن حنى هنا فين غنبااتو ماكين لاش نعدبوك ونحشموك مع الناس
الحاج : الله يودي غير نوض نتيسرو ماكين علاش نتحشمو(شاف ف الماس) ومرات خوك مريضة وهنتا كاتشوف حالتها من الاحسان تاخودها ترتاح
بلال: بسرعة تدخل حيت عارف لي كاين وهو فكر فهاد البلان... لا الحاج رااه دويت مع الناس ديال الكلينيك وعطاونا غرف ف الكلينيك فين نعسو
الحاج: وزعمة بغااو ليكم
بلال: حط يديه على جيبو... رااه حكيت جيبي الحاج ههه كاينة شيحاجة بلى فلوس
الحاج العاقيل : ... لا ماكينش هه ضروري ماتسبق الفلوس فهاد الوقت (نااض وااقف ) وهيا نخاليكم وغدا إن شاء الله غايصبح صبح وانا عندكم
امينة: هزات راسها بشكر : شكرا الحااج خيرك مايتنساش
الحاج : ناض غاادي بحالو... مابينتناش نوح بحال ولدي والله يجيب شفاء
عمران: امين...
.....
خرج الحاج غاادي يقضي لليلتو مع احد من المعارف ديالو والشي لاخور بقاو تماا..
عمران: شاف ف بلال... فين غانعسو
بلال: شااف فواحد الغرفة حدا ديال نوح... لهيه غاتنعس مرات عاامي امينة والماس و(شير ليه لواحد الباب بعيدة شوية)... ولهيه غاانعسو اناا ويااك وامين
عمران: شااف ف امينة والماس... سيرو ترتاحو اميمتي
امينة: هزات راسها بواخا... واخا
الماس: عااينيها غا ف الغرفة لي فيها نوح كاتقول مع راسها ها هو قدامي مافرقين غير ب باب وماقدش نمشي عااندو قلبها كايبكي من الداخل مسكينة ماكرهاتش تكون معااه وفجنبو... يالله وقفات وشدات فيد امينة وهيا تشوف واحد الفرملية دااخلة للشنمبر لي فيها نوح شاافت فيها اش لابسة كاانت لابسة عليها سروال اخضر والفوقي ديالو فنفس اللون ودرعها عريانين حوايجها مزيرين عليها بجهد ومقزبة وطالقة شعرها كحل وقصير حد رقبتها مالمحها سمراء وزوينة كانت نفس الفرملية لي كاانت مع نوح منين كان كا يدير العملية وكانت كااتشوف فيه بإعجاب...
غير وقفات دخلة عند نوح وهو يوقفها عمران بسؤالو
عمران : بخوف... ش شنو واقع اختي يااك لباس
الفرملية : دارت وشافت ف عمران... لا لبااس غير غاانشوف المريض(شافت فبلال وامين ورجعات شافت فعمران) شنو كايجيك المريض
عمران: انا خوه وهادي الام ديالنا وهادي(نعت ليها ل الماس لي جمعة شفيفتها بطفولية ومخنزرة فيها) وهادي مراتو
الممرضة : قلبات عاينيها وشاافت ف الماس طلعتها وهبطتها بعاينيها وبقات شحال كاتشوف فكريشتها المنفوخة بواحد النظرة فشكل وطلعات عاينيها ف الماس وطلعات حاجبها فيها وقلبات ادراجها دااخلة للغرفة لي فيها نوح وهيا كاتتعوج فالمشية مخالية كولشي كايشوف فيها بإستغراب من هاديك شوفة لي دارتها ف الماس...