جنون نوح💓مكتملة💓

💓الجزء 133💓

جزء 133:

غير خرج من بيتهم زااد هاابط التحت كفما كايقرب التحت كايزيد يسمع الغوات وصداع والهارج الدنيا تقلبات ب الغوات وحتى نبيح توسكا ماعرفش اش جاا ليه لبالو من غير دااني لي يكون تهجم عليهم ولا شيحد بااغي فيه شيحاجة بسرعة هبط كايجري فدروج وماكيشوف من ورااه حد شدها جرية واحدة حتى لتحت غير وصل وهو يشوف توسكا لي نااوي يعض امين من تبو بسرعة مشاا ليه كاايجري وغير هبط فمو على تب امين وهو يجرو حتى جر سروال ديال امين بسنانو غير جرو نوح بعدو من على امين وهو غير شاف نوح بدا كايلهث بكل جهدو وباغي يتفك من نوح ويرجع ل امين ونوح شدو من سمطة ديال عنقو وبقاا كايمسح ليه على ضهرو وراسو بيديه ويهاادنو ويشووف نوح ف امين لا يكون مقيوص شاافو غير هابط ليه سروال حتى لركابيه وبقا غا ببكسر ابيض وداكشي واقف وهو سخفاان نوح خنزر ف عمران لي كايشوفو فتوسكا مخلوعين
نوح: خرج عااينيه ف عمران... سترررو
عمران: بسرعة حيد تجاكيط ديالو وحطها على خصر امين والحاجة هبطات عند امين كاتفيقو مسكين سخف والدم هرب ليه من وجهو والحاجة غااتحماق بالبكاء والكحل سااحو ليها ولات كاتخلاع ههه
نوح: شد توسكا لي مزال كايشوف ف امين وينبح ونوح عاارف توسكا ماايقرش ليه الى ماكانش دار ليه شيحاجة وخصوصا كايشوفو ديما ماعندوش مع بلال وعمران غير يشوفهم يبغي ياكلهم ولكن دابا مع امين عرف بلي هو لي جبدو نوح بقاا يحك ليه من رااسو وتوسكا عااينيه ولاو حمرين ونبيحو كايخلاع كولشي مخلوع منو
توسكا : جوع غاايقتلو مسكين وهاد الحلاقم خرجو عليه اليوم طلعو ليه فراسو ماكرهش ياكلهم دغمة ومع نوح كايحك ليه ب الغديد مااحس برااسو غااا شد يد نوح بين سناانو لي نوح خطفها من بين سنانو بزربة وشااف فيديه لقاه غرس نيابو فيها حتى الدم خرج ليه من يديه
نوح: جر توسكا من السمطة ديال عنقو بجهد مغدد حتى جاا وجه توسكا مع وجه نوح لي شد فم توسكا بقبضة يديه وزير ليه على فكو بيديه قريب يهرسو ليه وتوسكا بااغي يتفك منو وهو قارم عليه مجنن نوح خرج فيه عااينيه وقال بين سنانو... الكلب توجع وبغى يعض سيدو
توسكا : بقا كايشوف ف نوح ويعرنن بصوت كاايخلاع حتى جرو نوح من قرفادتو خاارج بيه ومع نوح الدم سخون فيه يديه ولات كاتشرشر بالدميات وكولشي كايشوف فيديه وحتى حد ماهضر بقاو غااكيشوفو اش وقع دابا غير خرجو نوح من الدار خدااه دريكت للدار ديالو لي حتى هيا صوبها ليه لي كانت كثر من هاديك لي فرباط غير خرجو من دار خداه للجردة بعيد على لابسين غير قربو لدار ديالو وهو يطلق ليه ودفعو جهت دارو وتوسكا يشوف فيه ويهرنن ونوح مخزز فيه ديال بصح بقا شوف فيا نشوف فيك ونظرات التاحدي باينين فعيون توسكا لي كايشوف فنوح مخنزر حتى لواحد اللقطة وهو يهز توسكا راسو ل البالكو ديال بيت نوح لي الماس خرجات ليه كاتشوف فيه بعوينتها وضحكة كبيرة على فمها وتوسكا غير شااف الماس سكت من تعرنين وبقا يشوف ف البالكو ويخرج لساانو كايلهث ف هاد الاسبوع لي كان غابر نوح الماس كامت مدوزاه غير مع توسكا نوح بقا كايشوف فيه كيفاش تهدن وكيفاش وقف على رجليه ومقلش ودنيه و كايشوف ضار نوح براسو وهو يشوفو كايشوف ف الماس لي واقفة ف البالكو وهزة راسها الفوق كاتشوف ف النجوم ومحيدة الفولار وطالقة شعرها لي ريح كايديه ويجيبو ومع هاديك جليلبة لي مزالة عليها وجات على فصالتها كاتبان طابيعية بحال شي قالب سكر واقف ف البالكو نوح كايشوف فيها بعيون نايمين اما توسكا فاريوقو سالو عليها
نوح: بقا متبعها بعاينيه مع الضواو مطفين من جهتهم هما ماكيبانوش ل الماس عكسها هيا لي كاتبان لنوح وتوسكا مزين حيت الضوء ديال البالكو مشعول بقا غاارق فيها وفشعرها طويل لي كايديه ريح ويجيبو تقريبا شي 5دقايق وهوما هكاك عاينيهم فبلاصة واحدة بزوجهم ف الماس حتى شافوها قلبات ادراجها وزادت دخلات للبيت خلاتهم غا كيرمشو وبالخصوص نوح اما توسكا غير شاافها دخلات شااف جهت نوح وهو يعرنن بصوت هاادئ
نوح: ضاار وشااف فيه عرف بلي عادة حليمة لي عادتها القديمة بقا شوف فيا نشوف فيك اطجين الحوت حتى مااحس توسكاا غاابنوح تحنى جهتو وشدو من ودنيه وبعد رااسو بجهد وضربو برووس حتى سمع نوح سنان توسكا تضربو بعضياتهم و بقاا توسكا غااكيهرنن بصوت خاافت ويهز رجليه باغي يداافع على رااسو وهو مفشول شدو نوح من سمطة ديال عنقو وقربو عااندو بجهد وقال بفحيح... الكلب حبيب مولاه الى نتا عدو مولاك اولد الكلبة