جنون نوح💓مكتملة💓

💓الجزء 53💓

جزء 53:

امينة : قربات عند الحاجة كاتسلم عليها وترحب بيها كادير صواب....اهلا الحاجة مرحبا بيك كيف بقيتي وكيف خاليتي اميمة ورحيمو
الحاجة : بدلتها سلام وهيا قالبها مزير... الحمد لله ابنتي وتينا كيف عااملة و وليدلتك كيف دايرين
امينة: الحمد لله الحاجة نحمدوه ونشكروه(شافت ليها فوجهها فضربة لي عندها ) ياك لباس الحاجة فوجهك
الحاجة : شافت فيها... لا والو ابنتي غير طيحت تينا عارفة الشوف نقص لي
امينة : وبقى ترد بالك الحاجة ما عدناش منك بزااف

الحاجة : الله يرضي عليك ابنتي... الحاجة بقات كاضور عاينيها فدار... فايني واحد بنتي الماس كع ما بانت لي
امينة : بتوتر...راه فبيتيها ناعسة
الحاجة : شافت ف امينة بإستغراب... ف بيت انا بنتي ما كتنعسشي فهد الوقت واش مريضة
امينة : فركات يديها بالحشمة منها ما عرفات ما تقول... وصراحة صبحات مريضة هد صباح بسخنة...
غير كملات كلمها وهيا تنوض الحاجة واقفة
الحاجة : الله على الحشيشة دقلبي شني عندا ديني نشوف بنتي ا امينة
امينة : وشوية دابا نشربو اتاي وتردي نفس هاديك ساعة نطلعو نشوفوها راه يالله كنت معها عطيتها كلات شوية وخاليتها ترتاح
الحاجة : حركات راسها بلا وهيا مخلوعة عليها... ما يحلالي لا نعااس ولا جلاس ولا نفس الى ما شوفتشي بنتي زيد الله يرحم يماك وريلي بنتي فايناهيا
امينة : مالقات ما تقول ليها من غير حشمانة منها بزااف.. واخا يالله
زادت امينة طالعة فدروج وشدات ف الحاجة لي بزز كاتخلف لي مسخسخة وداك داني قتلها ب الخلعة وبدفيع وتجنضيخ لي دار ليها...

امينة : طالعة مع الحاجة وهيا كاتقول مع بالها غا الله يستر ملي تشوف بنتها كيف رجعات مسكينة لهلى يركبك على الحاجة...
طلعو الفوق وخداتها امينة لبيت نوح
الحاجة: غير وقفو حدا الباب ما صبراتش فتحات الباب بسرعة ودخلات وهيا تفتح فمها...
الماس: لي ولات شوية بداك الدوش من بعد الليلة ديال العداب مع سخانة ونهار كلو دابا عد حسات براسها شوية كلات شوية من المكلى لي جابت ليها امينة غا تعتق روحها ناضت من فراشها باغة توقف ف البالكو بحالة مزال عندها الامل وخا سمعات كلام عمران بلي ماجيش دابا ما بغاتش دخل تيك الفكرة الراسها وقفات حدا البالكو وكاطل من ورا الزاج لا يدخل وماتشوفوش حتى لواحد اللحظة سمعات باب البيت تفتح بجهد وهيا ضور راسها وفتحت عاينيها زرقين بجهد منين شافت جداتها...
الماس: ع عزيزااا
الحاجة : لسانها تبنج كاتشوف شكون هادي واش هادي بنتها الماس واش هادي الحشيشة دقالبها هد صورة لي شافت فيها الماس فكراتها فبنتها شامة ملي كان تعدا عليها داك الوحش كيف ولات حتى دابا الماس ولات تقريبا بحالها...
الماس: خلفت برجليها جهت عزيزاها بشوية غير وصلت عندها وهيا تعنقها بجهد وخشات راسها ف عنق جداتها كيف كانت كادير شحال هادي ملي كانت كاضربها رحمة ولا كاتكون غاضبانة من شيحد كان حضن واحد عندها هو جداتها مصدر الحنان ديال الماس...
الماس: كاتبكي وتشهق بحالة كان خاصها هد الحضن ... هئ هئ ت تواحشتلك