جنون نوح💓مكتملة💓

💓الجزء 135💓

جزء 135:

نوح: حيد الماس من على صدرو بشوية وسرح ليها راسها على المخدة لي غير حط ليها راسها على الوسدة بقات كاتجبد فراسها وتنخشش ف المخدة بقا كايشوف فيها وبضبط مركز نظارو فشفيفتها بقا شحال كايشوف فشفايفها وبلى مايحس خرج لسانو كايفزك شفايفو وهو عااينيه نايمين فشفيفتها واخا غا البارح منين باسهم ولكن مايشبعش منهم نهائيا بقا كايشوف فيهم شحال يالله بغاا يتحنى عليهم وهيا تجي لراسو طين وهبط عااينيه على المعلم لي على سبة لي الا حتى مشا وقرب ليها ماغينوضش من هنا نهائيا وخصوصا العافية شعالة فيه من جهتها وهاد الاسبوع كان كايتمنى غا يستحلم و والو ماستحلمش نااض بسرعة من سرير وماعودش شااف فيها غير وقف شاف جهت البالكو الشميسة والمنظر يا سلام ماعودش فكر زوج مرة حتى كان دخل لدريسنك هز كاسكيطة لقها تما دارها على راسو وخرج هكاك من البيت غا بشورط كحل وصدرو عاارين وبالخصوص بااقي بكري قال ماغيكون حد كولشي غايكون نااعس حيت مهلوكين مع طريق غير خرج من البيت سد الباب من وراه وهبط ديريكت التحت غير هبط وهو يسمع الصوت ديال امينة واسية والحاجة ورحيمو وعائشة من الكوزينة ماوقفش زاد هيا هاديك خرج من الباب ديال جردة لي جات قدام صالون الرومي لي المسبح كايبان منو ولكن بعيد شوية غير خرج زاد نيشان لداك المسبح ومافكرش زوج مراة حتى كان تلاح فيه منبعد ما حيد الكاسكيط من راسو ولاحها ف الارض غير تلاح فيه هبط حتى للقاع ديالو ماكيبانش فيه نهائيا حتى عااود طلع دقة واحدة ضرب فيه سالطو واحد صاافي وسباح حتى للحافة وطلع عااينيه للبالكو ديال بيتو وبقاا كايشوف فيه ويمسح على شعرو وهو كايسوط ماعودش بقاا ف لابسين بسرعة خرج منو وهو كايسوط كان باغي يبرد على راسو اش غااتبرد اخويا اش مسح على وجهو وزاد داخل للڤيلة تااني وهو كايقطر غير دخل جاا فميمتو نيشان وف الحاجة لي اول مرة تشوف نوح هكا بقات غااكتشوف فيه
امينة: شافت ف الحاجة لا تكون حشمات لقتها كاتشوف فنوح بعاينيها ورجعات شافت فنوح لي قرب عند ميمتو وباس ليها راسها... الله يرضي عليك اولدي
نوح: امين... قرب للحاجة وباس ليها راسها وزاد طالع حتى وقفتو بكلامها
الحاجة: شاافت ليه فدراعو العراض لي فيهم الوشام وحتى فيديه بقات غاكتشوف فيه حتى ضار طالع بحالو وهيا تشوف ليه فضهرو وقالت... شعندك ابني على هاد الحالة داير بحال الحيط المنقوش
امينة: خرجات عاينيها فيها هيا ميمتو لي نهار جبدات ليه هاد الموضوع نقا ليها ودينتها وقال ليها بيني وبين لي خلاقني ماسوق حد فيا وخصوصا الحاجة لي ماعندوش مع كلامها دابا باغة حتى هيا تولي تفهم عليه
نوح: غير سمعها اش قالت عض شفايفو وضار جهتها وشاف فيها وطلع حااجبو وقال بصوت مبحوح... نعم الحاجة
الحاجة: كاتسارة بعاينيها على دوك الوشام لي فدراعو... كون تحشم ما توشم ابني
نوح: شاف فيها نيشان...عايبة وتعيب وحالتها تشيب
الحاجة: خرجات عااينيها فيه وهو غير قال كلامو زاد طالع الفوق مخالي الحاجة كاتبرقق فعاينيها ورجعات شاافت ف امينة وقالت...نارو على منقارو