جنون نوح💓مكتملة💓

💓الجزء 13💓

جزء 13:

عدنان : شاف فيه بإستفزاز وقال ... بنت الحرام راه عندي فداري علاش نمشي نشوف الق*اب فجيه اخور
امين : جمع بوكس بغى يداخلو ليه لوجهو وهو يغفلو عدنان وعطه بروسة حتى جى امين مليوح في الارض
عدنان : سير قلب ارويجل فاين تتمرجل
امين : ناض وهو كا يمسح نيفو من دم وضحك ضحكة إستهزاء وشاف في عدنان بإستحقار وقال....والله يولد الكلب الماس ما غاتشوفها غير في احلامك
عدنان : حس ب امين كا يستفزو مشى ليه وشادو من الكيو ديال قاميجتو وطلعو مع الحيط وغزز سنانو وقال ...
والله ياطواسلك حتى نا خودها بزز عليك وعلى موك والله ياولدك حتى نديرها تحتي ونخاليها تغاوت من حارو والله بالله ياحتى نخالي زمن شامة يرجع وهد المرة في بنتها
غير قال ل امين هكدا وهو يطلق ليه ومشى كايزرب فين الله واعلام
امين غير طلق ليه دخل عندهم لقهم سترو الماس ب واحد الملطى مشى عند الماس لي غير قرب ليها وهيا تشهق وتخشات في جداتها لي ضماتها عندها
امين : اشش ما تخافيش صافي مشى وما غيعاودش يرجع
شاف في جداتو وقال
امين : نوضي نمشيو عند الجدارمية
الحاجة: نهز بنتي بسناني ومانمشيش عند الجدارمية تكرفصو عليا ملي كانت عامتك شامة وحتى دابا غا يتكرفصو عليا
امين : حتى دحش محامي غايكدبنا ولا يدير شي لعبة
الحاجة : شافت في الماس مزين وبقات شحال كا تشوف فيها وقالت
الحاجة : اميمة شبعي من صحبتك وختك ابنتي واخا الشوف ما كيبرد الجوف شبع منها
اميمة : بإستغراب... علاش كا تقولي هيدا شني كاين
الحاجة: اش غايكون اكثر من هيدا الحشيشة دقلبي كنت قريبة نترزا فيها شني كثر من هيدا شني الله يعطيه مصيبة انا ساخطة عليه دنيا واخير
اميمة : انا خوفانة على الماس اعزيزة تينا شوفتيه حلف فيها المسخوط من شحال وهو دايرها في بالو
امين : خاصك تسمع شنو قال لي انا عزيزة ما ناويش الخير هدا ماشي شيطان لعب ليه بعقلو هدا هو بنفسو الشيطان

الماس: مسكينة غير مخشية فحضن عزيزها وكا تسمع بودنيها ودموعها على خدها عاينيها رجعو حمرين ب البكى اما عنقها لي كا يضرها وعاطيها صداع مغزز عاندو بسنانو دار ليها بحال الكلب كل عضة دمها ساايل منها
الحاجة: صافي فاض الكاس وانا غا نعرف شني نعمل وإن شاء لله بنت بنتي نهزها بسناني ومانخاليهاشي للكلب
امين واميمة ما عرفوهاش شنو قصدت الحاجة زوهرة بكلمها
...... الحاجة مسكينة مراءة بشوشة ودريوشة وما ضناتش ولادها الرجال يخرجو ولاد الحرام وقلوبهم حجر
الحاجة : شافت بعيد وقالت : - بوه يشبه بوه واللهم ـ لعوين مع النصارى ولا لكلاس خسارة نوض ا امين بغيتك توصلني لواحد البلاصة ( شافت في اميمة وباست راس الماس وقالت ) يرحم يماك. ابنتي ادا عندك شي جليلبة ولا كسيوة نلبسها ليها غير حتى نقضيو الغراض ونرجعها ليك
اميمة : حاشة اعزيزة انا والماس ما بيناتناش عاندي واحدة كا تجيني واسعة شوية انا نجيبها ليها غير تديها
الحاجة : يكثر خيرك
مشات اميمة لدارهم وجابت واحد جبلة عادية ومعها بليغة وفولار بحالها
جابتهم ولبساتهم ل الماس لي غير كا تشوف في عاينيها وما سولاتش جداتها لا فين غادين ولا شيحاجة حدها لبسات بسكات ودموعها على خدها ومرة مرة كا طلع ليها شهقة
امين دخل عليهم
امين : انا عيطت لولد خالتي جاب طنوبيلتو و راه كايستنا برا دار
الحاجة شدت فيد الماس ونيضاتها وقالت
كع لي غا نديرو لمصلحتك انا ماشي قد ماسؤليتك ( الحاجة كا تقوي راسها باش ما تبكيش )
اميمة سلمي ابنتي على صاحبتك وختك
اميمة : عارفة الحاجة ناوية على شيحاجة وحاسة براسها بحالة كا تقول ليها ودعيها قربات لالماس وضماتها عندها بجهد وبقات تبكي..... اما الماس كا تحس براسها سخفانة وما قدراش تستوعب حتى حاجة من غير كلام عدنان وحلفو فيها كا يتعاود ليها فودنيها
شدات الحاجة الماس من يديها وخرجو نحو المجهول وفين الله وعلم.....