جنون نوح💓مكتملة💓

💓الجزء 161💓

جزء 161:

الماس: قربات جهتو و وقفات حداه كاتلبس ليه ف الفوقي بزربة غير لبساات ليه حوايجو توجهت جهت سبرديلتو هزتها بين يديها ولبستها ليه فرجليه وشدات ليه سيور سبرديلة...
غير سلات توجهت جهت حوايجها ديال البارح جمعات شعرها قدام عااينيه وهزات جلبتها داخلة لطواليط قدام عااينيه
نوح: شافها داخلة وماهضرش مخاليها معها هيا هاديك غير دخلات قال غير بشوية وبينو وبين رااسو وبصوت خاافت...مامزيانش لي يدير لمك الخااطر الى ماخاليت بووك تمسديه اجي دفلي عليا ...
.....
.....
.....
الماس : بحال داك الكنس الكماوني الى ماحكيتيهش مايعطيش ريحة شخصيتها هادئة وباش تزيد الحاجة من راسها وديرها لا ضاروري ماخص الواحد يقول ليها ها اش ديري وهاأش ماديريش ونوح حاليا حافظ شخصيتها وطبعها وعرفها الى ما خرجش عاينيه فيها ولا ما بززش عليها الحاجة ماديرهاش على داكشي ماكيلومهاش على تصروفتها إنما كايحطها قدم الامر الواقع يااديريها يااديريها ياديريها وماعندهاش إختياار ثااني...وحتى نااويها فيها وكايستنى غير يصح وعلم مها العيفاان ويوري اصل مها كيفاش غتصبني...
وهو هكاك حتى شااف امينة داخلة من الباب و هزة فيديها الفطور... عمران جااب الفطور ومشاا يجمع ليك لوراق ديال خروجك من سبيطار وحتى غاايخلص الكلينيك
نوح: هز راسو بواخا
امينة: توجهت جهتو وحطات داك الفطور على هاديك طبلة ديال روايض لي كايكونو ف الكلينيكات صوبات كولشي عليها وغير الفطور لي كايفتح النفس النوح ماعندوش مع زوااق كايبغي المسمن الحرشة زيت زيتون المهم بااغي يغمس واخا يكون كايموت مايكولش مكلات سبيطار... غير حطات داكشي وطلعات عااينيها فيه عااد نتبهت ليه جاالس وهيا تخرج عاينيها فيه
امينة: ااااويلي علاش جلستي
نوح: حرك راسو بشوية يمين شمال... راني مزين
امينة: الله يهديك اولدي ماتلعبش بصحتك
نوح: شااف فيها... لن يصيبنا الى ماكتبها الله لناا اميمتي
امينة: شاافت فيه وقالت بقلة حيلة... اش غانقول ليك من غير الله يهديك والله يشووف من حال هااد راس القااصح لي عندك
نوح: امين
امينة: بقات كاتحرك راسها بالله يستر من هااد الخليقة لي عطها ليا الله وبقات سااكتة مسكينة غايخرج ليها العقل بهاد القصويحة ديال رااس من صغرو وهو هكا ومزال هكا وباينة فيه غاايموت هكداا..
وهوما هكاك حتى شاافو الماس خارجة من الدوش لابسة جلبتها وشالها وكاتشهد بواحد صبع منبعد ماخرجات من الحمام
امينة: اجي ابنتي تفطري
الماس: حشمانة من راسها البارح ماصلاتش وحتى نهار لي قبل منو.. عقلها كان غاايب مع نوح.. شاافت ف امينة وقالت بشوية... ح حتى نصلي صبح اخالتو
امينة: هزات راسها بواخا... واخا صلي وحنى انستناوك
الماس : توجهت جهت صاك ديال نوح وجبدات منو واحد تريكو مزال جديد طلقاتو على طولو قبلت القبلة من بعد مانعتت ليها امينة فين جاات وبدات صلاتها وكاتطلب الله يسمح ليها على هاد اليومين لي ضيعتهم ديال صالة...
.....
بقااو كايستنوها تسالي صلاتها على خاطرها وهوما متبعينها بعاينيهم ونوح كذالك حتى هضرات امينة
امينة: كاتشوف ف الماس لي مع كريشتها مابقاتش تقد تتحنى على الارض... مسكينة الكريشة تقلتها وهيا مزالة غير ف6شهور اما من هناا فوق علم الله حالتها كيف غااتولي مع الحمالة باينة غاتكرش ليها
نوح: كايشوف ف الماس بصح بززز كاتقد تسجد وتركع رجع شاف ف ميمتو وقال ليها ... ماجاش الله غير هكاك ودار ليكم الجنة تحت رجليكم اميمتي
امينة: شافت فيه ... والله يسمح لينا من الوالدين
نوح:هز يد ميمتو لي جالسة حداه وباسها ليها... امين الحنانة
.....
غير سالت صلاتها جمعات تريكو نوح ورجعاتو ليه لصاكو لبسات صبطها وتوجهت جهت نوح وامينة وجلسات قدام نوح حدا نصو وقبالتو وامينة جالسة معاه نيشان وطابلة بينتهم...
امينة: حطات كاس الحليب حدا الماس ... فطري ابنتي
الماس: شدات يد امينة وباستها ليها... شكرا اخالتي
امينة: حتى هيا باسة يد المااس وضحكات... ههه نتي بنتي ماشي مرات ولدي
الماس: بقات كاتشوف فيها... ماكرهاتش تقول ليها نتي ماما ولكن ماقداتش هاديك الكلمة باش تقولها لشيحد اخور من غير شاامة لي شاافت الويل باش ولدتها ماقداتش تقولها حيت بصح مكااان الام ماكاينش لي يعاوضو الام كاتبقا الام والعكوزة كاتبقى العكوزة ولكن مع ذالك ماتنكرش لقاات ف امينة لي مالقاتوش فمرات خالها عبد رزاق ولي مالقاتوش فبزاف ديال نساء عرفتهم فطفولتها...بقات سااكتة فقط بتاسمت ليها وهيا كفما تتفكر داني و واش دار ليها وشعر شاامة لي لاحو عليها كايطيح عليها الضيم بزز مصبرة راسها وكاتحاول تقاوي راسها ونفسها باش ماتبكيش وماتفكرش فداك الموضوع من الاساس...
نوح: كان متبعها بعاينيه عرفها عقلها غااب وكاتفكر وخصوصا منين شاف وجهها كيفاش تبدل منين قالت ليها امينة هكاك عرفها تفكرات شاامة وماشي بعيد يكون رجع تفكيرها لداك نهاار... كايعرفها من عاينيها الى كانت ماشي هيا هاديك او مشوشها شي موضوع ولا حافظها كثر من نفسوو...