جنون نوح💓مكتملة💓

💓الجزء 29💓

جزء 29:

الماس : بسرعة وبتوتر... ااا ادا كنتي ما تقدرش تجي نجيب ليك لهنا لبيتك تااكول ...
نوح: شد على راسو لي تقيل عليه شوية... تت انا جااي...
الماس : و واخا
خرجات الماس هيا وتوسكا لي مخشي ف الماس ملي كاتسهى كاتنسى بلي توسكا قدامها كا تجي فيه كاتكون قريبة طيح على سنانها....
خرجات جلسات هيا مع طابلة وحطات الحريرة ليه وليها وعطات حتى لتوسكا منها

.... نوح لي بزز نااض وهو كاايتحلف على توسكاا لي كاايجيه كاايتعاند معه مشى هز سروالو من الارض لي كان لابس وجبد تليفونو لي هاادي منين جا من ربااط ما شعلو شعل تليفون وغير شعلو وهما يجيو شلى مسجات وليزاابيل من عند عمران وامينة و خوان وحتى دااني وحتى من الشاركة
نوح: حط يديه كاايمسح على راسو... بففف... خدم نمرة ديال عمران وصونا عليه....
غير شوية حتى كان جااوب ف البلاصة
عمران : بزربة وبخوف...خ خويا كيف نتا لباس والماس بخير
نوح: بخير بخير
عمران : خويا صوتك مااشي هو هداك وااش مريض
نوح: حط يديه كاايحك لحيتو... غير عااين شوية احم و الواليدة

احم و الواليدة
عمران : الله يشاافك اخويا اش غاا نقول ليك الواليدة من نهار لي مشيتي ودمعتها على خدها و كاتلوم راسها على الماس كاتقول انا سباب لي وصلتها لهد الحالة وحتى ندماات بزااف على كلامها ليك...
نوح : بإستهزاء...باينة فيك فسرتي ليها كولشي...
عمران : ولا وجهو حمر... احم هيا بقات كااتسولني وانا عااودت ليها كولشي وكيفاش شديتي داك طريق ...
نوح: غزز شفايفو... كان خاصها تسمع مني انا مااشي منك نتا
عمران : فقدات اعصابها اخويا نتا عارف ماشي ساهلة عليها...
نوح: حك عااينيه بتعب.ٌ.. مزين
عمران : شااف فميمتو لي حداه وكاتقول ليه دوز ليا نوح نهضر معه... خويا الواليدة باغى تهضر معاك
نوح: غزز شفايفو بالاعصاب... لا احم مااشي دابا انا دابا بغيتك فشيحاجة اخرا
عمران : شاف فميمتو وقال ليها منبعد ما بغاش يقول ليها ماباغيش يهضر معاك... نعم اخويا اش حب الخاطر
نوح: غدا صبااح غاانصيفط ليك الموقع ديالي واجي نتا والواليدة
عمران : خرج عااينيه وشاف فميمتو لي غير سمعات اش قال عمران فرحات ... نمشيو عندك 😳😳
نوح: اه
عمران : بفرحة... ههه واخا خويا
نوح: غدا العشية تكون عااندي غاادي نتلقاك ف الفيلاج ...
عمران : شاف في بلال لي كاايقول ليه ديوني معااكم... احم نووح🙄
نوح: عقد حجبانو... اش كاين
عمران : واش نجيب بلال معيا
نوح: سط بملل...ضاروري
عمران : بفرحة واخا خويا ههه
نوح:.غانسيفط ليك واحد العنوان ملي تكون جااي دوز ليه وجيب من عندهم واحد الكومونض وماتفتحهاش
عمران : واخا خويا
نوح غير قطع عليه داز خاارج من البيت...
شوية حتى خرج نوح وهو عااينيه فطبلة وريحت الحريرة لي دخلات مع جيوب نيفو ...
نوح: شااف فتوسكا لي كايشوف فيه وهو يقول نوح بين سنانو وهو مخزز فتوسكا لي جالس حدا رجلين الماس... ولد الكلباا
نوح : توجه لطابلة وجلس على كورسيه وشد المعلقة بين يديه وشاف ف الماس لي حانية عااينيها ومااكاتشوفش فيه... كولي
الماس : شاافت فيه.. ك كاناكول...
هزو معلقات وباشرو ب الاكل
وهدا ما كيدوي مع هدا غير صوت الخشب لي كاتاكلو العافية و صوت لحيس توسكا لي كاا يلحس ف الحريرة بلساانو ويشوف ف الماس...
الماس : فنفسها... نقول ولا ما نقولشي بفف... زيرات على عاانيها بجهد وحطات المعلقة من يديها لي نوح كان كاايشوف فيها وعاارف بااغى تقول شيحاجة...
نوح: قولي اش عندك