جنون نوح💓مكتملة💓

💓الجزء 162💓

جزء 162:

نوح: غير قال كلامو طلق ليه من شعرو وزاد غاادي بحالو منبعد ماخشا يديه ف الكيطمة اما هاداك هكاك بقاا ماتحركش غير صوت انفاسو وانينيو لي كايتسمع ماكدبش امين منين قال وجهو كي وجه الحلوة ههه...
.....
تبعووه دراري لي بلال توجه لطنوبيلتو ومعااه امين اما عمران مشا مع نووح...
نوح: ركب ف القدام حدا عمران لي غاايصوك دار سمطة وشااف ف المراية ديال اللوطو ف الماس وامينة لي دايرين سمطة وكايشوفو فيهم... مرتاحين
امينة: شاافت فيه ودارت يديها على حنكها بشكل مضحك... هاااويلي نتا لي واش بخير فين مشيتي ونتا مريض
نوح: حيد عاينيه من ميمتو وشاف ف الماس وقال بطنز...خلصت طبيب
امينة: شاافت ف عمران... اوااعدي واش قبايلة ماخلصتيشي اطبيب ولا شني
عمران: خدم الكونطاك وزاد خاارج من الكلينيك وهو كايضحك على ميمتو... هههه وايلي اميمتي شتك وليتي تهضري بحال نااس شمال هههه
امينة : هههه ومن عشر قوما اربعين يوما اصبح منهم ههه
عمران: هههه والله ماكدبتي فهاادي الواليدة ههه انا قريب نولي بحال اميمة
نوح: شااف ف عمران... حالت توسكا كيف غادية
عمران: شاف فيه... قال ليا طوني ولا مزين منين جاا امين وبلال هناا هو مشاا عند توسكا وقال ليا غير يولي شوية غايجيبو ويجي
نوح: هز يديه كايحك على دقنو وكايقول فبالو يجي علاش مايجيش...
نوح: رجع راسو على الكوسان وبقاا ساكت هز عااينيه ف الماس كاايشوف فيها من المراية ديال اللوطو لقها حتى هيا رجعات راسها على الكوسان ومغمضة عاينيها باينة غايشد فيها نعس
نوح: بقا هكاك متبعها ماحيدش عااينيه من المراية غير مرة مرة كايشوف فطريق ويعاود يرجع يشوف فيها...
.....
....
عمران وبلال غادين من ورا بعضياتهم سرعة هيا هاديك ماغدينش بسرعة كبيرة غادين بسرعة محدودة وعادية...
.....نوح: ضرب وجندخ فياسير وماهزاتو من جيهتو حتى شعرة حيت هما لي كايقلبو عليه هو ماكيجبد حد وما كيأدي حتى حد هما لي كايجبدوه...
طريق كلها وهو سااهي مرة سااهي فيها مرة سااهي ف داكشي لي نااوي يدير ولي ماناويش يأجلو حتى يرد صااحتو فأقرب فورصة غايفدي دقتو وهاد المرة غاتكون دقة نهاااية بنسبة لقصتو مع داني ياايفكوه بالموت يا فكوها بالحبس ولي جاات مرحبا بيها...
......
......
دازت2 ساعات ديال طريق زوج سااعات وهوما جاين من تيطوان لبابرد وهادشي غير حيتاش كانو جاين بسرعة منخفظة مااشي كثيرة... غير وصلو نباب برد دخل عمران من طريق لي كاتدي للڤيلة ديالهم مسااافة ديال طريق غير شي 5دقايق حتى كان قدام الڤيلة لي فتح ليهم العساس الباب ودخل نيشان للدار غير دخل وقف اللوطو غير وقف عمران وهو يشوف نوح جهت الباب لقى الحاجة واسية ومهدي واميمة وغفران والحاج عبد السلام والسي حمد والسي سعيد وعائشة وحتى رحيمو غير سمعو اش وقع سمحو فشغالهم وفأرضهم وجااو عندهم مساكن كولشي كاين فداار وكايستنا فنوح يجي...
نوح : نزل من اللوطو وحدو وتوجه جهت الماس وفتح ليها الباب اما امينة فتح ليها عمران... نزلات الماس لي غير دخلو نباب برد فيقتها امينة قبل مايوصلو لدار...
نوح: غير نزلات من اللوطو شد ليها فيديها بين يديه وزاد متوجه جهت هادوك لي كايشوفو فيه كيف جااي قول ماشي هو نفس شخص لي هادي 3كان طايح ف الارض وكلو دمايات بقاو غير كايشوفو فيه
نوح: غير قرب جهتهم وهيا تجي الحاجة عااندو لي بدون سابق إنذار تخشات فحضن نوح وعنقاتو عندها
الحاجة: كانت مسكينة غاتحماق هاد الايمات ماحيلتها لنوح لي بقاا فيها وقلبها كايتقطع عليه ماحيلتها ل الماس لي بغات تتسطى عليها بالبكاء حيت بنت بنتها وعارفة طبعها وعارفها غايكون مابقاش فيها وكانت خايفة عليها بزااف ومسكينة ماحيلتها لداك الوحش ديال داني لي مابغاش ييتفك منهم ويعطيهم تيسااع.. ضورات يديها على خاصرو معنقااه لي هو طلق من يد الماس وبدلها العناق وباس ليها فوق راسها... هئ داارك بقاات خاوية بلى بيك الحبيب
نوح: عااود باس ليها على راسها وبعدها من حضنوو وشااف فيها... بوجودك معمرة الحاجة هاني صحيح فصيح...