جنون نوح💓مكتملة💓

💓الجزء 14💓

جزء 14:

غير لبس وهو يهز تليفونو لقى عدات اتصالات و مكالمات وخصوصا من خوه عمران والام ديالو وخوان وحتى الحاج العاقيل خدم رقم خوه وتاصل بيه
عمران: ااخويا لباس بخير
نوح : بالمغربية وبصاوت رجولي لي مزاد غير خشونة ... وي بخير ونتا والواليدة
عمران.. بخير اخويا كولشي مزين
نوح... كيف غادي فشاركة
عمران... بفاضلك عليا كولشي غادي مزين
نوح... كون غير راجل
عمران.. احم رااجل اخويا راااجل
نوح : حك على جبهتو بصبعو ...سيدي بسيادو ونتا بخوك
عمران: لهلى يخاطيك عليا احم(بإرتباك) ااا
نوح: دوي
عمران : الواليدة كاتسول فوقاش جاي
نوح: مزال شي اسبوع ونكون عاندكم
عمران:( بإرتباك وهو كا يغزز ضفارو) اسبوع اسبوع ولا...!!
نوح: جمع حجبانو وعنقش... مال طواسلك دوي مقاد
عمران: احم غير لاحزاب دابا نتا اخويا كا تقول ليا غانجي غدا كا تصداق جاي هاديك ساعة ولا كا تقول ليا جاي سبت اا وكا تجي جمعة ولا الخميس ياعني ديما ساابق كلامك 🙂
نوح : لاتعمل شاي لاتخاف شاي
عمران: خرج عاينيه... لا والله ما كيف يحزاب ليك راه كبرت ودرت عاقلي والله😶
نوح: بتساؤل وبطنز... دوينا بزاف لا
عمران: طريق سلامة اخويا

قطع نوح مع المفرواح ديال عمران وخدم رقم ميمتو واتصل بيها دوا معها وطمنها عليه راه شهر ما هضر معها
شاف رقم خوان لي متاصل شحال من مرة نشالله غا يحط تليفون وهو يصوني فيديه شاف رقم كان الحاج العاقيل
نوح: شاف بعيد بغموض ... تواحشنا كثامة
وهو يقطع عليه

يالله بغى يحطو وهو يعاود الاتصال
نوح: ساط... بففف الو
الحاج : ولدي نوح هدا
نوح : بطنز... يمكن هو
الحاج: هههههه مزال نتينا هو نتينا
نوح: سد عاينيه بسخط وقال... نتا الحاج انتا( نوح ما كيحملش شي حد يقول ليه تينا بشمالية كا تجيه فشكل )
الحاج : وغير نسيت فاين غاابر ما كاتساقسي( ما كاتسول) فينا موالو
نوح: غا مشغول
الحاج : واحد الواليد لباس
نوح : بخير
الحاج: وتواحشنه موقتاش ما طلع لكثامة
نوح : بسخط... الحاج واش مصوني عليا تسولني على خوان عاندك تليفونو
الحاج : بإرتباك... لا لا شيحاجة اخرة
نوح : دخل ف الموضوع
الحاج:(بإرتباك ) شي ناس جاو عاندي
نوح: اممم
الحاج: بغاوك تعاونهم
نوح: عطيهم من عندك شحال ما بغاو وانا نصيفط ليك فلوسك
الحاج : لا لا ما بغاوش الفلوس
نوح : حك راسو بعصبية وقال.... الحاج جيني كود اش باغين
الحاج : احم بغاوك نتا تعاونهم وراك كا تعرفهم احم نقولو كا تعرفهم
نوح: بإستفهام... شكون هادو واش بغاو
الحاج : الحاجة الزوهرة جات عاندي فهد الليل ( البنات فارق الساعة بين إسبانيا والمغرب الحاج عاندهم الليل ونوح الصباح)
بغاتك تعاونها
نوح : شكون هادي
الحاج : واش نسيتها
نوح: بسخط وعصابية ما حسش براسو اش اايقول ... ولقلا ( كع ما كملها) بففف اسغفر الله الحاج( ضغط على سنانيه وقال) دخل ليا نيشان فالموضوع نيشان
الحاج : ااا و واش عقلتي على البنت ستيتوة لي كنتي لقيتيها ملي كنتي هنا ف كثامة