جنون نوح💓مكتملة💓

💓الجزء 38💓

جزء 38:

وقرب للحاجة باس ليها راسها وحتى لميمتو

وخرج عند الحاج لي جالس فبيت الضياف كاايستنه هو وشي رجال
اميمة : قبل ماتجي الحاجة تستفسر من الماس حتى كانت اميمة شدات الماس هبطات ليها رداء على وجهها وخرجاتها ثاني بصلات وسلام غير خرجاتها طلقو الموسيقى ونقاشة بدات تنقش ليها يديها لي بغاتها تكون عاامرة ماشي نقش خفيف...

اميمة : خدمات ليك الموسيقى وحزمات ونااضت تتكوز ليك بطرمتها....
نااضت اميمة تشطح وكع لي فداك وسط الدار نااض يشطح كاينين بنات غاايموتو بالحسد من المااس وكاانين بنات فرحو ليها كل وااحد وكيفاش
الماس كاتنقش جات جداتها وحزمات حتى هيا ودارت ليها اميمة اغنية جبلية ديال شامة الزاز
(الله يرحمه) والعروسي(الله يرحمه ) بقات تشطح الحااجة وتضحك وتشوف ف بنات الدوار بنص عين زعمة كاتمحككهم وخصوصا دوك شارفات بحالها شحال من واحدة تتمنى رااجل بحال نووح لبنتها وهد راااجل ماخداتو غير الماس قلب الحليب كيف كاايقول ليها نوح.... الولاد صغار لي جااو داك البوفي ما خلاو فيه والو كع الحلوة والثمر كلاوه رحيمو عياات ما تسب وتغاوت عليهم وهما كايحضيوها بعااينيهم. غير تخرج ويرجعو ليه تااني

اما تيك بنت القردة وبنت الحمارة والكايدارة بقاو غااكيشوفو ف الماس كيفاش بنت الحرام ضبرت على هد الراجل لي كولشي كاايقول ف دواار بنت الحرام تزوجات بنصراني

(ادا بقيتو عاقلين عليهم كانت ريشاتهم اميمة شحال هاادي ف العنصر على قبل الماس )

نوح: لي غير خرج من عندهم مشى جلس مع الحاج العاقيل هو وشي نااس جابهم معه العاقيل لي موالفين كاايخدمو معهم ف البيع والشراء ونص من دوك الرجال تصدمو من نووح كيفاش خطب من عند هد الناس ومنين كاايعرفهم....امين لي مابنش قدام نوح فين ماشافو يتخبى منو حتى جاب الضحك لبلال وعمران لي هد زوج جالسين قدام نوح بحال الامنة ومرة مرة كاينوضو يحطو اتااي للرجال ولا يجيبو الماء المهم كاايعاونو ....

نقشات الماس لي الفرحة والضحكة مااافرقاتهش كع لي تم كاايشوف فيها وفحنتها لي جاتها كااتهبل وكاايشوفو عويناتها لي مشاء لله كاايحمقو الحاجة قالبها ما هنهاش على كبدتها بسرعة نااضت كاتقرا عليها القران والموعاودتين.....
داز نقيش الحناء على حااقو وطريقو بقاات ليهم غاا صبغت الحناء لي هدا تقليد من تقاليد نااس شمااال لي فهد صبغة دالحناء كايودعو الاهل بنتهم بدموع الفراح كاايطلقو اغنية لي مستحيل ما تبكيش فيها العروسة من غير ادا كان قلبها حجر اما بنسبة لالماس فهاديك كاتبكي بلى اغااني....
جااا واقت تقليد صبااغت الحناء من بعد ما نقشات الماس ويبسات ليها الحناء وحيداتها ليها اميمة لي حنتها طلعات غزاالة فيديها جلسوها ثااني وجاابو للصينية ديال الحناء لي فيها الحناء باقة هكاك ما مخلطاش ومزوقة الصينية على حقها وطريقها جاابو منديل احمر كيف هداك لي كاتلبسو الماس مع خصرها غير هدا باقي جديد داروه ليها على رجليها ومن بعد جاابو فولار احمر ديال تقليد شماال وداروه ليها على راسها فوق الرداء وجاات رحيمو تصبغ ليها الحناء فيديها....
وقبل طلقات اميمة الاغنية ديال صبغات الحناء لي كاتبكي رحيمو كاتصبغ الحناء والمااس كاااتبكي تفكرات جداتها لي غاادي تسمح فيها وتفكراات اهم حاجة هيا الام ديالها شااامة لي مامعهاش دموعها هبطو بحال الحجر كاتبكي وتشهق مع الاغنية لي يستحيل تسمعها فشي عرس وماتبكيش