جنون نوح💓مكتملة💓

💓الجزء 47💓

جزء 47:

الماس : شافتو ماكيهضرش معها بقى فيها الحال بزااف حطات يديها على وجهها وبقات كاتبكي فصمت بقاو هكاك شحال هو مغمض عااينيه كايتصنت على حريقو وحتى على دموعها لي كايحرقوه اما الماس كاتشوف البكى ماكيفيدهاش مع نوح وكاتحس برجليها مااتو ب البرد
حيدات يديها من على وجهها وشاافت جيهتو هو لي كان مزال على حالتو ومغزز على سنانيه وعاقد حجبانو باينة فيه كايتألم

الماس : شاافت فيه وقالت مع راسها اكيد حتى هو فيه البرد حيدات البينوار ديالها لي كان عليها وداارتو ليه من البرد ورجعات لبلاصتها
وف نفس الوقت نوح بالو مع حراكتها حس بيها اش دارت ومدار حتى ردت فعل...
الماس : بصوت خاافت يحزاب ليها نعس... ن نوووح
نوح: ماجوبهاش
الماس : بقات شحال كااتشوف فيه كاتشوف حجبانو ونيفو ولحيتو هبطات عااينيها للغمزة لي عندو فلحيتو وفدقنو بضبط من ديما كاتعجبها هاديك الغمزاة لي عاندو تم بقات شحال كاتشوف فيه حتى لواحد اللحظة بقات كاضور فعاينيها شاافت فتوسكا لي ملسق وجهو فزاج كايشوف برا طنوبيل شتاء لي بدات كاطيح...
الماس: تجهت بشوية جهت نوح لي يحزاب ليها نعس وقفات واقفة ومقوصة ضهرها شوية ومدات رجليها لعند نوح وحطات يديها بشوية على كتافو وشاافت فيه وجلسات بشوية على رجليه وهيا خايفة لا يحاصلها قربات ليه اكثر ب الجسد ديالها لي لابسة غير شوميز وبيناوار ديالو رهيف عليها قربات اكثر وجلسات فحجرو و خشات وجهها فعنقو كاتتنهد والشهقة لي مزالة كاتطلع وتبهبط فيها...

اما نوح لي كان حس بحراكتها وبداكشي لي دارت كلو بقى سااكت وما تحركش حس بيها اش دارت وخصوصا منين خشات وجهها فعنقو نيفها باارد وحتى خدودها الموردين بااردين خلها على خااطرها دير لي بغاات ما تحركش من بلاصتو بحال شي حجرة غير هيا لي كاتتحرك تخشات فيه كلها وهكاك بقاات كااتستنشق ريحتو وكاتتفكر كلامو و خصوصا منين قال ليها...(( ماشي ماغتشوفيش غااجدااك وحدها حتى هدا لي قلتي عليه مااشي رااجل من هد نهااار نساايه ))
غير تفكرات كلامو وهيا تخشى فيه اكثر وطلعات يديها مع صدرو شداه من تريكو بجهد وبلى ماتحس دموعها بقاو هاابطين على خدودها كاتبكي بحال البيبي صغير وخاايفة من فرااقو ويمشي ويخاليها من ورااه
نوح : حس بدموعها فزكو ليه عنقو... فتح عااينيه وحنااهم عاندها لقها لابسة حوايج خفاف بزااف ورجليها حمرين ب البرد غمض عااينيه بسخط وحرك راسو بشوية لي ولا يقدر يحركو ورجعو اللور سااخط مابغهاش تشوفو هكا مابغهاش بقاو شحال هكاك حتى لواحد اللحظة حس بيها فحالة نعسات فتح ععاينيه وشااف فيها تنفسها منتظم عرافها غاتكون نعسات مد يديه ل فخادها وقربهم عندو بيديه اكثر لي كانو بحال الثلج وحيد واحد اليد وحطها على ضهرها مقربها عندو اكثر حتى ولات جالسة على المعلم لي غير جلسات الماس عليه وهو يحس برعشة طلعات معه...
نوح: غمض عااينيه بسخط وغزز شفايفو وقال بصوت مبحوح ومدعدع بالالم ... ولد القح*ة قالت عليك ماشي رااجل وباقي كاتقيم عليها ...