جنون نوح💓مكتملة💓

💓الجزء 19💓

جزء 19:

تفكر داك البلان لي وقع ليه فصبح معها وبلى ما يحس طلع يديه وحطها على رقبتو و بضبط فين حطات يديها هيا غير حط يديه وهو يضربو الضو
ستغرب وعقد حجبانو بإستغراب....
هبط حيد يديه وهو يلقى فيها شوية ديال الدم شاف في الدم بإستغراب
وهو يهبط المراية ديال الوطو وحيد تريكو لجنب ولقى كتفو مقموش قمشة كبيرة شوية وهو يتفكر البلان....

(زير على عاااينيه وهو كايحس بيها كا تورك بيديها على عضلات كتافو داليل على توتورها وخوفها)

نوح: تفكر ملي شدات ليه على كتفو بقوة ملي توترات
وهو يرجع راسو على الكوسان وغمض عاينيه بسخط ...
نوح: بففف هادي غا ستخيس واش خالها دير فيا اما كون كان شيحاجة اخر علم الله شحال من قمشة غا تقمش....
خرج داك الكلام بدون ما يحس على راسو وملي حاس اش قال غزز شفايفو وقال بسخط..
نوح: ختك انووح ختك
وهو هكاك صنى تليفونو لقى المتصل عماد...
نوح: الو
عماد : فاين الخوف
نوح : خارج
عماد : هد الايمات طالع للمغريب
نوح: مزين
عماد : واش بغيتي شيحاجة نجيبها ليك فيدي
نوح: بغيتك دوز عند طوني غا يعطيك توسكا وجيبو معاك
عماد: خرج عينيه... ااا ولا اصاحبي نجيب ليك لي بغيتي الا داك المصعور
نوح: مسح على وجهو ماعندوش الخطر لضاحكو الباسل... ما كين لاش
عماد: اغير ضااحك غدا ندوز عند طوني وفالعشية نكونو عندكم
نوح: مزين
سلى الاتصال مع عماد خدم صوفاج و رجع راسو على الكوسان وغمض عاينيه ونعس...
عند الماس: غير دار ليها هكاك وتحرك هيا بقات شحال هكاك كاتحك فكتفها لي بصح كا تحس بيه كا يضرها بزاااف
الماس: هئ يدي هئ شي نهار يقلعوها لي من موطعها( من بلاصتها) هئ
مسحات دموعها برا لي بدات شتاء طيح والجو لي تغاايم ودخلات لداااخل دار لقات صمت ستعجبات وهيا تطلع الفوق وقبل ما دخل لبيتها دخلات لبيت امينة مالقاتهاش فبيتيها
الماس: العجب فاينوما هد ناس...
شدات الباب ومشات البيتها غير فتحاتو وهيا تفتح فمها معه ....
الماس: هاااااء شني هدا
امينة : كبيدة ديالي مرحبا بيك في العائلة ديالنا
الماس : هااا خالتي شني هادشي
امينة : والو غير الحلوة
الماس : بفرحة شافت النفخات... شني هدا اححا تشبابخ( نفخات) وزوااااق 😍

عمران وبلال لي كانو كا يشوفو فيها وفرحانين لفرحتها وخصوصا امينة عودات ليهم قصتها كولها كع لي عوداتو ليها الماس فهد شهر عاوداتو امينة ل بلال وعمران...
بلال : خرج عاينيه ودوا بصوت خاافت فودن عمران... وتا هادي علاش كا تواحواح
عمران : كا يحبس ضحكة.... هههههه سماعتيها قالت تشبابااخ
بلال : كون ربي يرزاقني بمرا بحال هادي ناكول مها فدغمة
عمران : شاف فيه... ربط سلوكية اصااحبي
بلال : لهلى تيق
عمران : وغير هاني بالك بحال هادي موحاش واش تلقى
بلال : اعااار الله واش هد خوك خراج ليا فعودي علاش يديرها ختنا علاش
عمران : واش بغيتيه يديرها مثلا
بلال : نفخ صدرو وشاف فيه... مراااتي مثلا🙂
عمران : وعليا بليمين وباش يحلفو رجاال يا دراها ختنا غير فمسبتك وعلى وجهك زين عااارف موك زلايلي
بلال : خرج عاينيه فيه... انا اصلا ماشي خوك ولد عامك يعني هيا بنت عاامي نقدار نتزوجها
عمران : هز كفوفو لسماء : ياااااربي يسمعو نوح ياااربي بغيتو غير شي نهاار يااكول شي تفرشيخة من يد نوح وغير وحدو نوح يسلخ وانا نضحك يااربي امين( وباس يديه)
بلال : كمش عا ينيه فيه ... انا بغيت فمك يلحسو بوبي وجرو مصعور الكلب
عمران : عاايبو.... ننننننن هااااك( كوز ليه بصبعو)