جنون نوح💓مكتملة💓

💓الجزء 139💓

جزء 139:

غير قال كلامو زاد لصالون لي فيه رجال اما واحد الماس غير دخلات لقات اميمة وغفران بارزين لابسين تقريبا بحال بحال جااو كايحمقو اميمة لابسة تكشيطة متقلة ديال العريسات ف الاخضر ملاكي زوينة ودايرة الشدة تيطوانية وغفران ف الازرق ملاكي وفنفس الشكل غير اللون مبدل ودايرة شدة وشلى إكسسوارت كل واحدة بارزة وحدها و رجالهم جالسن جنبهم عمران لابس جبادور فلون ديال اللبسة ديال اميمة وبلال حتى هو جبادور فلون اللبسة ديال غفران جالسين ضاحكين ناشطين والفرحة والنشااط والجوق خدام على جهد والحاجة ورحيمو واسية وعائشة ماكين غا الله يعطيك صحيحتك وصافي عاطينها غا لشطيح ودربيز اما واحد امين غاابر مااعرفوه فين كاين...
الماس: مشات عند اميمة وعمران وباركت ليهم بفرحة كبيرة وتصورات معاهم ومشات عند غفران وبلال وحتى هما كذالك دارت معاهم نفس الفعل وغير باركت ليهم رجعات عند امينة وجلسات حداها جالسين فطابلة واحدة امينة والماس ومامات بلال وختو ...
وهوما هكاك حتى جات النكافة تااني وخدات العرسان والعريسات بصلاة وسلام برحاش يبدلو اللبيسة ويديرو اللبسة الثانية..
غير داخلهم حطو السربيات اتاي والعاصير والحلوة اشكل وانواع غير شربو اتاي الناس وكلاو الحلوة جاو سربيات كايجمعو غير جمعو كولشي وهوما يشوفو العريسات بزوج داخلين ف العمارية ورجالتهم قدامهم كايهزو الورد ويلوحوه على الناس وفرحانين والجوق خدام على جهد وهاديك مولات الجوق هيا والفرقة ديالها كاتغاني الاغنية ديال العمارية (الف هنية وهنية ويالالة عروسة ف العمارية يالالة 😅)

دارو بيهم دويرة بالعمارية وهوما كايهزو الورد الاحمر ويلوحوه على الناس وغير يقربو للطابلة لي فيها الماس والعائلة كايهزو الورد ويلوحوه عليهم
اما بلال وعمران مشاو جلسو ف البرزة وكايشوفو ف عريساتهم وهوما فرحانين وناشطين وفنفس الوقت حشمانين من نظارة ديال الناس لي البنات غا يكلوهم بعاينيهم وكل مرة كايقيمو الزين ديال بلال وعمران شكون لي زوين فيهم ههه.
غير سلاو العريسات من الدورة ف العمارية نزلو وجاو جهتهم وكل واحدة كلسات مع راجلها
وهوما هكاك حتى كايشوف عمران وبلال امين دخل ودخل معاه واحد البنت لابسة عباية طويلة ف الاسواد وطالقة شعرها الاسود على ضهارها وزوينة وامين لي توجه عند مولات الجوق
عمران: شاف ف بلال ب إستغراب وحتى بلال كذالك
وهوما هكاك حتى كايشوفو الجوق قلب من الاغنية المغربية الشعبية للأغنية المصرية الشعبية رقصني يا جدع
غير طلقات الاغنية هاديك البنت مشات قدام البرزة ديال العرسان وشاافت فيهم وضحكات حتى عقدة اميمة حجبنها وحتى غفران اما بلال وعمران بقاو غير كايشوفو فيها.. غير وقفة قدامهم فتحات الحزام ديال العباية حتى طااحت من على للحمها وبان جسدها راشيق لي كل حاجة فبلاصتها لابسة لبسة حمرء ديال المصرين هابطة حتى التحت ومزيرة عليها ومفتوحة من جناب حتى لفخدها الفوق ويديها عريانين وفرقة صدرها كاتبان ودايرة حزام ابيض ديال رقص على خصرها وبدات الرقص على اغنية مصرية( عاايم فبحر الغاد ) بدات كاتعوج فرقص وعطات بضهارها ل عمران وبلال وخرجات ترمتها وبدات كاتلوز فترمتها وهوما عاينيهم خرجو ماتوقعهاش من امين يديرها كانو حاسبين غير كايضحك معاهم فقط وماغيديرهاش ولكن طلع شلاهبي ودارها ليهم قد فمهم...