جنون نوح💓مكتملة💓

💓الجزء 122💓

جزء 122:

نوح: كان ف الشاركة كايكمل على خدمتو نهاار وهو غاارق فيها ماارتاح مارمش حتى الغداء ماتغداش الخدمة ملي كان فروسيا تجمعاات عليه ديال بصح ودابا غرق فيها غير شااف الاتصال ديالها رجع راسو الور على الكرسي وهز تليفون وهو كايشوف نمرتها لي ماكاتب عليها والو لا سميتها ولا والو حك دقنو بصبعو الكبير وعض شنايفو وفتح عليها الخط وبقا شحال كايتصنت على انفسهاا لي متوترين شحال وهو هكاك حتى سمعها نطقات بسميتو عااد جوبها بصوت مبحوح ...
نوح: Hola guapa /(مرحبا ياجميلتي)
الماس: غير سمعاتو اش قال بقات كاترمش فعااينيه ماكتفهموش اش كايقول ليها... هااا
نوح: تعوط فكلستو وهو كايلعب فللحيتو بيديه... قلب نوح
الماس: شافت ف غفران لي كاتشوف فدوك القفاطن وتتحسر وقالت وهيا حشمانة ... احم ن نوح
نوح: اش كاين باغة شيحاجة
الماس: لا ا ااه
نوح: عقد حجبانو... اه ولا لا
الماس: اه
نوح: شنو
الماس: بتوتر... دابا غفران طلعات تلبس عليها على قبل الخطوبة
نوح: حك على وجهو... ومنبعد
الماس: ما مالقات ماتلبس
نوح: طلع حاجبو... واناا مالي
الماس: حشمات منو بقات غا كتقفقف... الى احم زعمة
نوح: دخلي ف الموضوع نيشان عااندي مانقضي
الماس: دخلات ليه ف الموضوع نيشان.... غفران كاتبكي بقا فيها الحال حيت ماجبراتشي شني تلبس زعمة الى قدرتي تسيفط شي كسوة ليلى كيف جبتيهالي انا ف الخوطبة د عمران
نوح: ضحك الضحكة ديال الغدايد... يحزاااب لمووك كانبيع الكسااوي اناا مااعندي شغول نبقاا غاا حاضي اصلكم
الماس: خرجات عوينتها ندمها علاش صونات كااع ومارضاتش والدموع تحبسو فعاينيها... ص صافي ب بلاش
نوح: سمع صوتها بحالة تنغنغ ب البكااء...شوية وتوصل
الماس: ك كيفاش
نوح: رااني دوويت...
غير قال كلامو قطع عليها ورجع راسو على الكرسي واخا يعيا يزير فلساانو وفنطقو والو ماكيعرفش يهضر معاها وحتى يسايس ماكيعرفش عااندو ديريكت حط يديه على راسو لي بدا يزنت عليه كيف ديما وهادي الوقيتة ديالو وقت الالم والمعنات والمصير المجهول مع هاد الالم...

الماس: غير قطع عليها شاافت ف غفران كاتضحك... هههه نوح قال غايسيفط ليك الكسوة
غفران: ناضت عاندها وعنقتها... هههه بصح شكراا بزاااف اختي والله ماكين بحال قلبك ههه
الماس: هههه نتمناو غير تجي قدك وتعجبك
غفران: فصلات العناق... احححح الى كانت بحال هاديك لي جاب ليك داك نهار غااتعجبني هههه
الماس: ههه عرافتي انا غنمشي نلبس عليا وملي تجيك الكسوة انجي عندك
غفران: واخا غير امشي بلحق انا نعدل ليك المكياج
الماس: وقفات حدا الباب كاتفتحو وضارت شاافت فيها... لاءح ههه ماغنعمل والو فوجهي ههه
غير قالت كلامها خرجات جهت بيتها وهيا كاتضحك على هااد الحمقة ههه
غير دااز شوية ديال الوقت شي نص ساعة بحال هكاك وهيا تخرج الماس من بيتها لابسة عليها قنيدرة ديال الجوهرة فشيبي ازرق مفتووح جااتها زوينة وخصوصا مع لون عيونها وشال ف الابيض دايرة ليه شدة زوينة وبلغة ف الابيض ومع الكريشة جاات فهاديك القندورة كاتحمق وخصوصا كفما كريشتها كاتزيد تكبر ترمتها كاتزيد تخرج من اللور ههه مكحلة غير عوينتها وصاافي خرجات نيشان ومشات عند غفران غير دخلات فتحات عوينتها فيها لقاتها لابسة عليها كسيوة ف الكري نفس لون الكسوة لي جاب نوح ل الماس فخطبة عمران واميمة غير هادي مترشة من التحت وما منفوخاش بزااف ومترشة حتى من الكتف وغادية على صدر لبستها جاتها هيا هاديك مع فصالتها ولابسة معها شال ف الابيض ودايرة ماكياج خفيف وسموكي جات زوينة كاتهبل
الماس: بإعجاب..جيتي واعرة العايلة والله
غفران: شافت الماس ونااضت واقفة كاتضحك وضور فهاديك الكسوة... هههه نووح عااندو الدوق والله هههه
الماس: ههه قولي هو لي صردها ههه اجي شكون جابها واش هو جااا ندار
غفران : هزات كتفها... ماعرفتش ولكن انا طلعهالي خويا امين ههه يااختي كاتحمق